عنوان الموضوع : شعرج جاف؟ تعالي شوفي الحل لبشرة فاتحة
مقدم من طرف منتديات الضمير العربي

السلام عليكم ورحمة الله وبركاتة

انا بتكلم كيف ممكن تعالجين شعرج الجاف
اول شي الشعر الجاف يسبب التساقط
والتقصف و الخشونة.

انا عن نفسي شعري جاف من الفروه للأطراف
كنت استعمل شامبو صانسيلك وكريم صانسيلك وشوي زيت فازلين.
مع الكريم والزيت كان شعري ما يبدا يفرز دهون الا بعد خامس يوم من غاسلتنه.

اول شي بتكلم عن الشامبو

يا بنات ترا الشامبو (شلة صانسيلك وبانتين) الي موجود في السوق قوي وايد على الشعر
وفيه مواد كيميائية وحده اسمها السيلكون وهذي الماده تسوي طبقة شفافة غير مرئية على الشعر علشان ما يستوعب الزيت.

المطلوب الاول: أنكن يا بنات تختارن شامبو طبيعي مافيه هالمواد الكيميائية القوية على الشعر.

انا ان شاء الله قريب بطرح موضوع منقول كامل عن الشامبو الطبيعي.

نقول غيرنا الشامبو واخترنا شامبو طبيعي
بس الشعر بعده ما يستوعب الزيوت.

الحل؟

السدر

فيه عدة طرق السدر على الشعر.
الاولى أنقع السدر في ماء حار ونخلية يوم يومين وبعدها نصفييه. هذي الطريقة حلوه وسهله
ونستخدمة قبل الشامبو. ومثل الشامبو



الطريقة الثانية والصعبه الي لها بارض تسويها
نيب سدر على حسب كثافة الشعر وطولة وزيت جونسن للإطفال ونعجن السدر وزيت جونسن مع ماء مثل الحناء ونحطة على الشعر ساعة وبعدها نغسلة. متعبه هالطريقة جربتها بس الفاعلية وايد زينة.

بقولكم ليش السدر؟
لانه زمان أهاليها ما كان عندهم شامبو كانوا يستخدمون السدر.
و في الحديث الصحيح الذي رواه الستة وأحمد أن النبي صلى الله عليه وسلم قال: " اغسلوه بماء وسدر "

والسدر احسن شي يمكن ينقي الشعر من هالمواد الكيميائية الي اكتسبها من الشامبو الغير طبيعي.

الي بتقول انا ابا شعري يطول وابا شعري يخف تساقط
اقولها كل شي يبدا علاجة من الفروه...

الموضوع مجهود شخصي وتجربة شخصية

اي استفسار انا موجوده

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
مشكووووووووووورة يالغلا ماقصرتي

__________________________________________________ __________

>>>> الرد الثاني :
مشكورة حبيبتي بس ياريت لو تكتبين لنا عن الشامبو الطبيعي لان سوالف أنقعه فالماي واتريا محد متفيج يتريا موضوعج حلو ومفيد

__________________________________________________ __________

>>>> الرد الثالث :
من وين اجيب السدر

__________________________________________________ __________

>>>> الرد الرابع :
معي سدر وما استعمله

__________________________________________________ __________

>>>> الرد الخامس :

المشاركة الأصلية كتبت بواسطة انت انا
مشكووووووووووورة يالغلا ماقصرتي



العفو فديتج