عنوان الموضوع : ملابس السفر البدل الكويتية وين ألقاهن بنات الشارجة و دبي وبوظبي و إماراتي الحبيبة مكياج عصري
مقدم من طرف منتديات الضمير العربي


سلالالالالالالالالالالالالالالالالالالام حبيباتي
ناشة من الصبح

إلا أدور على لبس للسفر من النت

و قلت باطالع حريم الإمارات
خخخ
أقصد سيداتها..
يمكن يفيدوني
أعرف إنكن ما بتقصرن

بإذن الله بسافر

ومع تنقل من مكان لمكان
خصوصا المناطق الباردة

و تعب السفر

أحتاج ملابس مريحة
بس تكون كاشخة و حلوة

و في السفر لازم كشخة

ماشاء الله ألاحظ السعوديات و الكويتيات وايد أنيقات
وكل وحدة حسب قناعتها
يعني أنا أحب ألبس قمصان كويتية و طويلة على بنطلون
ساترة و في نفس الوقت كشخة
مثل هذا اللي شفت الإخت ضايفته

و أختي لما تسافر لازم تلبس عباية

و نحن في الإمارات أغلب البنات بعباياتهن ..
شفتهن في تركيا ماشاءالله براقع و بعض السعوديات بنقاب..


بس أعتقد كله لبس إسلامي مدام محتشم

و أنا زوجي من النوع اللي يحتشر دوم ماشاءالله
غطي صدرج و دخلي شعرج و ..........الخ
حبيباتي اللي تعرف مكان يبيع في محلات في الإمارات تخبرني و مشكورة مقدما


و من خلال بحثي قريت عن هالمحلات
عند رنا الغور اللي في الشارجه
وين محلها؟؟؟
في حمدان سنتر في عجمان لبس كويتي بالشيفونات وقصات غريبه
وين مكانه؟
بالسوق الجديم اللي بالشارقه
في سارة وإلا وين بالضبط؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
بس في شيء على طاري النقاب شفتوا هالكاريكاتير اللي مسويينه عن النقاب الله يسامحهم بس بصراحة بغيت أعرف الأخوات اللي يتنقبن كيف ياكلن في المطاعم أقصد في السفر؟ السموحة للجميع أنا أحترم الكل و مابغيت وحدة تزعل مني

__________________________________________________ __________

>>>> الرد الثاني :
شفت عند زارا ومانغو قمصان طوال
ألبسي عباة مسكرة ويكون فيها شغل بسيط وعملي
ان شاءالله تستانسين في السفر
الله يوفقج

__________________________________________________ __________

>>>> الرد الثالث :
حلو طرحج للموضوع

يغير ستايل المواضيع ويبعدنا عن الملل

انا احس اغلب محلات المولات فيها ستايلات متنوعه من القمصان او حتى الفساتين الطويله الي عليج تنسقين بينها .. واذا عيبج شي من دون كم وتبين ادوريله ملابس تلبسينها تحته .. روحي محل اوريجيم عندهم قمصان كم طويل هاي نك وبدون قطن ستريج ... وايد تنفع حق السفر عشان تلبسينها تحت الملابس الي يدها قصيره شرات لبس الكويتيات .. انا اقول تلفين لفه فالمول وتنقيلج من المحلات المعروفه قمصان واسعه شيفون او اي خامه ثانيه ولا تنسين فساتين طويله وجاكيتات طويله الي فيها ازرار

جان بتسيرين دبي روحي مول الامارات ولفي فيه .. بتلاقين وايد اشياء .. ومحل اويجيم موجود هناك .. الشوز خذيلج جوتي للمشي .. وخيلج بلارينا وايد دارجه وشي منهن في كعب بسيط .. همممممممم شو بعد

اهم نصيحه .. جربي كل شي قبل ما تاخذينها عشان ما تندمين على شي .. وشوفي يليق عليج ولا لا .. هب شرط اذا حلو على غيرج يطلع حلو عليج .. فهمتي كيف .. استغلي موسم التنزيلات ... حطي الالوان في بالج ولا تنسينها .. ونوعي فالاسكارفات اذا هالشي يناسب ريلج

سفره سعيده

__________________________________________________ __________

>>>> الرد الرابع :
حمدان سنتر بعد مستشفى جي ام سي مااايضيع على نفس الخط
والشارجه عندج سوق جديم بكبره
ووقمصان طويله بتلقين في سبلاش ومحلات الراقيه

__________________________________________________ __________

>>>> الرد الخامس :
سيري المصانع اللي فعجمان وفكي عمرج .. فالسفر منو بيعرف ان لبسج ماركه او من مكان معين ^ـــ^


لفيه بطوله .. سيري زارا وديفانس .. وشي محل كويتي اسمه مس كويت كله بدل كويتيه وحلوه وطوييله بعد ..