عنوان الموضوع : اللي عرسها جريب تدخل وتقول لي !!! جديد
مقدم من طرف منتديات الضمير العربي

السلام عليكم ورحمة الله وبركاته

حبيبتي عرسج جريب خبريني شو شعورج الحين وشو حاسه وشو هي استعدادتج؟؟؟؟؟

انا مثلج بس اتصدقين وايد جايسني توتر وخوف وقلق لدرجه اخاف شعر راسي يطيح ويبيض والله اول مره احس بالطريقه هاي يمكن لاني من النوع اللي يوسوس واحس بتشتت ما اعرف شو اسوي وقمت اعد بالايام

بس تعرفون شو قررت في هالفتره اشغل نفسي بقرايه القران واني اختمه اكثر من مره واني اقضي دين رمضان واصوم الست من الشوال يمكن هالشي يخفف علي وينسيني

بس ما اعرف هل انا الوحيده اللي شي تحس ولا كل البنات مثلي

بلييز خلكم معاي ولا تسيرون عني

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حبيبتي لا تتوترين مثل ما قلتي اقري القران والهي نفسج بشي ثاني رتبي اغراضج شوفي شو ناقصنج..

انا عرشي عقب شهرين تقريبا ومتوترة اشوي بس ارتب اغراضي الف مرة و اشوف شو ناقصني..

اشغلي نفسج باي شي..

والله يبعد عنج التوتر وعنا..

والله يوفقج يارب..

__________________________________________________ __________

>>>> الرد الثاني :
أول شي مبــــــــــــــــــــــــــــــــــــــــــــــــ روك العرس يا أمورة!....
ثاني شي اللي تمرين به طبيعي جداً جداً.... التوتر شي عادي... لكن المهم انه ما يزيد عن حده وما يخليج تستمتعين بهالفترة من حياتج....
ترا فترة الملجة والتجهيز وايد حلوة والأولى إنه الوحدة تتهنى بها قد ما تقدر....
ثالث شي... القرار اللي اتخذتيه رووووووووووووعة... ابدي فيه في أسرع وقت... وزيدي عليه الدعاء...
كثري من الدعاء في سجودج وفي أوقات الإجابة إنه رب العالمين ينزل عليج السكينة والطمأنينة في جميع أحوالج وأوقاتج... وبالذات في يوم العرس...
وييسر لج جميع أمورج ويسخر لج قلوب من تحتاجين... لا تنسين أذكار الصباح والمساء داومي عليهن... وخاصةً في شهر العسل...
نصيحة... استعيني برب العالمين في كل أمورج... من أصغرها لأكبرها...
اذا سرتي السوق واحترتي في شي حابة تشترينه...
رددي دعاء الاستخارة وانتي واقفة ورب العالمين بيختار لج الأحسن...
ولا تنسين قبل ما تطلعين من السوق إنج تتصدقين لو بخمس دراهم بنية تيسير أمور زواجج وإن رب العالمين يسعدج مع زوجج...
الله يسعدج ويهنيج ووييسر لج كل أمورج.... وتطلعين أحلى وأجمل عروس!...

__________________________________________________ __________

>>>> الرد الثالث :
نفس الشعور الغاليه بس وين انا معرسه من 4 اسنين و هذا احلى شعوررررررر

__________________________________________________ __________

>>>> الرد الرابع :
انا ما باجي على عرسي الا شهر ... ما تتوقعين شكثر خايفه ... احس عمري متوتره وفيي صيحـــه

وخاصة خواني والا خواتي دومهم يقولون لي ما باجي شي ع عرسج بتروحين وبتخلينا ... هني احس دموعي بتنزل
ما اعرف ليش احس عمري خااااااااااايفه ..


واايد مستويه هادية ونفس الوقت عصبيه <<< كيف ما ادري

بس ما اباا غير انكم تتدعولي

__________________________________________________ __________

>>>> الرد الخامس :
انا بعد ماباقي ع عرسي الا شهريين واايد زااايغه وبعدني ماخلصت ازهاابي
وطبعي وااايد تغييير عن قبل
واايد اتوتر واعصب ع اتفه شي