عنوان الموضوع : استفسار لخبيرات التجميل والميك اب !! ازياء عصرية
مقدم من طرف منتديات الضمير العربي
السلام عليكم ورحمة الله وبركاته
اشحالن عساكن بخير وسهاله
ما بطول عليكن والله
لانيه عروس وعندي استفسار مهم وتعرفون العرايس يحاتون كل شي لين يوم عرسهم
غالياتي الي عندها خبرة واضحه عن الميكب وطريقة تنظيف الميكب
حبيت استفسر هل ينفع استخدام البدي لوشن لتنظيف الميكب من الويه ..
دانا رحت سويت بروفة مكياج عند الخبيرة مالتي
ولاحظت انه استخدمو شرى الكريم ميبي لوشن نظفت ليه المكياج
وعقب حسيت بشرتي ناعمه وحلوة
مب شرات منظف المكياج الي يجفف البشره ويحرق العين
نصحتني الخبيرة بزيت الزيتون
بس قلت احلى لو يكون لوشن لو مافيه مظره
نسيت اسأل خبيرتي فقلت بسألكم
براويكم صورة البدي لوشن الي عندي وودي استخدمه لان ريحة حلوة واحسه حلو اني استخدمه وانا عروس ويدام ريلي بنظف احس فشله زيت زيتون
هذي صورة اللوشن
يزاكم الله خير فيدوني ربي يسعدكم
تحياتي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
"مَنْ دَعَا لِأَخِيهِ بِظَهْرِ الْغَيْبِ قَالَ الْمَلَكُ الْمُوَكَّلُ بِهِ: آمِينَ وَلَكَ بِمِثْلٍ".
__________________________________________________ __________
>>>> الرد الثاني :
الافضل مزيل ميكب
واحسن شي من ميكب فورايفر
__________________________________________________ __________
>>>> الرد الثالث :
موفقــة الغــلا
__________________________________________________ __________
>>>> الرد الرابع :
انا بنسبالى كيف الوحده تنظف بغسول الوجه وعقب تمسح ويها بزيت الوز او اي كريم منظف ومرطب
وهذا غير ماسكات مع البخار ينظفلج يا بعمق على قولتهم و التنظيف كذا طريقه اهم شى تفركين ويهج بطريقه ناعمه صوب الماكن رؤؤس السوده
__________________________________________________ __________
>>>> الرد الخامس :
اول شي الف مبروك و الله يتمم لج على خير يا قلبي
ثاني شي اكيد لا و مليون لا ما ترومين تستخدمين البودي لوشن للويه لان بشرة الويه غير عن بشرة الجسم فلازم تستخدمين مزيل الميك اب الخاص بالويه عندج كم من ماركه بس عني انا استخدم مال كلينيك و من صيدلية بوتس
رد مع اقتباس
