عنوان الموضوع : #الليل وردي ولون الليل من وردك# تقرير عرس حقيقة سراب 5/3/2017# الجزء الثاني# جمال و اناقة
مقدم من طرف منتديات الضمير العربي

السلام عليكم ورحمة الله وبركاته

بمــا اني يالسه في الدوام ملانه وطفرانه وماشي شغل... وبما انه ألبوم العرس تم استلامه

قلت أنزل الجزء الثاني والخاص بصور القاعه وتوابعها مثل ما وعدتكن خواتي

واللي ما شافت الجزء الاول من موضوعي هذا هو الرابط

https://forum.uaewomen.net/showthread.php?t=724122

الحين نبدأ بالموضوع

بسم الله الرحمن الرحيم

أذكروا الله خواتي

الألوان الموجوده في العرس هي الوردي(اساسي) ولمسة بنفسجي (الورد بس)، ذهبي وفضي
وأسود كخلفيه للكوشه

للأسف نسيت أصور مدخل القاعه وطاولة العطور عند المدخل

مدخل القاعه كان عباره عن عواميد تنجيد جلد ومن فوق نازله كرستالات بأحجام مختلفه

أما طاولة العطور كان عدالها مدخن كبير ومداخن صغار وعود عادي ومعطر ... العود المعطر محطوط
في داخل مزهريه مزينه بورد... ان شاء الله بنزل صورهن في الجزء الثالث

الكـــــوشـــــــه

بالنسبة لإضاءة الكوشه كانت تتغير بين الوردي والأبيض والبنفسجي (باعتباره ثيم الحفل)
غير جيه وفرلي محل الكوش الكشاف اللي يسطع عليه يوم أدخل ببلاش

صاحب محل الكوش ما قصر بدا تركيب الكوشه من اليوم اللي قبله بس عب ما يخليني اتوتر
واحاتي اي تأخير... واخوانه كانوا مجابلين الشغل بروحهم حتى اني كنت معاهم ليله العرس لين الساعه 1 في الليل وبعدين سرت عنهم وهم كملوا

يوم ظهرت عنهم كنت اسوق وانا مدوخه.... خلاااااص ماشي طاقه


إليكن الصـــــــور

على فكره انا ظهرت من الكوشه... والشاطره اللي بتقول من وين ظهرت
صديقاتي اللي حضرن العرس لو سمحتن ممنوع التغشيش




الممــــــــــر

بالنسبه للممر ... كنت حريصه انه يكون عريض والحمدلله كان ثابت ما شاء الله، وانا امشي
مول ما حسيتبه يهتز جني امشي على الارض.. ومثل ما بتشوفن في الصور انه مش سيده
وفي آخره ستيج الرقص كانت مساحته حلوه... والبنات ما قصرن




الطـــــــاولات والسنتر بيس

الطاولات اخترتلهن كفرات لون ابيض وفضي والاواني كان لونها ذهبي

السنتر بيس طلبته بسيط جداً ومش عالي عسب الكل يشوف بعضه ولا تغطي على حد وفي نفس الوقت
ما ياخذ مساحه كبيره ويضيج على أواني الذهب

اما الكراسي فالكفرات مالها ابيض وزينتهن بالتور الوردي وحطيت لمسه من ورد الاوركيد البنفسجي
الموجود في الكوشه لو لاحظتن... لمسة البنفسجي كانت جداً بسيطه
تخيلوا اني تميت في القاعه لين الساعه 8 ونص



وهني صورة جماعيه للطاولات



القاعه كامله مع شاشة العرض

عرضت في الشاشه صوري من يوم كان عمري شهرين لين يوم الملجه

الكل مدح العرض.. وفي نفس الوقت بعض الصور هزت اهلي لانهم تفاجئوا اني حاطه صور يدي ويدتي
الله يرحمهم... واااااااايد أثرت فيهم الصور... واستانسوا عليها





بوفيــــــه الحلــــويات

كان برع القاعه في الممر الخاص لهاي السوالف... كان خاطري يصورونه صوره من بعيد شوي
عسب تشوفن كيف شكله... كان وايد حلو بس المعازيم تعيزن يسيرن هناك فيبنالهن الحلو لين عندهن





نافـــــــورة الكــــاكاو



بنـــــــات الزهـــــــور

ربي يحفظهن ويحرسهن من العين... هالكتكوتات هن بنات خواتي الثلاثه
ويمكن تستغربن ليش وحده منهن مغطيه ويهها والسبب هو انها بنت ربيعتي
واحتمال انها ما تحب تحط صورتها... وانا ما احب اسوي شي من دون شور

ما شاء الله تبارك الرحمن




وهذا ولـــــــــدي ربي يخليه ويحفظه لي اللي على اليسار... واللي على اليمين ولد خالتي

مطقمين الجماعه في البدل ... فديتهم والله





اخيـــــراً وليس آخراً وصلنــــا إلى نهاية الموضــوع

تعبت خلاص

ان شاء الله الموضوع يعيبكم ... وفي انتظار ردودكن الطيبه ... ويالله شدن الهمه عسب انزل الجزء الثالث... وانا حاضره لأي استفسار

ادعن لي الله يرزقني بالذريه الصالحه... ويسعدني مع ريلي ... خاصه انها التجربه الثانيه من بعد معاناه

والسموحه منكن خواتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
ما شاء الله رووووووووووووووووعة
ربي يحفظج و يوفقج و يرزقج بالذرية الصالحة
و عسى ربي يسعدج مع ريلج

__________________________________________________ __________

>>>> الرد الثاني :
مبرووووووووووووك
ربي يحفظج لج ولدج وريلج
والله يرزقج بالذريه الصالحه

__________________________________________________ __________

>>>> الرد الثالث :
الصراحه العرس شكله كان قمة في الذوووووووق والترتيب .. ^^ والله يسعدج ويوفقج ياربي

__________________________________________________ __________

>>>> الرد الرابع :
حبييييييييييت ولدج الصغنوونة بخبطه لشموووو اختي هههههههههههههههههـ

ماشاء الله الكوووووووووشة عيبتني وااااااااايد ~ حبيتها من الخاااطر ~

ربي يوفقج ويرزقج يالذرية الصالحة ~

__________________________________________________ __________

>>>> الرد الخامس :
^^ نــآآآيس فديــــتج
وربــي يوفقـــكم إن شــآءالله ..))