عنوان الموضوع : !~¤§¦ فستان يرضي غروري ¦§¤~! موضة
مقدم من طرف منتديات الضمير العربي

السلام عليكم

شحالكم بنات ...

عنوان موضوعي غريب صح .. فعلا أنا محتاية فستان يرضي غروري ... عرس أخوية شهر 12 باذن الله

الغاليات أنا مرات أسير أعراس و الله راسي يدور من حلات الفساتين و الأفكار العجيبة ؟؟ و مرة أنعزمت ع عرس في ( كلباء في الشارجة ) بصراحة طاار عقلي ؟؟ ياخي عندهم شغلااااااااااات تجنن ؟؟ مب شرات محلاتنا اللي بالعين ؟؟؟

و من يومها ... قررت و حبيت أتميز بفستاني جدام هلي و ناسي ... بس مب عارفة من وين أبدأ ؟؟

بليز بنات ساعدني بأفكاركن ؟؟؟

بنات ... أنا أريد فستان مميز ... ما يهمني سعره .. بس أباه مميز .. أبا أسوي حركة .. ما قد حد سواها ؟؟ مثلا :

1. أفصل فستان مع ( طاقية شرات طواقي ملكة بريطانيا أو الطواقي اللي يلبسهن الحريم اللي في سباقات الخيول )

2. أو أفصل فستان + مسكة باليد شرات العرايس .. بس المسكة ع لون فستاني طبعا )

3. أو أفصل فستان مع حركة المظلة .. او حركة المروحة اليابانية اللي باليد ؟؟؟

و الله تعبت و دار راسي ؟؟؟؟؟ بنات الفزززززززززعة

منو تعرف مصممة او مصمم شاطر في هالشغلات ؟؟؟

منو تعرف محل يبيع فساتين جاهزة مميزة ...

و منو عندها فستان مميز و حابة أتبيعه ؟؟ و اذا عيبني باخذه من عندها ؟؟؟؟؟؟

بليز بناااااااااااااااااااااات ... لا أطنشون موضوعي ؟؟؟؟؟

و أنا كتبته قبل العرس بفترة ... علشان أحصل أكبر تجاوب منكم ؟؟؟؟؟

و ان شاء الله الموضوع يفيد الجميع

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
اذا حابه اتفصلين عندج ازرا في دبي .. واذا فستان جاهز عندج في بوظبي محلات فنانه مثل الطاير الاخضر .. ركزي على الفستان اكثر .. التميز بيكون في الفستان اكثر من الاكسسوار نفسه

__________________________________________________ __________

>>>> الرد الثاني :
سيري عند الصممه جميله المنصور دار غواشي لتصميم الازياء في دبي
تصاميمها غريبه وتسوي هالسوالف واكثر بعد
اختيه مسويه فستان ملجتها عندها والكل تخبل عليه

__________________________________________________ __________

>>>> الرد الثالث :
يسلموووووووو حبيباتي ع سرعة الرد و التواصل ... و الله فيكن الخير

عاد انا زهبت ورقتيه و قلمي و قاعدة أكتب كل الاقتراحات ^_^

من احين أيمع معلومات

__________________________________________________ __________

>>>> الرد الرابع :
ليش ما تروحين دونامودا في بوظبي روعه ...
وبعدين ألحين الموضه الشي الهادي والله أحسن
تبين نصيحتي ركزي على

1- اللون
2- الإكسسوارات

وانشالله تنخطبين يا رب

__________________________________________________ __________

>>>> الرد الخامس :


~..غواشي من أروع دور التصميم
الحلو فيهم تراكيب الفستان اتكون من نفس ديزاين القطعة
صدقيني لو اتصممين عند جميلة بتكونين ملكة الحفل ..~