عنوان الموضوع : بشروا ليل السعادة باغلى ليله في سنينه .. تقرير ملجة ماسة شرجاويه ^_^ جمال الامرات
مقدم من طرف منتديات الضمير العربي
السلام عليكم ورحمة الله وبركاته
شحالكم عساكم بخير اكيد اكيد تعرفوني صح .. اوني عاد خخ
للي قروا قبل تقرير خطبتي بليييز لاحد يعلق ويقول تو الناس بتنزلين تقرير الملجه خخ
من سنه وانا اقول بنزله وما نزلته لووول ولج ويه ترمسين بعد ههه
والله سوري كنت مزهبتنهن وسويت فرومات وانمسحن عقب تعايزت ونسيت السالفه
حمستوني .. خاصه هالايام اشوفه تقرير خطبتي ينرفع
قلت حلو السنه اليايه بشوف ردودهم ع تقرير الملجه اللي بنزله اليوم لوووول اسولف
وهذا رابط الخطبه للي ما شافه
https://forum.uaewomen.net/showthread.php?t=603779
كانت حفلة ملجتي تاريخ
16-6-2017
حلو التاريخ صح لووول
انا ملجت نفس اليوم ف القاعه يابوا المليج هناك ورمسني بالفون ههه متخيلين
وقعد يسألني هل انتي فلانه بنت فلان وهل تقبلين الزواج ب فلان ومهرج قدره كذا .. كله كنت اقول نعم نعم الاخت مصدومه
كنت وايد مرتبكه عقب وطرشوا لي الدفتر عسب اوقع اول مره احس ان توقيعي هالكثر مهم ههه
تقريبا عقب ساعه اربيعاتي حشروني بالمسجات يلا يلا اتأخرتي اطلعي خخ
وانا حدي متوتره وقاعده اهدي نفسي وصلت لين عند الباب اوني استعد نفسيا اول ما شغلوا الزفه كان بدايتها شعر
امي تقولي امشي وعموتي تقول لا اتريي موووول ما زادوا ربكتي ههه
جان اتريا الشعر يخلص عسب امشي
يحليله ما قصر علي الخوار تعبته تم يشعر لين راح صوته
بشروا ليل السعاده بأغلى ليله في سنينه
بشروه بأحلى فرحه كل مايقبل اوانـــــه
ليله من الف ليله والبدر ربي يعينـــه
من محياها يكحل فجرنا جفنه وليله
دخلت القاعه وبهرت الناس بطلتي البهيه فديتني
عقب انا حسيت اني مصختها اقنتعت ودخلت هههه عاد انا اوني بطلع بستعرض ع راحتي خخ صدقوني مارمت
كان يقولون لي مري ع الناس تمشي انا كنت داخل اقول لهم اوكي ولا بعد اليوم اللي قبله اربيعتي
تشرح لي كيف وانا اتدرب خخ متفيجه
والله ما دريت بعمري الا اشوف الكوشه هدف ابا اوصل له خخخ ع قولة اربيعاتي كنت تركضين
استعدادتي للملجه كانت وايد سريعه كنت هالفتره ادرس فالجامعه وكان علي فاينلات عقب 3 ايام ملجت وعقب 3 ايام من الملجه رديت ادرس صيفي يا فرحه ما تمت .. بس الحمدالله تخرجت وافتكيت
بس كلكم تعرفون ان تجهيزات الملجه من فستان وكوشه وشبكه يبالها وقت وناس متفيجه مب وحده زي حالاتي تدرس فالعين ومتلتهه خخخ محد قالج وافقي ع الملجه
المهم اللحين بحط لكم الصور
ملجتي كانت ف قرية البوم السياحيه وهاي صورة كوشتي
سويتها سمبل ع اساس انه ملجه مب عرس واخترت الالوان اللي يايه ع فستاني كما هو موضح فالصوره لووول
وهاي صورة للطاولات ما كنت مقتنعه وايد فيها بس يالله عوضتها فالعرس الحمدالله
والله يوم تلبيس الشبكه كنت مشوطه هههه اتنافض ماعرف شو فيني .. جني اول مره اشوف ريلي
غير جي اصلا يوم قالوا لي انه المعرس بيدخل انا مب مستوعبه اقول ليش .. ما شبعت من اربيعاتها الاخت
ف عموتي من بعيد تأشر لي قومي قومي يعني اوقفي جان اقولها ليش .. متعايزه
قالت لي المعرس بيدخل ههههه ما كنت ادري ان لازم اوقف جي شو بحيي العلم هههه
وأشوف خواتي الصغار 4 و6 سنين يركضون صوبي
يقولون لي البسي شيله خالي فلان بيدش اللي هو ريلي مساكين متعودين ع الاحتشام لووول ما عرفت شو اقول لهم
حسيت هذاك اليوم اني خيبت املهم كنت القدوه اوني ولا بعد عقب الملجه يوم ريلي كان اي بيتنا
خواتي الصغار يقولون لخواتي الثانيات اللي اكبر انتوا بعد ليش بعد تلبسون شيله ترى اختنا العوده ما قامت تلبس هههههه يالفشيله
ولا ريلي ما يقصر يقول هاي زوجتي عسب جي ما تلبس شيله بآخذها وياي ما بخليها عندكم
