عنوان الموضوع : حد فيكم جربت صالون عمرو في العين مول ؟
مقدم من طرف منتديات الضمير العربي
السلام عليكم خواتي
شفت صالون عمرو موجود في العين مول . جنب مطعم شهريار
انا حابة اصبغ عندهم . قالو يستخدمون لوريال
حد جرب صبغهم ؟
شو تحسون اسعارهم مناسبة ؟
هل صبغتهم تثبت والا تروح ؟
هل تجفف الشعر ؟
بكم يصبغون الجذور بس ؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
__________________________________________________ __________
>>>> الرد الثاني :
أنا والله مستغربة الحينة ابا أسالج سؤال انتي وكل البنات إلي يحبون يسيرون لصالونات أونه مشهورة
مثل عمرو وجويل لنهم يطلعون فالتلفزيون
هل سألتم نفسكم مرة يوم بتسيرون هالصالونات منو بيعدلكم فذمتكم هل ترومون تجابلون ويه جويل ولا عمرو
أنا بياوب على هالسؤال
طبعا لا
لن عندهم وايد أفرع فأكيد مابيتوايدون فيها كلها
وإلي بيعدلكم إهو موظفة أو موظف فالصالون يعني إنتم بتسيرون لهالصوالين بسبة شهرة أصحابها إلي ماتجابلون ويوههم
يعني كأنكم سرتم لأي صالون عادي
نصيحة يابنات لاتنغشن فالمظاهر وفكرو .. فكرو زين قبل لاتسيرون اي صالون وتلعبون فشعوركم وبشرتكم
__________________________________________________ __________
>>>> الرد الثالث :
ربيعتيه عرسها امس يوم توهقت نصحوها تسير له .. بس للأسف ما قدرت اسير عرسها واشوف كيف شغلهم ..
تخبري بنات العين لأنهن أدرى
^_^
__________________________________________________ __________
>>>> الرد الرابع :
هلا انا صبغت فالفرع في غرير سنتر حلوا صبغتهم وقصت الشعر شعري قبل مارووح الصالون كان مخترب من الصبغه القبليه والحين بعد ماصبغت عندهم واو حلو وحتى قصتلي شعري جي من اطراف بس عسب يغلظ واسعارهم حلوا انا شعري طويل وصبغت لون واحد خذت مني 800 وقصت الشعر 200 الاطراف ويالقصه
__________________________________________________ __________
>>>> الرد الخامس :
صبغتهم تنعم الشعر هاللي لاحظته ع شعري
رد مع اقتباس
