عنوان الموضوع : عرسي شهر 6 و ابي مساعدة لتكوني انيقة
مقدم من طرف منتديات الضمير العربي




حريم وعرايس اريد حد يساعدنية في زهبةلان عرسي في شهر 6
اريد احسن محلات القطع حق المغربي والجلابيات وين احسن مكان علشان افصل المغربي والجلابيات .

وين تنصحني افصل العبي وعادي عندي اذا كان في ابوظبي او دبي او الشارجة او العين

وكم عدد عبي افصل ( لآني قلت حق ربيعتي بفصل 10 عبي قالت شوي ) انتن شوه تنصحني كم عباه افصل

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
الله يتمم لج على خير ..

__________________________________________________ __________

>>>> الرد الثاني :
أهلا أختي أول شئ مبروك مقدما , ونصيحتي لج سوي تقريبا من 15 الي عشرين عباه مب أكثر ولا أقل أنا معرسه من 6 شهور وماتشريت أغراض وايده خفيف خفيف مثل مايقولون , بس العبي وايد بتحتاجينهم بعدج عروس ويوم بتطلعين لازم تكونين أنيقه الاماكن لفصلت فيها عندج ،،بوهيل للعبي الخفيفه لطلعات اليوميه حلوه وانيقه والاسعار معقوله لا تقولين لا لانه من يعرفون أنج عروس الكل فاج حلجه جنه العروس بنك وعندج أمل العبار في دبي وعندج عايشه السويدي في الشارجه وعندج دار الابداع الشارجه , اما للمغربي فروحي فريج المرر هناك فنانين من جلابيات ومخاوير وطبعا مغربي , اما البجامات والملابس الداخليه وقمصان النوم اليوميه من لاسنزا وأوشو, طبعا غير قميص نوم ليله العرس يبغيلج واحد راقي شوي بس بعد بدون مبالغه فيه ، وبنسبه للجلابيات الحرير للبيت روحي السوق الجديم عند دانه الخليج او دره الخليج مجابل مركز ساره روعه لاتقولين سوق الجديم مابتلقين شئ راقي لا والله كل جلابيه أحلى من الثانيه , وبنسبه لفستان العرس بدون مبالغه أجري عند المصمم أماتوا يسونوه على قياسج ومثل ماتبين ونفس الاجارات لبرع تلبسه العارضه مره وبعدين تقدرين تأجرينه ، والمكياج والتسريحه جربي ريحانه نصيحه لحد يقص عليج ويقولولج ليالي البطحاني مدحوها لي وسبلتبي في عرسي وبس
والسموحه على الطاله انشالله أكون فتدج

__________________________________________________ __________

>>>> الرد الثالث :
موفقة ان شاء الله

__________________________________________________ __________

>>>> الرد الرابع :
بالنسبه للعبي ،،، نصيحه مني والله لا تكثرين لا من عبي ولا من مخاوير وغيره ،،، ترا السوق ما بيطير وبعد العرس بتشترين بعد كل ما طلعتي ،،، فلا تكثرين

__________________________________________________ __________

>>>> الرد الخامس :
فصليلج ٧ عبي بالكثير ونوعي بين الخفيفة وللمناسبات ولو تشتغلين زيدي للدوام..
العبي والمخاوير دايما تنزل موديلات يديدة وبتحسين اللي عندج موديلاتهن جديمة..
والخوات بيساعدنج..
ربي يوفقج ويتمملج ع خير..*