واختي الصغيره تعصب وكل ما تشوفه ياي بيتنا تركض تيب لي الشيله وتلبسني اياها ههه
اونه خلاص انتي اللحين مب زوجته وتفتن علي جدامه تقول انا شو قلت لج وين شيلتج هههه فديتها
وهو يغايضها يشيل الشيله من ع راسي ع هالحال .. جان اقول لها انتي بعد شعرج طالع يعني انتي بعد زوجته .. انصدمت الفقيره ركضت تيب شيله لعمرها ههه
وطول ما نحن ع الكوشه انا كنت لازقه ف اخوي .. جنه هو ريلي مب اللي حذالي الصوب الثاني ههه
مسويه له طاف واخوي فديته يحاول يضحكني اونه ابتسمي ليش ماده البوز وانا طاف
طولت عليكم صح هههه خلاص بسكت يلا نكمل نشوف الصور
هذا استاند شبكتي
وهذي صورة اوضح للعقد
الحلق
وهاي صورة دبلتي ودبلة ريلي
انا اشتريت له الدبله ع ذوقي اونه سبرايز حبيت انها تكون مميزه خذت له دبله من مونت بلانك مسكين يلبس دبلته اكثر مني ههه
وهاي ساعتي ( شوبارد ) احبها لوول مع ان كان نازل اللي ايدد منها بس ما خذتها
بس لان انا احب هالشيب اخترتها هي دون غيرها تليق ع ايدي لانها ضعيفه وانا اصلا ما احب الدزاين الدائري
وهي صح بعد خذت لريلي هدية ساعة الماس GF وهاي صورتها
الحمدالله وايد عيبته بس من الربكه ما عرفت كيف البسه اياها توترت قلت له البسها بروحك ههه
وهاي صورة مسكتي
فديت امي انا كنت فالجامعه وهي كانت تقوم بمعظم المهام
من ضمنها المتابعه والحرص على الورد والالوان والــخ
الحمدالله عيبت الكل سويتها عند تبر بس للاسف اللحين خلاص ما يسون مسكات
دور للفستان
هالصوره مش كامله بس جزء منه لونه سكري
وكل ما ننزل تحت يغمج اللون يغدي مشمشي فالنهايه هو كم طويل
وامي فديتها كانت معارضه ليش كم طويل ما بتتحنين لين فوق وما ادري شو بس انا اصريت
بس الجزء العلوي لو انه كم طويل اونه عاد مستر بس كان تور يعني عاري وعلى التور كله كرستالات
اونه ابا اتستر اي ستر هذا وكله شفاف ههههه
الكل كان يقولي جان عرستي بالمره ع قولتهم عرس مب ملجه خخ
ع فكره عقب عرسي ب 6 شهور اربيعتي سوت فستان عرسها نفس فستان ملجتي
كان هالدزاين اللي دارج حزتها
اتوقع اللي بيشوف الصوره بيقول هاي ريولها ضخمه ههه سوري ع الصوره .. صورتها مال بسرعه سرعه من موبايلي
تكرمون نعالي اللي لبسته طبعا هو ع الطبيعه وايد احلى
وطبعا تهزأت لاني لبسته ريلي تم يقولي بروحج طويله حق شو كعب تبين تطلعيني قصير ههه حبيبي
والمصوره غصب خلتني اعقه وانا مابا
من هناك ارفع عمري باطراف اصابعي ريلي يقول مب جنه تسريحتج تسد هههه
وان شاء الله ان شاء الله تقريري عيبكم والسموحه لاني طولت ... وايد اسولف ادري هههه
واللحين اتمنى اللي تدخل موضوعي تدعي لي
ان الله يوفقني انا وريلي ف حياتنا ويبعد عنا كل عين ويسهل علي حملي ويرزقني بالذريه الصالحه
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
ربي يوفقج يا رب و يرزقج الذرية الصالحة ^_^
__________________________________________________ __________
>>>> الرد الثاني :
نايس وكل شي مرتب ربي يوفقج ويرزقج الذريه الصالحه وعقبال ما انشوف قصة ولادتج...
بحفظ الرحمن
__________________________________________________ __________
>>>> الرد الثالث :
الف مبرووووك و يلا نترياااا تقرير العرس ان شاء الله ...
الله ييسر امووورج و يفرحج و يسعد قلبج و ريلج و اهلكم ... و الله يسخر لنا بعولتنا أدعيلي خيتووووو
__________________________________________________ __________
>>>> الرد الرابع :
الف مبروك حبيبتي
__________________________________________________ __________
>>>> الرد الخامس :
ما شاء الله تبارك الله
قمة الروعه والذووووووق
ربي يوفقج الغلا ويسعدج ويرزقج الذرية الصالحه ويسهل عليج حملج وولادتج
رد مع اقتباس
