عنوان الموضوع : || مكياج وشعر العروس || 2015 .. شاركونا يا جميلات ~ جمال الامرات
مقدم من طرف منتديات الضمير العربي

صباحكم \ مسائكم .. ورد


شحالكن كلن بحاله عساكم بخير وعافيه وسعادة


الموضوع مثل ما هو مبين من عنوانه .. بغينا نسوي مثل الاستفتاء البسيط من خلال تجاربكم سواء تجربة العروس نفسها او اختها او صديقتها .. عشان تعم الفايده باذن الله

لأن مثل ما انتو عارفين ، الماكييرات وايدات ما شاء الله واللي كانت تحط حلو قبل اخترب شغلها ! او صار العكس طورت من نفسها ..

السؤال ..

وين سويتي مكياج العرس والشعر ؟



هل انتي راضية عن النتيجة ؟




الموضوع لكم وشكرا لكل جميله بتشارك فيه

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
انا تعدلت عند الماكيره رولا وهي تشتغل فصالون عمرو بس طبعا طلبت قسم الحريم ،، حلو وناعم بس ما انصح فيه لعروس يعني لملج ينفع بس مب اعراس لان التغطيه عاديه وستايل الميكب ناعم وحلو بس عادي بس بشكل عام كنت راضيه عن شكلي لانها ملجه وطلعت ناعمه ،، وللعرس حجزت ماكيره بتييني من البحرين اسمها مريم المحميد ،، وان شاءالله اتوفق ويااها ،، والله اييسر الامور

__________________________________________________ __________

>>>> الرد الثاني :
في عرسي سويت عند هاله السورية في بوظبي

ومتحسفه قد شعر راسي والله
أسلوبها مع الزبائن للاسف مب اوكيه

حجزتها لعرسي ميك اب وشعر ،،
توقعت لاني عروس ممكن بتعاملني معاملة غير
بس الصراحة انصدمت فيها للاسف
اقل شي اقدر اقوله

معاملتها اوقح شي شفته في حياتي!!!

بحكم اني عروس يابو الاكل في الغرفة
وكانت الصحون مغطيه ع الطاولات في طرف الغرفة
والله العظيم هي والكوافيرة خلصو الاكل !!
بدون حتى ما يستأذنون منا اذا هالاكل اصلا لهم او لا !!
واصلا هالاكل كان للعروس اللي هي انا !

الخير وايد الحمدلله بس الواحد المفروض يستأذن

انتي يايه تسوين ميك اب للعروس مب تاكلين أكلها !!

غير جي القاعه وفرت للمعاريس صحن مغلف فيه شوكليت خاص
كان موجود في الغرفه بعد هجمو عليه وخلصوه!!

وطلبت منها تحط لي كريم اساس ع ظهري شوي لاني اولا عروس وثانيا ظهري مكشوف قعدت تتافف مني وطلبت مبلغ زيادة غير ال 5000 درهم اللي خذتهم!

اللي اعرفه كريم اساس الجسم شامل مكياج العروس ..
اول مرة اسمع تدفعين زياده عليه!!!

وحتى يوم خلصت التسريحة ويركبون لي الطرحة
معصبه ع الكوافيرة تقولها يالله خلصي بسرعه !!

يعني تباها تسوي شغل اي كلام

ما انصح اي عروس تتعامل معاها ابدا
وصرت احذر كل حد منها

خلتني اتوتر والعروس مب ناقصه حد يوترها اصلا!!
والله العظيم اتحسب عليها وكل ما اتذكر ليله عرسي اتحسب عليها والله ينتقم لي منها وما اسامحها ليوم الدين

انا عضوه قديمه في المنتدى
والله يشهد مالي اي مصلحه اخرب عليها
بس معاملة الطيبه فوق كل شي

__________________________________________________ __________

>>>> الرد الثالث :
مكياج عرسي قبل 9سنين
كان عند صالون مورا

حلو بس سوت لي الوان الغروب وسوااااااااااااااااااااااد وبرتقالي!!!
الحين يوم اشوف الصور تيني لوعه خخخخخ



المهم انا الحين امكيييييييييييج
xxx

__________________________________________________ __________

>>>> الرد الرابع :
موضوع رائع ان شاء الله الكل بيستفيد ^^

__________________________________________________ __________

>>>> الرد الخامس :
للرفع ..