عنوان الموضوع : مجرب خواتيه، شعرج يتساقط- فراغات - ماطول ، وما تحبين الزيت حياج لصحة بشرتك
مقدم من طرف منتديات الضمير العربي
السلام عليكم ورحمه الله وبركاته
خواتيه شحالكن،، عساكن بخير
موضوعيه اليوم ،، ما بقول سحر ولا غيره ،، اللي بتستمر عليه صدقونيه بتشوف النتيجة بعينها وبتم عليه
و خبرن خوياتكن ولكن الاجر ان شا الله
سمعتن عن تونك او تونر للشعر
شرات اللي يبيعونه فالصيدليات والمعروف وتقريبا الكل جربه اعتقد ياباني لونه اسود قريب السبعين درهم
من تودرنه الشعر يرد ويطيح وانا مجربتنه
تبن شي طبيعي و مفعوله من ثاني استخدام بالكثير ثالث
تبن منتج لا ريحه ولا صدعه راس
خواتيه انا أحب سوالف الأعشاب واجربهن عشعريه ولله الحمد شعريه من افضل لأفضل
تحتاجون علبه رش ، أسبري متوسطه الحجم او ابره عوده بدون الحديده
[افضل تكون علبه عاديه وتاخذين الماي بالابره،، لانيه كل شويه اشتري مرش يديد ويختربلانيه ما أصفي الماي٪ و الترسبات العشبه تخرب الغطا ويخترب
]
جربي وانتي هب خسرانه
السدر ( معروف مكثف، مطول ومنبت)(انا استخدمته في خلطات اخرى)
خاشوقتين وكوب ماي تنقعيه يوم كامل وتصفينه فالمرش/ او تحطينه في علبه وتاخذين مايه بالابره
وترشين فروه شعرج به وخلاف تسحينه،، مره فاليوم ولو تستخدميه مرتين افضــل وأفضل
خلونا نسوي الخلطه لصلاحية يومين افضل عشان فعاليتها للعلاج
بنات جربنه واكتبن تجربتكن هنيه عشان الحماس
التونك الثاني( عشبه الياس) مجربتنه روووووعه تطويل ويغمج الشعر حتى انه يخفف التساقط عدل
ونفس سالفة السدر تنقعينه يوم كامل وخلاف تستخدمينه
عيبه الوحيد واللي ترومين تتصرفين معاه يخشن الشعر شويه حبتين،، بس ممكن تدهنين شعرج خروع وزيت جوز الهند وعادي أمورج طيبه
تحفظين التونك او التونر في الثلاجة لمدة يومين وثلاث ايام بالكثير
وممكن تجمعن العشبتين في تونك واحد،، وعفكره شي منتجات وايده يسونها بالأعشاب ومبالغ أوفر الصراحة
وانتي ترومين تسوين هالامور اروحج،، الا اذا كنتي عيازه اشتريلج من الجاهز ههههههه
عفكره انا عنديه انواع غير اللي كتبته بس بجربهن بالأول مع انيه اعرف نتايجهن روووعه لانهن اعشاب معروفه
الله يوفقنا واياكن لما فيه الخير
بنات لازم ردون ترانيه أشوف اللي يدخل الموضوع ولا يرد هههههههه
اذا عندكن استفسارات ،حاااضرين^^
دعواتكم ليه بتسهيل الولاده
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
جزاج الله خير أختي . أنا مجربة الياس وبعدي مستمرة عليه في خلطة ثانية , أستخدمها لغسل شعري بعد الشامبو وبعد أحطيه في خلطة الحنا ..السدر خشن لي شعري وشعري كان ناعم جداً فوقفت . أما الياس فما شاء الله ممتاز بس يبي حد يستمر عليه .
__________________________________________________ __________
>>>> الرد الثاني :
عشبه الياس جربتها
وحسيت انها اوك وتكثف الشعر بس بعد تخشن الشعر ف وقفتها ...ولازم كل يوم اسوي وحدة يديدة او اخليه فالثلاجة وارد اسخنه ....
__________________________________________________ __________
>>>> الرد الثالث :
بالتوفيق..حياكم الله في موضوعي المذهل...اختكم مذهله
__________________________________________________ __________
>>>> الرد الرابع :
خواتي الخشونة هاذي مؤقتة ،، يعني لو واضبتي على خلطه تطري الشعر بتكون أمورج طيبه
ممكن تسوين تونك الزعتر رهييييب للكثافة وحتى للتساقط وما بتعانين من الجفاف ان شا الله انا مجربتنه
عفكره،،
ماسك الصبار(اللب) مع موز ،، تذوبيهن رباعه على النار ومن ثم الخلاط
رووووووعه بتحسين الترطيب والنعومة من اول استخدام
خلي هالماسك أسبوعي لفتره استعمال
اللي يبا الزين لازم يصبر
__________________________________________________ __________
>>>> الرد الخامس :
مشكورة خيتو ع المعلومات , انا جربت الياس وفعلا ممتازه للشعر
رد مع اقتباس
