عنوان الموضوع : قبل لا تروحين الصالون نصيحتي لج هي ؟ . . شاركونا خبراتكم و مواقفكم ♡ للعناية بشعرك
مقدم من طرف منتديات الضمير العربي

السلام عليكم ورحمة الله وبركاته

.

.

خواتي العزيزات هدف الموضوع
نشارك أفكارنا و تجاربنا في الصالون والأشياء الي تفضلون تسوونها
و الأشياء الي ما تفضلونها و شو تحبون
تاخذونها معاكم في حال ماعجبج الشغل؟


+


شاركونا مواقفكم الي مريتوا فيها
في الصالون سواء كان عندج مناسبة أو لا . .



ملاحظة (( رجاءً خواتي لا تذكرون أسامي الصالونات ، ماكيرات ، مراكز تجميلية حتى لا يُحذف الرد ))



و حياكم



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
أنا ببدأ

.
.

نصيحتي خواتي لكم إذا حجزتي
في الصالون مكياج ! لا تنسين تشلين وياج
مزيل مكياج + الفاونديشن


لأني مريت في موقف محرج جداً
مرة حجزت في الصالون وايد يمدحون
شغل المكياج عندهم وكان عندي حفلة تخرج
و طبعاً أول ما وصلت على طول بدت الماكيرة
تمكيجني كانت بنية عدالي تقول الله يخليج
يوم بتحطيلي الفاونديشن لا تزيدين و تمكسين
عسب ويهي مايكون طبقات و أنا انصعقت o.o
أول ما خلصت المكياج أجوف ويهي باهت و يبين
جنه طبقات و المكياج أبداً مش مرتب و كله بودرة . .
طبعاً شكرتها وأنا ميودة صيحتية ،، بعد ما طلعت من الصالون
على طول بيت خالتيه أقرب مكان .. جافتني تمت تمدح المكياج
وانا اقوللها بصيييح بصييييح طاعي ويهي
وهي تصارخ تقولي لا تصيحين بيخترب الميك اب دخيلج فطوم
وأنا أرد اقوللها هاتي مزيل المكياج و تذكرت اني قايلة حق البشكارة
تييب الفاونديشن مالي و الحمدلله على طول مشيت البودرة و الفاوديشن مالهم هذاا
الي ف ويهي و حطيت الفاونيشن بتاعي و صاروووخ على حفلة تخرجية
اسميه عمي تم يضحك عليه

بس أنا بالعادة أمكيج عمري لكن قلت يلا دام يمدحون شغلهم
خلني أجربه وللأسف ماعجبني الشغل وكانت تجربة فاشلة

__________________________________________________ __________

>>>> الرد الثاني :
ما أسير الصالون

__________________________________________________ __________

>>>> الرد الثالث :
والله ياختي هالصوالين حظ انا اروح زيارة اطليهن صور لشغلهن بالعادة اسوي شعري الحمدلله
كمكياج مابمدح عمري اعرف لكل شي بالميكب بس احب اسويه بروحي
لكن تسريحات اجرب

__________________________________________________ __________

>>>> الرد الرابع :
طبعا زوجي مانع روحة صوالين بس المناسبات المقربه جدا اولا اروح صالون الا ثقه بس دايما اطلب مكياج خفيف عسب ما اجازف

__________________________________________________ __________

>>>> الرد الخامس :
صدق الصالون حظوظ

تشوفين الناس طالعين من نفس الصالون روعة .. لكن
يوم عليج يلوع بالجبد ..

انا نصيحتي اذا خذتوا موعد .. تأكدوا منه خصوصا للميك اب ..

انا مرة خذت موعد .. بس من فترة طويلة ويوم سرت في الموعد
قالوا ماشي اسمج .. مانقدر نسويلج ميك اب ..

طبعا ماسكت .. وقلتلهم مب غلطتي .. وجلبت المكان فوق
راسهم هههه .. كنت متنشنة بالقو .. بس الحمدلله عدت على خير