عنوان الموضوع : افضل منتجات لرسم الحواجب ^_^ من تجاربي لشعر صحي
مقدم من طرف منتديات الضمير العربي

السلام عليكم
أختنا ميمية88 كان عندها استفسار وسؤال حلو عن المكياج وهني رسالتها

السلام عليكم ورحمة الله وبركاته


شحالج اختيه؟
فديتج بغيت اعرف شو احسن نوع لرسم الحواجب؟ الكريمي او القلم او شو؟
ومن اي براند؟ وشو افضل فرشاه لرسمهن؟

ومشكووووره مقدما


بالنسبة لرسم الحواجب لازم نعرف التالي
اذا استخدام يومي أو لمناسبة وفيها تصوير وفلاش
للاستخدام اليومي
دايما افضل اللوك الطبيعي والناتشورال والي يناسب لون بشرتج وشعرج وعيونج
أفض المنتجات والي اعتمدتها هي
علبة رد ايرث وتحتوي على لون غامج وفاتج ورمادي تناسب كل لوكاتج


أو منتجات ماك للحواجب

وقلم جيفينشي للحواجب


اما بالنسبة لجل رسم الحواجب او تاتو الحواجب فالسموحة من الي يحبونه انا ما يبناسبني لانه يبين مصطنع وايد وواضح انه الوان حتى تاتو هالايام يرسمون الحواجب بشكل شعرات صغيره عشان ما يبين انه ملون فما انصح اي وحده تستخدمه



ولأن معضمنا يتدرج بين الحنطي والأبيض عيونا سوده فيعتمد على لون شعرنا بالاساس
بالنسبة الي مشقرة شعرها ياليت لو ما تغمجين لون حواجبج وايد فتستخدمين البودرة
طبعا ابدا ما شرط يكون عندج شي من المنتجات المذكورة بهالموضوع اي لون اي شادو وافضل كواليتي يكون زين عشان ما يسيح عليج أو يختفي اللون خلال كم ساعة استخدمي ماك او فورايفر يكون مات فنش ومايكون فيه لمعه او ستان فنش

اما بالنسبة للقلم الي تحب تستخدمه فياليت لو ترسمين الحواجب بشكل شعرات صغيره وما يكون خط واضح عشان يعطيج اللوك الطبيعي للحواجب
واما الفرشاه فافضل الفراشي الي احبها هي الصغيره والمفلطحة منها


وبالاخير تذكروا تستخدمون الكلير ماسكارا عشان تثبتين حواجبج مكانها

وسلامتكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يعطيج العافية
اول مره اسمع عن كلير ماسكارا من وين نشتريها؟

__________________________________________________ __________

>>>> الرد الثاني :
حيااااااتي والله ماقصرتي
الرد ايرث تستخدمينه بماي؟
القلم ماحب اسخدمه ولا التاتو
وبعد يمدحون بوبي بروان بس ماجربته للحين
وان شاء الله اخذ من رد ايرث واجربه

__________________________________________________ __________

>>>> الرد الثالث :
للرفع

__________________________________________________ __________

>>>> الرد الرابع :
الحمد لله حمدا كثيرا طيبا مباركا

__________________________________________________ __________

>>>> الرد الخامس :
ابدا ما انصح بمنتجات ريد ايرث .. عن تجربه
افضل شي للحواجب عن تجربتي من ماك و ميك اب فور ايفر و يتمون عندج واايد بس اتمنى لو تشوفين تاريخ الانتهاء لان من تنتهي مده المنتج اللون يكون باهت و يخوز بسرعه يعني مب ثابت , لان هالنتجات اتم عندج بالسنين ف لازم اتجيكين عليها

و يعطيج العافيه