استعمل مربع البحث في الاسفل لمزيد من المواضيع
سريع للبحث عن مواضيع في المنتدى
-
ممنوع اصطحاب الأطفال !! لجمالك
عنوان الموضوع : ممنوع اصطحاب الأطفال !! لجمالك
مقدم من طرف منتديات الضمير العربي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا رايي
إن العرس فرحة للكل، الصغير قبل الكبير و ما تكتمل الفرحة إلا بوجود الكل
بس هالعبارة إنحطت مب الخوف على تخريب العرس أو تخريب الكوشة، مع إنها سبب أيضاً
اعتقد إنحطت عشان الطفل ما ياخذ مكان شخص كبير على الطاولة،، و خاصة إذا كانت العايلة كبيرة و معازيمهم وايد
و بخصوص الأم اللي تتحج وين اودي اعيالي،، ما هو كل طلعاتج من غير إعيالج،، يت على العرس الحين؟!!!
أنا عادي حضور الأطفال للعرس،، بس يكون في ترتيب و تنسيق
يعني تكون في وحده او ثنتين، يكون منتبهات على الكوشة، و يحاولن يبعدن اليهال عنها
و في غيرهم ينبهن الأمهات إن اليهال يقدرون يقومون من على الكراسي عشان يقعدون الكبار
بس إذا كانوا اليهال مشاغبين واااايد،، فالله يعين أهل العرس ههههههههه
__________________________________________________ __________
>>>> الرد الثاني :
ابصراحة انسير اعراس ناس راقية اييبون عيالهم مؤدبين
يالسين مع البشكارة ولاحركة ولاصوت
وفي اعراس العكس متخبلين العيال ويخربون العرس ولاحد يقول شي
وهذا الي يخلي العيال فوضويين اكثر
انا ضد ان نشل الصغار العرس
__________________________________________________ __________
>>>> الرد الثالث :
صراحه اذا فيه حد تقدر تروح العرس وتخلي العيال عنده بس يكون ثقه يكون احسن واذا كانو كبار وعقال عادي ناخدهم معانا وانا صراحه ما اامن للخدم اذا مب امي و اختي عند عيالي او ابوهم ياخدهم معاه في السياره ما اسير العرس
__________________________________________________ __________
>>>> الرد الرابع :
السؤال / هل انتي مع أو ضد اصطحاب الأطفال للأعراس؟
اكييييييييييد ضد ومتفقه مع ريلي ان نسوي بطاقات دخول للكبار والياهال بعد مابا عرسي يعتفس تحصلين الي عازمينها يايه من اختها ومرت اخوها واخت مرت اخوها واربيعتهم ويارتهم والقبيله كلها وفوق ها ياهل و الجاري والبشكاره >< وفالنهايه يظطرون ينزلون طاولات زياده وكل ها بفلوس ليش مايقدرون يعني ندفع 260 واخر شي ياهل يلس على هالكرسي او بشكاره والياهال مايقصرون يعفسون العرس جنهم في حديقه بس طبعا الياهال الي من الاهل بعطيهم بطاقات وبس البنات اما الاولاد لاااا غير الي توهم صغار
ولو دعيتي لمناسبة بها شرط يمنع اصطحاب الأطفال هل ستحضرين أم ستعتذرين ؟ لماذا؟
بحضر لان مثل ما انا ابا عرسي يكون حلو وبدون ياهال بعد بعذرهم والي عندها ياهال وماتقدر تخليهم لا تسير العرس هي مب مكلفه
__________________________________________________ __________
>>>> الرد الخامس :
السؤال / هل انتي مع أو ضد اصطحاب الأطفال للأعراس؟
انا ضد طبعا ...
ولو دعيتي لمناسبة بها شرط يمنع اصطحاب الأطفال هل ستحضرين أم ستعتذرين ؟ لماذا؟
انا عيالي ما اوديهم الاعراس بس ان شاءالله عرس اختي او اخوي ،، طبعا بس البنات والاولاد ممنوع
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى
لانه ماله داعي وجودهم ويخربون العرس واللي تقول وين اخليهم
خليهم بالبيت يعني الحين الوحدة تروح الاسواق وتتحوط بليا عيالها
لكن حزة الاعراس يقولن مانروم نخلي اعيالنا بروحهم وهي الا كمن ساعه وانتي رادة
"
رد مع اقتباس