عنوان الموضوع : الشنط الأصلية المستعملة أحدث موضة
مقدم من طرف منتديات الضمير العربي

مرحبا بنات...

شحالكم...

بغيت اسألكم..

انا واااااااااايد ايي في خاطري اشتري شنط مستعملة من البنات الي يعرضون شنطهم في الجراج سيل...

بس وايد اتردد من هالشي... للاسباب التالية:

1- اخاف ما تكون اصليه .. لان موب الكل يوضح الفاتورة او السريال نمبر..
2- اخاف ما تكون نظيفة...
3- اخاف ما تكون بالحجم الي يناسبني ..

فياليت لو اي وحدة اشترت شنطة مستعملة من المنتدى تعرض لنا تجربتها ... هل كانت ناجحة او فاشلة...

لان بعض الشنط يمكن تغامرين تاخذينها مستعملة.. اذا كان سعرها بحدود 3000 وتحت..

اما اذا كانت فوق ال5000 فبصراحة الواحد ما يقدر يغامر...

الموضوع مفتوح لكم للنقاش حبايبي..

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ينقل للقسم المناسب

__________________________________________________ __________

>>>> الرد الثاني :
انا ولا مره جربت اشتري
بس لو تبين تتاكدين من الشنطه قولي حق اللي بتاخذين الشنطه منها اطرشها ويا المندوب و اذا عيبتج خذيها .. و اذا ما عيبتج بس اللهم ادفعي حق المندوب 30 قيمة التوصيل!
لان احس فـ الصور مب كل شي يبين .. تشوفين الشنطه بعينج وايد احسن

__________________________________________________ __________

>>>> الرد الثالث :
أنا مرة خذت شنطة من عند وحده حق اختي
والله يسامحها
الصور اللي في المنتدى شي
واللي وصلني شي ثاني
و يوم ييت أتواصل وياها ما ردت علي
فص ملح و ذاب !!
كانت حاطة صور كاملة للشنطة مع الملحقات والكرت والسيريال نمبر وكل شي
بس الشنطة اللي وصلتني تقليد في كيس عادي وبدون دست باق والسير مطرور
لهالدرجة في ناس ما عندهم لا ذمة ولا ضمير!!!

أنا ما أعمم لكن هذي كانت تجربة وحده
تعلمت اني ما أشتري من أي وحده مني والدرب
شي خوات فديتهم ثقة أعرفهم من زمان أكيد باخذ من عندهم لو حتى بمليون بدفعلهم

بس شي ناس أستغفرالله لو يعطوني شنطهم ببلاش ما أباها

والآراء تختلف واختلافها لا يفسد للود قضية

دمتم بخير

__________________________________________________ __________

>>>> الرد الرابع :
لاتصدقين اللي بالمنتدى وبعدين حتى لو يديدة لاتاخذينها لان بتايلند يشترون الشنط رخاص وتقليد رقم 1 بالرقم بالكرت

في اعتقد بمول دبي محل يبيع شنط ماركات مستعملة اسالي وشوفي

__________________________________________________ __________

>>>> الرد الخامس :
شو اسم المحل بالضبط.... ياليت لو تعرفين تخبريني...


انا كانت لي من زمااااان (قبل 3 سنوات تقريبا) اكثر من تجربة في هذا الموضوع..

بعضهم ما شاء الله والنعم فيهم من بنات .. شنطهم نظيفة جدا وكأنها يديدة...

وبعضهم ... استغفر الله لو شنطهم يعرضونها ببلاش ما اشتريها ... من كثر ما هيه باين عليه الاستهلاك وايد...



المشاركة الأصلية كتبت بواسطة ورقة ناعمة
لاتصدقين اللي بالمنتدى وبعدين حتى لو يديدة لاتاخذينها لان بتايلند يشترون الشنط رخاص وتقليد رقم 1 بالرقم بالكرت

في اعتقد بمول دبي محل يبيع شنط ماركات مستعملة اسالي وشوفي