عنوان الموضوع : ادوات الرسم على الاظافر... دروس مهمة لفن الأظافر لشعر جذاب
مقدم من طرف منتديات الضمير العربي
السلام عليكم بنات
بناءً على كثرة الأسئلة الي توصلني عن الأدوات الي استخدمها بدروس المناكير وبعد طلب اختي ززهرمار لهذا الموضوع
اضع بين يديكم معلومات مهمة ومفيدة لعمل ديزاينات روعه بابسط الوسائل
أول شي الألوان المستخدمة
النيل بولش طبعا + الاكريليك كولور acrylic color
هني صورة ألوان الاكريليك
من أكثر الألوان الي يمدحونها للمناكير هي من شركة اوماكسي الي يعرف وين تنباع بالامارات تخبرني
انا جربت ماركة بيبول ابد مب شي الوان خفيفة وسعر مرتفع ما نفعتني وايد لازم ارد احط طبقات من اللون وهالشي ما يعطيج فينيشنج حلو لانه بيبين ضربات الفرشاه زيادة على اللوك وما بيطلع نظيف
ثاني شي
نححتاج اكيد للفرش
الفرش اشكال وانواع ولكل نوع استخدامه
انا عادة استخدم هالفرش
هذي طقم ال 15 قطعة
عندي طقم زيادة من هالفرش راح انزل موضوع شو بسوي بهالطقم الزايد ^_^
وهني فرش الستريكس streaks brushes
هاي الفرش شكلها صعب بالاستخدام لكن هذي احسن فرش بترسم لج خط سيده حلو من غير اي تعرجات ويسوي لج الستريكس لاين الي هو الخط الطويل ممكن يكون مايل او سيدة
وهنا الفرش الي تستخدم للويت مناكير وهو عبارة عن بودرة تخلط مع سائل خاص يصير مثل العجينة تتشكل بالماي وبواسطة هالفرش ممكن بعد تستخدمها كفرش للرسم بواسطة الوان الاكريليك
ثالث شي نحتاج الى بعض الادوات الاحترافية ذات اشكال معينة
مثل ادوات التنقيط dotting tools
فهي تسمح لج بعمل نقاط بمختلف الاحجام بشكل نظيف وحلو تعجز عن عمله الفرشاه
طباعة المناكير
لعمل كثير من الاشكال غاية في الدقة والصغر الحل في هالطباعة
تتحصل بكل مكان بالقرية موجودة بكشكات المناكيرات على 30 مدري 20 درهم الأهم انج تاخذين الحلقات الي عليها اشكال وايد
اذا تبون اسوي موضوع عن الطريقة المثالية لاستخدامها خبروني
اسفنجات للحصول على شكل مختلف للمناكير ولدمج اكثر عن لون واضح شو اقصد بالصورة
ممكن نستخدم اعواد الخشب الي تساعدني في تنظيف الحواف + وضع الاكسسوارات بمكانها
تااااابع
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
اخيرا نحتاج الى مجموعة من الاكسسوارات الي بتساعدنا لخلق ديزاينات فريده من نوعها ثلاثية الأبعاد
طبعا اشكل وانواع الاكسسوارات
انزين الحين وحده بتقول لي حشا انا عيل ميزانيتي كلها بتروح على شراء كل هالاغراض
وفعلا كلامها مقنع هذي الادوات ضرورية للصالونات والماكيرات (واحم للمدمنات عل المكياج مثلي ^_^ الي احب اجرب واتعلم كل شي ) فهل توجد بدائل لها
اكيد طبعا
خل نشوف شو اشياء موجودة في البيت تقدرين تستخدمينها كادوات احترافية لخلق لوكات روعة للمناكير
بالنسبة لأداوات التنقيط ممكن تستخدمين هالأشياء كادوات تنقيط dotting tool
راس قلم الرصاص أو الدبوس او بينة الشعر كلاليب
غيره
شو رايكم نستخدم اقلام التلوين بدل اعواد الخشب
وهنا نستخدم اسفنجة المكياج بدل اسفنجات المناكير
او
اسفنجة المواعين ((مب سيم الجدور تحملوا عاد تقطعون اظافركم واصابعكم عقب تقولون علوه قالت))
تستخدمين الجزء الاسفنجي مب جزء غسيل المواعين ^_^
تقريبا هذا كل الي عندي
الله الله بالردود لانه هالكم يوم القسم وااايد ميت ولالالالالالالالالالالازم اسوي شي ارد الحياه له بس ابا همة المشرفات وياي عشان يسوون اعلانات بجميع الاقسام نستقطب اكبر عدد ممكن من المتابعين والأعضاء الحلوات ^_^
__________________________________________________ __________
>>>> الرد الثاني :
__________________________________________________ __________
>>>> الرد الثالث :
فديتج والله علوووه ماقصرتي صراحه استفدت وايد
عندي كم سؤال بالنسبه للألوان الاكريليك لما ارسم ع ظفري بعدين أسوي مزيل أظافر تروح ولا
والنسبة للطباعة ع أظافر عندي فالبيت أبدا ماعرفت اضبطها ياليت لو تنزلين له درس
مشكوره وايد ع مجهودج
__________________________________________________ __________
>>>> الرد الرابع :
مشكوره
__________________________________________________ __________
>>>> الرد الخامس :
المشاركة الأصلية كتبت بواسطة زهرمار
فديتج والله علوووه ماقصرتي صراحه استفدت وايد
عندي كم سؤال بالنسبه للألوان الاكريليك لما ارسم ع ظفري بعدين أسوي مزيل أظافر تروح ولا
والنسبة للطباعة ع أظافر عندي فالبيت أبدا ماعرفت اضبطها ياليت لو تنزلين له درس
مشكوره وايد ع مجهودج
ايه تروح حبيبتي ^_^
ان شاءالله بس والله القسم يقهر وما يشجع مول الواحد يسوي مواضيع
شوفي كم ياخذ مني الموضوع اسويه اصور وانزل الصور واكتب عليهن وعقب ارفعهم بموقع واكتب المووضوع وانزل عليه الصور وهني تشوفيني البنات الردود بالقطارة المشاهدات توصل لج 10 الاف وماشي غير 5 ردود
مشكوره
العفو حبيبتي ^_^
رد مع اقتباس
