عنوان الموضوع : محلات الكلف و الدانتيلات ولوازم الكشخه خخخخخ
مقدم من طرف منتديات الضمير العربي

شحالكم بنات ربكم الا بخير في واحد من المنتديات شفت دليل لمحلات الكلف و الاقمشه الحلوه اللي ممكن تستعملينها يوم تبين تسوين لج عباه او جلابيه فقلت خلني اقلدهم و احط دليل للبنات عشان نساعدهن انهن يكشخن حسب ميزانيتهن و خصوصا انه في منهن عرايس و يتزهبن فانا بقول عن المحلات اللي اعرفها :
ابوظبي ملك و شهيد و في الزاويه محل ايراني للاقمشة و في العمارات الخلفية كم من محل كلف بعد اوكيه و في داخل مدينة زايد شي محل كلف بس غالي الصراحه من محلات الاقمشة في بوظبي محل شيخه في مدينة زايد و محل التعيين ورا مركز فتوح الخير

العين في محل كلف في سوق الميدان

دبي سوق مرشد اغلب المحلات الخلفيه و التبت و الاقمشة في بناية الكويتي كلهاو مركز المنال و طبعا محل ازرار في الرقه بس غالي

الشارقه طبعا منطقة المريجه اغلب محلاتها للكلف و الاقمشة و في اقمشة في سوق السور و في الاميري في السوق القديم و في السوق المركزي ( الاسلامي) و شي كم محل كلف في حلوان عدال مركز عهود

في عجمان في محل كلف عدال المحلات اللي تبيع ساري هندي
و السموحه منكن بس هاذي المحلات اللي ادلها وياريت البنت اللي تعرف ما تبخل علينا و اللي ما تعرف ترفعي الموضوع بدعوه حلوه يلا يا بنات خلوانا نبدا مشوار حملة الكشخه حسب ما في الجيب خخخ ( اسم الحمله طر الصراحه ) خخخخ خصوصا بعد ما اعلن بو الشباب سياسة التقش عقابا لي على كشختي المكلفه خخخخ ( الله يهديه ) اتريا ردودكم الحلوه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
22 مشاهده و لا رد واحد جني انا بس اللي ادل السوق ؟ اب اب اب اب اب

__________________________________________________ __________

>>>> الرد الثاني :
انا بعد ابا اعرف يلا يا بنات اب اب اب اب اب اب اب

__________________________________________________ __________

>>>> الرد الثالث :
هلا اختي

مشكوره عل هالموضوع وان شاءالله نساعد بعض

بصراحه انا ما اعرف الا المحلات اللي في دبي

ديره: في سوق عكاض محل اسمه التبت و الصاروج وفيه محلات كثيره عدالهم وها اسعارهم وايد رخاص وكله بالجمله

بر دبي: في سوق السطوه محل معروف اسمه (الفدا) مشهور ببيع الكلف والكرستلات من سنين اضن من 25 سنه او اكثر بس الحين تطور ويسوي عبي وحتى لو بغيتي من الغاليات يسوي,,, وطبعاً اسعاره اغلى من محلات ديره

وسلامتكم

__________________________________________________ __________

>>>> الرد الرابع :
السلاااام عليكم
هلااااااا خواتي
ابا الي اعرفهم في محل في الشااااارجه وايد عود وعنده اشياء فخمه اسمه بيت الاحلام
وفي عيمان مجابل اللولو الي وين محلات العبي في محل اسمه الخيط الابيض---

__________________________________________________ __________

>>>> الرد الخامس :
سوري نسيت في واحد في شارع الضيافه وااايد حلو