صباح الخير ، حبيت أشارككم مع تجربتي لمسكات الشعر خاصة للبنات اللي عندهم هوس الاهتمام بالشعر شراتي
اول ماسك استخدمته ماسك الصبار
استخدمت هالماسك لمدة سنة
مرة في الأسبوع كنت آخذ الصبار فرش من حديقة البيت واغسله عدل من الأتربة عشان ما تنتقل لفروة شعري واقطعة صغار وافركه في فروة شعري ( وقبلها أكون امدهنه شعري بزيت جوز الهند الجديم اللي بالقوطي الأخضر) والبس الكاب مال الشعر واخليه لمدة ساعتين الى ثلاث ساعات ، وعقب ما أغسله بالشامبو أحط ماسك للشعر اسمه شوارافسكي أشتريه من الصالون ( لمدة ثلث ساعة ).
( هذا الزيت اللي أستخدمه )
النتائج :
كانت رائعة جدا لكن بطيئة اشوي مقارنة بالماسك الثاني اللي بتكلم عنه بعدين ، طلعلي شعر والحمدلله بدى يغلظ شعري لأنه تساقط وايد من الكيراتين واحترق بعد .
الماسك الثاني :
صفار بيض + 2 ملعقة مايونيز + 2 ملعقة روب + 2 ملعقة عسل
طريقة الاستخدام :
أخلط هالمكونات مع بعض وأكون امزيته شعري وأحطهم من الفروة لين آخر الشعر وألبس الكاب لمدة ساعتين الى ثلاث ساعات وأغسله مرتين بالشامبو وأحط بلسم شوارفسكي ما يحتاي الماسك لأن المايونيز ينعم الشعر ويرطبه .
هذا ماسك الشوارفسكي
شامبو والبلسم نفس الشكل والحين غيروا البلسم استوى سبراي .
النتايج :
هالماسك روعة لاحظت النتيجة بسرعة بعد شهر من الاستخدام كملت 4 شهور من استخدمته شعري استوى كثيييييييف وبدى يطول
والتقصف راح شو ما أمدحلكم هالماسك ما بوفيه حقه .
حاليا بديت بماسك يديد الى هو الجرجير بس بطالع نتايجه وبعدين بكتب عنه ، وما راح اترك ماسك البيض طبعا يعني جدولي استوى يوم الثلاثاء ماسك الجرجير والجمعة ماسك البيض
رد مع اقتباس
