عنوان الموضوع : بنات بوظبي ،، بخبركم عن الفحص الطبي جمال الامرات
مقدم من طرف منتديات الضمير العربي
بنات بوظبي اللي بتسوي فحص زواج
بصراحه شي بادره واايد حلوه حبيتها
اليوم انا رحت سويت فحص في عيادة خليفه أ
عقب ماعبيت بيانات فحص الزواج
يت لي الحرمه تابع للتنمية الاسرية تباني اعبي اوراق بياناتي واحل الاستبيان
هذا ضمن برنامج تعرف على شريك حياتك
وايد حبيت هالخطوه وتمنيتها موجوده قبل
طبعا كل من البنت والريال بيسوون هالاختبار
عقب الحرمه بتحلل النتايج لكم
والاستبيان يتضمن اسئله تخص الحياه الزوجية والماديه وهالامور المهمه
والشي الثاني اللي وااايد استانست عليه
انه الفحص الطبي الحين شامل كل شي عشان يرتاح قلبج ،، شامل الامراض المعديه + الامراض الوراثيه وغيره
وبسحب دم وااااااحد الحمدلله يعني مب ابرتين
قبل كانو بس يطلبون فحص الامراض المعديه للزوجين عشان يتم العقد ،، اما فحص الامراض الوراثيه كان اختياري ، الزامي فقط للاقارب
الحمدلله
لاني خبرت ابوي واخواني ابا الريال يسوي فحص امراض وراثيه بس عصبوا وقالوا مب لازم قفطه نطلب منه خل يسوي بإرادته .. وهو مب من الاهل بعيد .. بس مهما الواحد يبا يتطمن
الحين الحمدلله الزامي ^_^
وبس الله يسهل ويتمم للجميع على خير يارب
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
شي طيب ... وربي يوفقكم
لكن حطي في بالج ان الامراض كلها قضاء وقدر ومن رب العالمين ...
بس الاخذ بالاسباب شي طيب
__________________________________________________ __________
>>>> الرد الثاني :
بنت راك صح كلامج
و انا متوكله على رب العالمين
يزاج الله خير
__________________________________________________ __________
>>>> الرد الثالث :
__________________________________________________ __________
>>>> الرد الرابع :
__________________________________________________ __________
>>>> الرد الخامس :
شي طيب ماشاء الله
الله يبارك لج ويجمع بينكم على خير
رد مع اقتباس
