عنوان الموضوع : مواقفكم يوم الخطبه ( الشوفه الشرعيه) جمال و اناقة
مقدم من طرف منتديات الضمير العربي

الـــــــــــــــــــــــســــــــــــــــــــلام عروساات



شخباركم شمسويين


الموضوع واضح من العنوان يلا كل وحده تقول لنه قصتها



على فكرة شفت هالموضوع فمنتدى ثاني وعيبني





انا ببدى اول شي طبعا انا انخطبت ثلاث مرات ومن نفس الشخص تخيلوا النظرة الشرعية الاولى توني ياحليلي بعدني ادرس فالجامعة وبتخرج ومابقى لي غير سنتين وهالريال كان بياخذني الثانية لان حرمته على ذمته بعد فشو سويت الحبيبة ماتعرف انه لازم تلبس عباية هع زين ان ابوي تلاحق علي وشافني هاهاها قالي وين داشة جيه بدون عباية ياحليلي كنت لابسة جلابية اتحرى جيه هع المهم هو شافني وانا ماشفته كنت مستحية ومرت السنة ومااستوى النصيب

ومرت سنه وسنتسن وجان نفس الريال يا وخطبيني للمرة الثانية بس هالمرة استوت مشاكل بينه وبين حرمته وطلقها وصار فري وجان يشوفني للمرة الثانية هع بس هالمرة عرفت شو اسوي لبست عباه وتمكيجت خفيف وكانت هالنظرة اونه على اساس نتفق على كل شي ع الملجة والعرس وشو شروطي ونفس الشي السالفة اتكنسلت

ومرت سنه وهالسنة خطبني للمرة الثالثة ولما رمسني ابوي انه يبي يشوفني للمرة الاخيرة ونتفق على كل شي جان يطيج قلبي تعقدت ياحليلي من كثر ماخطبني وتغير شكلي وقلت لابوي ان شاء الله قالي خلاص راح تتفقون على كل شي ورحت وتلبست وتكشخت بس حطيت جحال وجلوس وبلاشر كنت ع الطبيعة وشو ابوي سوى هع خلاني انا والريال بروحنا فالميلس مع اخوي الصغير اللي عمره ثمان سنوات اونه محرم هع وجان الريال ياخذ راحته ويلس حذالي بس الللي كان مفرقنا كرسي وكان يرمس انه يبيني وراح نسكن فالبيت مع اهله و ووووو وتم يسولف لي عن دراسته وتم يسألني عن الشغل وعن دراستي وجيه وانا ساكته ومنصدمة خايفة اقول موافقة ويتفركش الموضوع جان اسولف وياه عن الشغل ومايبت طاري العرس وجيه بس قلتله بفكر وبرد عليك وبصلي استخارة وبخبر ابوي جان يقول متى بتردين علي هع جان اقول بخبر ابوي وكان بكل فترة يطالعني وانا مستحية ومعرقة هههه حتى الكلينكس ذاب هع وزين ماطاحت شيلتي لاني كنت اعدلها ههههههه وجيه


وان شاء الله هالمرة ثابتة ثابتة وبملج وبيتحقق حلمي دووووووومي ادعي ربي عسب يتمم لي على خير وبس دعواتكن لي بنات - وتصدقون عندي احساس غريب دومي فرحانه ومتفائلة لان هالسنة صدق بيستوي فرح وحتى قمت ادور عن فساتين ملجة وادور عن حريم يسوون ميكب وتسريحات وووو حاسة ان الامور تتيسر - وحتى قمت اهتم بشكلي حتى ربيعتي فالدوام مستغربة ههههههه


دعواتكن لي بنات



تفضلن المايك ^^

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
يسعدنــي أني أول وحده أرد عليك ههههههههههههههه
طبعا انا خطيبي من العايله
وعندنا قانوووون مافيه شوفه شرعيه ههههههههههههههه
يبا يرسل امه خواته والا يشوف صورتي .. يتصرف ههههههههههههه
المهم انا اشوفه من الدرايش اللي يخليهن هههههههه

__________________________________________________ __________

>>>> الرد الثاني :
ربي يتمم لج على خير الغاليه ^_^
وتكون هالمره ثابته
بس صدق صدق سالفتج غريبه هههههههههه

__________________________________________________ __________

>>>> الرد الثالث :
ادعولي انخطب هالسنة ..

وين الباقياات

__________________________________________________ __________

>>>> الرد الرابع :
عن نفسي لله الحمد ماصار لي شي بس كنت مرررره طمااااطه من دخل وشافني @@
وربي يرزق كل بنت يااارب بالزوج الصاالح ويوفقج يالغااليه ^_^

__________________________________________________ __________

>>>> الرد الخامس :
احسن شي النظرة الشرعيه ولا تشوفين شكله وتنصدمييييييييييييييييييييين بعد الملجه اخس شي وتلوع
جبدج وتتحبطين وكل شي خخخخخخ



المهم ربي يووووووووفقج يارب ويتمم لج كللللللللللللللل شي على خييييييييييررررر