عنوان الموضوع : فرش المكياج للعناية بشعرك
مقدم من طرف منتديات الضمير العربي
سلام بنات..
انا حبيت افتح موضوع عشان نشوف انواع الفرش اللي تستخدموها..
انا بالنسبة لي: بعدني جديدة جداً في هالموضوع.. انا بشرتي جافة جداً بس بشكل عام ممتازة وخالية من العيوب ولله الحمد.. فكنت ما استخدم مستحضرات اللهم العيون والشفايف..
وللمناسبات اروح الصوالين.. بس من فترة بديت اعلم نفسي عشان ما اعتمد على حد.. ولاني اعتقد ان كل وحدة أدرى بالكيفية اللي تكون فيها احلى وشو تحتاج بالضبط،،
المهم انا ما كنت اعرف في الفرش وسمعت وايد اسماء..
اخر شي اشتريت نوع اسمه Eco-tools وهو عبارة عن فرش طبيعية وجربتها وحسيتها أوكي بس لان ما عندي خبرة ما اقدر احكم.. بس حسيتها سهلة في الاستخدام وتتنظف بسرعة وشعرها جداً ناعم..وسعرها جداً رخيص.. فقلت باتعلم عليها اول..
ومن يومين اشتريت Arced Eyeliner Brush 21 مال smashbox.. لأني شفت وايد يوتيوب وقريت عنها وايد..بس بعدني ما جربتها..
انا حبيت في هالموضوع نطرح تجاربنا.. عشان نستفيد ونفيد بعد.. انا بحط لكم روابط يوتيوب حق استخدامات الفرش.. بس بشيك اذا مسموح والا لا..
ابا اعرف شو تستخدمون.. الفرش اللي ما تستغنون عنها .. طريقة التنظيف..
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
من أحلى الفرش اللس استخدمتهم وبرجع اشتري منهم لو احتجت
real techniques
sigma
ريل تكنيكس أسعارها حلوة ورخيصة وتنفع للمبتدئين
سيجما شبيه وايد ب فرش ماك بس الاسعار أوفر وأفضل وعندهم فرش متنوعة
سيجما اطلبهم من الموقع الرسمي ،، ريل تكنيكس ممكن تطلبينهم من موقع drugstore أو بوتس بريطانيا أو امازون و مواقع امريكية متنوعه
__________________________________________________ __________
>>>> الرد الثاني :
وعن طريقة التنظيف استخدم منظف الفرش من ماك للتنظيف السريع وللطوارئ هههههه
واستخدم شامبو الاطفال للتنظيف الاسبوعي العميق
__________________________________________________ __________
>>>> الرد الثالث :
أهلين ريم.. زين افتتحت الموضوع بريل تكنيك لان وايد يشترونها.. وكنت محتارة أخذها او أخذ ecotools لأنهم نفس السعر..
انا دخلت موقع سيجما عشان اشتري بس انصدمت من عدد الفرش.. واحترت شو أخذ
وكنت اسمع البنات يقولون انهم يحبون فرشة البلاشر مثلا من هالماركة بس فرشة الإيشدو من ماركة ثانية.. فكنت احتار..
اتمنى لو وحدة خبيرة تقولنا شو البيسك برشز واستخداماتهم.. ومن اي ماركة..
ابا الحق اشتري قبل ما تخلص عروض الربيع
__________________________________________________ __________
>>>> الرد الرابع :
انا عن نفسي أشتريت مجموعه فرش من كاريكتر و وايد ارتحت لها
بس في موضوع كامل للإخت علوه عن الفرش ممكن تستفيدين منه
__________________________________________________ __________
>>>> الرد الخامس :
المشاركة الأصلية كتبت بواسطة أدور حل
أهلين ريم.. زين افتتحت الموضوع بريل تكنيك لان وايد يشترونها.. وكنت محتارة أخذها او أخذ ecotools لأنهم نفس السعر..
انا دخلت موقع سيجما عشان اشتري بس انصدمت من عدد الفرش.. واحترت شو أخذ
وكنت اسمع البنات يقولون انهم يحبون فرشة البلاشر مثلا من هالماركة بس فرشة الإيشدو من ماركة ثانية.. فكنت احتار..
اتمنى لو وحدة خبيرة تقولنا شو البيسك برشز واستخداماتهم.. ومن اي ماركة..
ابا الحق اشتري قبل ما تخلص عروض الربيع
من سجيما أهم مجموعه هي المجموعة الكامله للوجه والعين ، فيها كل الأشياء المهمه اللي يحتاجونها المبتدئين ولما نصير بروفيشنال بإذن الله نقدر بعدين نحدد الفرش اللي محتاجينها
أنا تقريبا من سنتين عندي المجموعة الكاملة ( Essential Kit ) ولين الحين استخدمها واحس كل فرشاه مهمه وما بيتندمين
ومن الفرش اللي احتجتهم بعدين فرشاة الأساس السائل Round Kabuki و Flat Angled Kabuki وبتحصلين فرش مشابهه لهم في سيفورا و ريل تكنيكس وكلهن ممتازات
واحتجت فرشاة للهايلات Tapered Highlighter
رد مع اقتباس
