10 نقاط مهمة ف التجهيزات :
الزهبة:
( ملابس (دراعات +مخورات +تنانير وقمصان +بناطيل وبديات الخ ) /ملابس داخلية / عبي سوي وحدة حق طلعتج من القاعة بحركات حلوة / نعول للبيت والطلعات / جنط / ملابس نوم وبجايم /فوط للحمام+سجادة للصلاة +شمادة للبيت )
الذهب:
( طقم للفستان هالشي اشتريه مخصوص بعد ما تحجزي الفستان وتعرفي لونه /ذهب ع كيفج )
للقاعة :
(الفستان +التاج +المسكة + النعال )احجزي الفستان والمسكة والتاج والنعال بعد ما تعرفي موعد العرس من القاعة ..
الفرقة او الدي جي:
ع المعرس ولو اخترتي دي جي سوي لج زفة او حملي زفة عروس من النت وحطيها ع فلاش او سي دي وقولي للحرمة مال الدي جي تشغلها لما تدخلي الخ ..
ادوات الحمام:
(شامبو +صابون للجسم واليدين +ليفة يفضل طبيعية وليف رغوة بعد +معجون اسنان +فرشاة +مشط للشعر +كريم ترطيب للجسم + فازلين +كريم ترطيب للشعر +حمام زيت للشعر +فوط صحية "اولويز نصيحة الوردي ما يسبب حساسية +سكراب للجسم والبشرة +مزيل عرق نصيحة نيفيا فورسنستف سكين ما يسود ولا يسبب حساسية +حلاوة لازالة الشعر +شرائح ازالة الشعر من الشمع + امواس حلاقة نسائية من الصيدلية +مكينة براون سيلكي ابل طبعا هالشي يعتمد ع حسب شو تحبي من الانواع +مقرضة اضافر+كلينكس+نعال للحمام+ سشواراو كواية شعر لو كان شعرج مجعد وما انصحج تستخدميه لو كان شعرج ناعم لانه مع الاستمرار بيحترق شعرج وتقل بصيلاته )
خصصي لهم جنطة بروحهم عشان بينعفوكم ف الفندق او السفر
لا تشتري وايد لان هالاشياء بعد العرس ع الريال ^_*
العطور والدخون:
(عندج مجموعة راقية من العطورات امثال أجمل +عبد الصمد القرشي خذي من عنده المسك التولة حلوة ريحته تجنن وخفيفة +اريج عطوراتهم حلوة وخفيفة +الرصاصي +الحرمين +حامل المسك +الشايع الخ اختاري منهم العطور ال تحبيها ع كيفج وعندهم دخون حلو بعد روحي هالمحلات وشوفي)
جنط الزهاب :
ع حسب مشترياتج بس حطي اغراض الحمام ف جنطة بروحهم
المكياج :
اختاري الماركة ال تحبيها واشتري منها ال تبيه مثل ميك اب فور افر أو ماك أو مكياجي او او الخ ال تحبيه )
الصالون او الماكيير والمكياج والحنا:
احجزي الصالون بعد ما يتحدد يوم العرس
احجزي يوم الحنة قبل العرس بيومين
شيلي شعر الجسم كامل قبل الحنة بيوم ماعدى المناطق الحساسة شيليها قبل العرس بيوم
حف الويه وتشقير الحاجب والخ ع كيفج ال تحبيه
تنظيف بشرة
برنامج للعناية قبل العرس بشهر او شهرين ف البيت والعيادة :
تنظيف شامل للاسنان ف العيادة من حشو وتنظيف للنخر والتسوس والجير لو كنتي تعاني منه لانه ما يطلع بالمعجون وما انصحج بالتبييض لانه يسبب حساسية للاسنان
استخدمي معجون تبييض للاسنان وما ينفع تستخدميه الا شهر وبعده استخدمي العادي ممكن استخدامه مرتين او 3 مرات بالسنة فقط ع حسب كلام الدكتور
تنظيف للبشرة ف العيادة من الحبوب والبثور وعلاج حب الشباب لو كنتي تعاني من هالمشكلة ابدي من الحين فيها لانها تاخذ وقت
كل اسبوع حمام زيت للشعر
مرة او مرتين بالاسبوع اقنعة تنظيف للشرة وتغذية ع حسب نوع بشرتج
تقشير للبشرة بالسكراب الجسم والوجه مرة بالاسبوع
حمام مغربي مرة كل اسبوعين
كثري من الخضار والفواكه
اشربي 2 لتر ماي يوميا او 8 اكواب
والنصيحة الاخيرة راعي ف مشترياتج :
1-التغير المستمر للموضه يعني لا تكثري من اشياء تنتهي موضتها وانتي بعدج ما لبستيها
2- الطلعات مع ريلج وبتشري مع ريلج احلى واحلى ^_^
3-عدم الاسراف لان اغلب المشتريات لو زادت عن حدها بترميها .
اتمنى موضوعي يفيد عرايسنا ويساعدهم ف التجهيز والترتيب..
اجيز النقل لتعم الفائدة ..
رد مع اقتباس
