عزيزاتي المشاهدات
السلام عليكم ورحمة الله وبركاته
حسيت اني اقدم برنامج
الموضوع تقريبا مكرر أذكر كان عندي موضوع قديم كيف تشيلين اي شادو ماك من العلبه وتحطينه بالبلته
اليوم بنسوي نفس الشي ولكن بنستخدم اي شادوات غير
اليوم بنحط اي شادوات بريستيج اليديده أمس وصلت من دبي للفرع الي قريبنا ويابنات بسوي عليهم ريفيو وهني اللينك للي حاب يعرف رايي فيهم بس ركضوا خذوا لكم عن لا يخلص لانه يايبين 3 حبات من كل لون وانا خذت حبة من كل لون من كل الكوليكشن الي هو عباره عن 8 الوان لكن باختصار كواليتي بريستيج بهالكوليكشن يضاهي مااااااك ... مزيد من التفاصيل في الموضوع التالي
https://forum.uaewomen.net/showthread...6#post40932656
مدري شو يايني اليوم احس كاني بطلع بالتلفزيون
انزين يكفي قرقر ونبدا شغل
باسم الله
هني الكوليكشن العجييييييييب
اول خطوة اتطلعين الاي شادو من العلبه طبعا في ماك الامور معقده أكثر لانه كوالتي الباكيجينج وايد عالي اما هذا الشادو أوريدي يتحرك بالبلته فبملقط او دبوس اسحبي طرفه وبيطلع بروحه بكل سهولة ما يحتاج لا تسخين ولا تدقديق ^_^
ثاني شي تشيلين اللصقة الي ورا عشان تلصقينها على ظهر الايشادو عشان تعرفين شو اسمه ورقمه اذا حد سألج او لو خلص وتبين تاخذينه مرة ثانية
بعض اللصقات قوية مثل ماك تحتاج إلى تسخين عشان يذوب الصمغ وتسحبينها أما هذا من غير حرارة تنسحب وبكل نظافة واتم ستيكي
عقب تلصقين اللصقة على ظهر الايشادو وبيكون الايشادو مالج جاااهز تحطينه في أي
بلتة ممغنطة لأنه حديييييييد يلصق عالمغناطيس فما تحتاجين صمغ ومغناطيس
طبعا الحين نحتاج بلته ممغنطة شو يعني ممغنطة يعني الي يكون البيس مالها مغناطيس من وين بتحصلين مثلها مب لازم تشترينها لانج تقدرين تصنعينها بروحج... تذكرون البلته الي صنعتها
هني رابط طريقة صناعة البلته للي يبا يشوف
https://forum.uaewomen.net/showthread...687&p=40882541
طبعا لاني استخدمت شريحة المغناطيس من دايسو مغناطيسهم خااايس ضعيف ما يعلق عليه شي فاضطريت اني الصق شرايح مغناطيس على البلته بشكل حلو عطا البلته ديزاين لابأس به
واخيرا الشكل النهائي
ترا لا
دايم افضل البلتات لأنها اسهل بالاستخدام وتوفر مساحة بدل ما ادورين حبة حبة هاللون والا هذاك وانتي وقت التعديل طبعا دايم نتأخر وتبين كل شي جدامج وبسرعه سرعه مب متفيجة ادورين والا اصلا كم بتتذكرين انه هالشي عندج لو ما بيكون جدام عينج عمرج ما بتستخدمينه بينركن وبيخترب وانتي ما استخدميه ^_^ عليكم بالبلتات واحسن شي ترتبون بلتاتكم اما حسب اللون او حسب الماركة وانا جيه مسوية بالبلتات الي عندي ^_^
ان شاءالله الموضوع عيبكم
دعواتكم
والي حابة تنقل الموضوع اكيد عادي بس بذكر المصدر ^_^