عنوان الموضوع : اللي فصلت عند ام ريم للعبايات تدخل موضة
مقدم من طرف منتديات الضمير العربي

اشحالكم بنات انا من امسات استلمت عباتي من عند ام ريم للعبايات الحمدالله عيبتني وايد وقياس طلع مضبوط بس اخوي حبطني قالي شو هالعبايه جنج سوبر مان انا الحين اباه اخذ رايكم اللي شافت العباه اللي فيها مرايا وشيفون من وراه اتقولي رايها في العباه ويزاكم الله خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الغاليه ممكن تصورين العباه

__________________________________________________ __________

>>>> الرد الثاني :
الغاليه ممكن تصورين العباه

وممكن رقم ام ريم للعبايات

__________________________________________________ __________

>>>> الرد الثالث :
ماعندج سالفه تسمعين كلام الريايييل اصلا هم مايعيبهم شي حتى لو حلو لازم يعلقون عليج

__________________________________________________ __________

>>>> الرد الرابع :
انا خاطري اسوي عباه عندها من عقب ما شفت في عرس ربيعتي وحده لابسه عباه من عندها بس كانت شي شي.. اتصلت فيها وبغيت آخذ موعد بس ما تستقبل حاليا الا بعد العيد واتريا اتنزل موديلات العيد الثاني عسب اسوي عندها..واتشجعت أكثر من كلمتها في التلفون كان اسلوبها وايد حلو وجدا محترمه.

لا تاخذين على كلام الرياييل لانهم دوم ينتقدون العبي والموضه ( ما يعجبهم العجب ولا الصيام في رجب ) وطالما عايبتنج اتوكلي على الله

__________________________________________________ __________

>>>> الرد الخامس :
انا شايفه العباه والعباه حلوه بس اذا حابه تسلمين من كلام اخوج اترومين اتخيطين القطه الي ورا في العباه نفسها ......
اللبسي عباه سادة وبعد بتحصلين تعليقات من الرياييل ها شي عادي وطبيعي اهم شي رايج وراي خواتج