عنوان الموضوع : محلات المولات تصميم عصري
مقدم من طرف منتديات الضمير العربي
السلام عليكم ورحمة الله وبركاته
خواتي فتحت هالموضوع لغرض بيفيدنا جميعا بإذن الله
ولو مكانه في هالقسم غلط ياليت المشرفات ينقذوني
أغلبنا لما نخطط نسير للمول الفلاني نكتب شو نبا ومن اي محل
بس للاسف من كثر ما نشوف وندور ونحاتي نتخربط ونضيع
ووايد منا لو صدفه كنا ب مول وطلع شي بخاطرنا نبيه
ماا نلقى المحل او نضيع بمكانه وماشي وقت ندور
او اكثر شي يستويلي ما اكون متعوده ادش هالمول يعني ماعرف شو من محلات عنده
في هالموضوع .. يااليت كلنا نتعاون ونكتب عن:
اسامي المحلات + في اي مول واي اماره + شوفيه هالمحل
وبصراحة اكثر
ابي حد يفيدني عن مولات ابوظبي - محلات لملابس داخليه وبجامات نسائيه وبجامات رجاليه وملابس للاطفال
وبندردش عن الموضوع فقط
يعني اي وحده بتشارك ياليت تدخل دوم وترد عاللي يسالها
دعواتكم والله يوفقكم وييسر امركم
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أنا ببدا معاكم بمحل للبجامات يخبل☺
Women's Secret وومن سيكريت
عيبهم الله يسامحهم اكثر بجاماتهم عليها رسومات بس الوانهم حلوه وقطعهم ناعمه
مكان المحل في ابوظبي بمارينا مول والوحده مول وبوظبي مول
وفي دبي موجود بفيستيفال سيتي ودبي مول ومردف سيتي سنتر وديره سيتي سنتر
وفي ميغامول الشارجه
وبوادي والجيمي في العين
وبس يلا كملو عني
واتوقع شي تنزيلات في هالمحل الحين
شرايكم
__________________________________________________ __________
>>>> الرد الثاني :
oysho
الوحده مول ... البجامات والتيشرتات غرااااااام
لاسنزا
موجود فكل المولات احب بجايمهم
__________________________________________________ __________
>>>> الرد الثالث :
بضيف على كلامج oysho شي في بوابه الشرق بعد
وينكم بنااات
__________________________________________________ __________
>>>> الرد الرابع :
~~
غريبه ماشي رد منكن ليش عاد !
__________________________________________________ __________
>>>> الرد الخامس :
هاذا موضوع مفيد أحب هاذي المواضيع لاكن إعذريني ماروم أفيدج فمولات بوظبي
رد مع اقتباس
