عنوان الموضوع : تجربتي المريرة مع الكيراتين التي تكللت بالنجاح اخيرا لبشرة فاتحة
مقدم من طرف منتديات الضمير العربي
مبارك عليكم العيد يالغاليات
بدش بالموضوع من غير مقدمات ..
بغيت أخبركم إلي صار معاي عشان مايستوي معاكم نفسي
لاحظت وايد بنات يسألون عن الكيراتين حد منهم حابنه وحد ثاني كارهه
عن نفسي فكرت وايد قبل لأسوي الكيراتين فشعري كنت احسه جاف ويتقطع والنفشة فيه خرعتني الصراحة
وكنت دوم ادش النت وادور مكان زين يسوي الكيراتين ويكون أصلي مايخرب الشعر
والبنات نصحوني فصالون غاردينيا قلت ليش لا خلني أجرب عندهم الصبغ والكيراتين اختي مسوية عندهم
وللأسف ضيعنا رقمه ماحصلته وسألت فالمنتدى إذا حد يعرفلي الرقم
ودزته لي وحدة عالخاص وللأسف ضيعته
المهم دقيت على البدالة وعطوني الرقم وحجزت عندهم موعد
وسويت الكيراتين وياليتني ماسويته اخترب شعري وتقطع بزيادة قطعلي قلبي والله حتى إني كرهت المنتديات كلها وحسيت إنها كلها كذب فكذب
وطبعا أنا كنت الضحية المغلوب على أمرها لأن ربيعاتي قالو سوي انتي الاول عقب نحن منسوي
والله إني انقهرت من الخاطر وابتديت أسوي ماسكات طبيعية وزيوت حق شعري لعل وعسى يصطلح حاله
وفرمضان اجتمعنا العائلة كلها وقعدت مع اختي
وخبرتها عن تجربتي المريرة معاهم ومن خلال كلامها عرفت إني أنا الغلطانة لأني سرت لصالون ثاني خبرتها إني أخذت موعد وصبغتلي وحدة مغربية اسمها سعيدة وعقبها سويت الكيراتين
وهي تفاجأت قالتلي ماحد عندهم اسمها سعيدة وراعيات الصالون سوريات مبمغربيات أم وبنتها ومعاهم مساعدة فلبينية
المهم مابطول عليكم فالسيرة اكتشفت إني سايرة لصالون ثاني له نفس الاسم فالجيمي
وقبل ليخلص رمضان بكمن يوم اخذت رقم الصالون إلي أباه وحجزت عندهم كيراتين حق العيد
لين اليوم نتيجته حلوة الحمدلله ماعرف كمن يوم بتدوم لكن للأمانة يشتغلون من الخاطر يتعبون ويدققون وايد فكل خصلة
واسعارهم مقبولة بس مش رخيصة ابدا
بغيت أنبهكم خواتي عشان لاتغلطون غلطتي
ومشكورات
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الحمدلله اهم شي وصلتي اللي تبينه اخر شي ،،
ربي يوفقج ^^ ويزاج الله خير ختيه
__________________________________________________ __________
>>>> الرد الثاني :
سيِّدُ الاسْتِغْفار أَنْ يقُول الْعبْدُ : اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ .
__________________________________________________ __________
>>>> الرد الثالث :
اختي غاردينيا اللي عند النور هو الزين !
__________________________________________________ __________
>>>> الرد الرابع :
__________________________________________________ __________
>>>> الرد الخامس :
شو اسم الصالون الغلا الي سويتي عنده ؟ ياريت تفيدينا
رد مع اقتباس
