عنوان الموضوع : صالون في دبي ،،، صبغ الشعر ازياء عصرية
مقدم من طرف منتديات الضمير العربي

مرحبا أخواتي،، اش حالكم

حبيت اسألكم عن أحسن صالون أصبغ فيه شعري في دبي،،، و حصلت للحين 4،،، و مترددة و مب متأكدة من الأسعار،، يعني ما عرف شو السعر المناسب لصبغ الشعر

سألت صالون شارم اللي في الممزر،، قالوا لي تحت الألف يعني عادي ب 800
و صالون غوطيس في جميرا،، قالوا لي تبدأ الأسعار من 250 و فوق
و صالون باتشي آند لوتشي الأسعار من 300 و فوق بس المشكلة الصالون قسمين للرياييل و قسم للبنات،، و أنا مابا و كنسلته
و صالون بل فام في جميرا عند وحدة اسمها كريمة،،، و الأسعار تبدأ من 250 و فوق على حسب طول و غلاظة الشعر

ياريت يا بنات اللي جربت واحد من هذا تخبرني،،، و بالنسبة للأسعار يعني شو السعر المعقول،،،، مثلا صالون جويل ياخذون 2017 و 3000 حق صبغ الشعر أحس إنها تبالغ بالقو،،، حرام هالسعر حق صبغ الشعر

السعر يكون معقول و الأهم الشغل يكون محترم و بروفيشيونال

أترياكم و أدري بكم ما بتقصرون،،،،،،

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
للللللللللللللللللرفع

__________________________________________________ __________

>>>> الرد الثاني :
الغلا انا ما اصبغ شعري الا عند نجوى اللي في صالون فيرست في شارع المرقبات صبغها رووعه واسعارها معقوله يعني انا شعري لين نص الظهر تصبغ لي ب 250 بدون هايلات ..

وباتشي لوتشي انا قاصه شعري عندهم مافي ريايل ؟؟؟ كله حريم ولبنانيات استغربت يوم قلتي انه في قسمين للريايل والصبغ ما جربته بس وحده من الاهل دووم تصبغ عندهم وصبغهم وااااو بس اسعارهم غاليه شوي

وغوطيس بعد يمدون شغلهم بس انا ما شفته ..

وعندج صالون عمرو بعد وحده من الاهل تصبغ عندهم دووم شغلهم حلو اسعارهم معقوله ..

واي استفسار انا حااضره

__________________________________________________ __________

>>>> الرد الثالث :
أختي فطوم،، مشكورة الغالية على ردج و اهتمامج،،، أنا متصلة صالون باتشي آند لوتشي و سألت الفلبينية قالت لي السعر يبدأ من 300 و فوق و بعدين خذيت موعد عندها فسألتنتي عند منو تبين الريال و للا الحرمة،، هني عاد استغربت قلتلها ليش أنتوا خلط قالت لا بس عندنا قسم للرياييل،، منفصل عن البنات،، بس و الله ما حبيت الفكرة أساسا قلت ممكن حب يتفلسف و للا شي شو أسوي عاد،، و أنا ملتزمة وااايد الحمدلله،، و ما تعجبنتي هاي السوالف بالمرة،،،، عشان جذي كنسلته

أما عن غوطيس،، حبيبتي ممكن تقولين لي اسم الحرمة اللي شغلها حلو،،، و يزاج الله خير الغالية

__________________________________________________ __________

>>>> الرد الرابع :
للرفع

__________________________________________________ __________

>>>> الرد الخامس :
،، أخيرا ،، صبغته شعري،، سرت صالون بل فام اللي جميرا،، و الله شغلهم رووووووووعة و الأسعار مرة حلوة،،، يعني صالون شارم تقول لي الحرمة السعر تحت الألف،،، استغربت و ما سرت لهم،، و عند بل فام صبغوا لي شعري ب 450،،،، و قصت لي شعري بطريقة وااايد حلوة،،،عطتني فعلا نيو لوك،، و غير هذا صبغت لي حواجبي،، نفس لون شعري

ماعاد بشرتي حنطية،، أحيانا سمرافاتحة،، بس اللون هذا مفتحني واايد،،، و الله يا بنات أنصحكم فيه،، سيروا عند وحدة اسمها كريمة،، حتى أسلوبها ذوق و الشغل آخر موضة،،،،، يزاها الله خير

مشكورين يا بنات على الردود،، و يزاكم الله خير