عنوان الموضوع : طريقة تصوير فيديو كليب قصير للعروس لاناقة المرأة
مقدم من طرف منتديات الضمير العربي

السلام عليكم بنات وعرايس المنتدى
وربي يتمم لعرايسنا على خير امين
حبيت اقدم لكم اليوم موضوع جديد ولأن من فترة ما شاركت حبيت اشارك اليوم بشي جديد لكن بيختص بالفيديو
وبخبركم عن افكار جديدة وحلوة للحصول على احلى نتيجة لتصوير كليب للعروس

طبعا بيكون باستخدام كاميرات فل اتش دي DSLR

يعني مب كاميرات مال الفيديو الي نعرفها عادة

طريقة تصوير جديدة وتركيز عالتفاصيل

هالكليب ممكن يكون يغطي طوال فترة العرس

او فقط بغرفة العروس

وهالكليب بيكون له كاميرا منفصلة عن التصوير العادي اللي فقط يركز عالمعرس والعروس

و بيركز على زوايا عادة ما نشوفها او زوايا بعيدة للقاعة او تفاصيل صغيرة ما تقدر الكاميرات الي تصور احداث العرس انها تصورها بنفس الطريقة او من نفس الزوايا اوالقرب لانشغالها بتصوير العروس مع صديقاتها او اهلها

وكل هاللقطات تتجمع وبطريقة حلوة لتكون كليب صغير يعبر عنج وعن العرس كله بلقطات بسيطة تلخص احداث العرس كامل لكن بطريقة مختلفة

اللي تحب تسأل تتفضل وانا على استعداد لاي سؤال

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
واو ولا اي تفاعل بشو مشغولين ههههه

__________________________________________________ __________

>>>> الرد الثاني :
الله يوفقك عزيزتي

__________________________________________________ __________

>>>> الرد الثالث :
مرحبا اختي

بخصوص تصوير الفيديو لين الحين ماحصلت حد يصور فيديو
مرتب شرات الاجانب ويقهرني ان المصورة تكون جدام العروس وهم يزفونها
والكاميرا تتحرك ! ف احس التصوير يكون مهزوز و يوم اشوف الاجانب كيف تصويرهم لو تلاحظين ما يخلوون الكاميرا ع ويه العروس بالعكس يصورونها من بعيد والحلو يقعدون يصورون كل تفاصيل العرس من طاولات وصحون وشموع وكوشة طبعا هذا كله قبل ما المعازيم يوصلوون ولا انتي شو رايج ؟

ومشكورة عالموضوع الجميل

__________________________________________________ __________

>>>> الرد الرابع :
المشكلة مب بالمصورة وبس المشكلة ان الاهل احيانا لو لقو ان المصورة بعيدة او بتغير مكانها بيتخلو بشغلها ولو حبت تعمل اي شي حلو او تصور من زاوية هي شايفتها حلوة ممكن يتدخلو وينادوها او يصير توتر وقلق ،،،مفروض الاهل والعروس تركز عالعرس وتترك التصوير للمصورة الي وثقت فيها واختارتها ،،ولا تنسي الغلا ان الميزانية بعد تلعب دور باختيار عدد المصورات ونوع الكاميرات ،،،وبالنهاية البرنامج الي تستخدمه المصورة بالمونتاج الي بعد التصوير هو اهم خطوة وهو الي يعالج اي اخطاء حدثت اثناء التصوير قدر الامكان ،،،
اتمنى اكون فدتج ،،

__________________________________________________ __________

>>>> الرد الخامس :
يعطيج العافيه عزه انا حبيت الفكره

فكرة انه يتم تصوير فيديو للعروس ف لحظات يوم العرس الاولى وهي يوم تتعدل وتتجهز والفستان والجوتي ولحظة نزولها من الغرفه للقاعه وفيه تفاصيل وايد حلوه

بالتوفيق عزه وبالتوفيق عرايسنا