عنوان الموضوع : اغرب التصرفات اللي شفتوها بالاعراس؟ جمال الامرات
مقدم من طرف منتديات الضمير العربي
مرحبا بنات شحالكن عساكن بخير
قريت الموضوع في احد المنتديات وحبيت انقله
وهو يتعلق بالتصرفات الغريبه في الاعراس اللي حظرتوها
وشفتوها بعينكم. والمقصد من الموضوع
1. نعطي فكره للعرايس اليداد بالشي اللي المفروض تبتعد عنه
في عرسها
2. ننبه الحريم والبنات اللي يحظرون اعراس على بعض
العاادت الغير محببه في الاعراس
3. نتناقش في هالموضوع عل وعسى تكون اعراسنا
واعراسكم تتجه لاتجاه افضل.
والمجال مفتوح لكل سلوك او تعليق على شي معين
تحسون انه غريب سواء يخص العروس اودخلتها..
ام المعروس او ام العروس.. خوات المعروس او العروس.. المعرس والرياييل
اللي معاه.. المعازيم.. تجهيزات القاعه.. الضيافه..
الرقص.. اللبس وكل نقطه موجوده فالاعراس
وياليت اللي عندها حل لبعض العادات الغريبه اللي تصير
تذكر لنا..
ببدا معاكم على كم شغله وبترك لكم المجال
وشكراااااا1
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بعض العادات الغريبه :
1. لاحظت في كم عرس حظرته تجمهر المعازيم
واهل العرس في الحمام عسب يتعدلون.. لين هنيه
تمام بس انه تطول فتره التكشخ لاكثر من ربع ساعه
وتتحول السالفه الا فتح سوالف وتصوير وكل وحده
عالمرايا ماسكه فونها ووتصور ..
المعروف الحمام لقضاء الحاجه وفي ناس يحتاجونه
وبسبب هالشي مايقدرون يستخدمونه
__________________________________________________ __________
>>>> الرد الثاني :
امممم كثرة الاطفال في بعض الاعراس للاسف
__________________________________________________ __________
>>>> الرد الثالث :
2. من العادات الغريبه اللي شفتها في كذا عرس
بعض الهنديات او المصريات مادري اذا حد يكون
ععازمنهن او هن يروحون القاعات جيه بدون عزيمه
اوك الغريب مو بهالنطقه.. الغريب انه يكونون محطين
العشا واتييج هالهنديه او المصريه ماسكه كيس
واتشل الاكل اللي ع الطاوله وتحطه في كيسها
سواء كان عيش هريس مشاوي فواكه تشله وتحطه
فالكيس .. شو بيقولون الناس بيقولون انها يايه ويانا
وبعدين المنظر تشويهي للعرس
ياليت اي مراقبه او. مشرفه تنقل الموضوع لقسم
دليل العروس.. توني انتبه انه الموضوع موجود
في قسم نادي الفتيات يمكن لاني داشه المنتدى من فوني
فما انتبهت ع القسم
__________________________________________________ __________
>>>> الرد الرابع :
التساهل في الحجاب ...
و العطور ...و المكياج
الملابس العاريه تفقد وقار الفتاه حتى لو كانت العروس
صوت الموسيقى العالي جدا
عدم التنويع في قائمة الطعام لترضى كافة الاذواق
اكثر شي اكره...يوم تتاخر العروس ...
تعبها كله يروح على الفاضي و ما تلحق تتهنى فيه
__________________________________________________ __________
>>>> الرد الخامس :
من عيوني بنقله لج
.
.
جهد رائع
رد مع اقتباس
