عنوان الموضوع : بخصوص المهر ! للعروس
مقدم من طرف منتديات الضمير العربي
السلام عليكم اخواتي حبيت اعرف كم لازم نطلب المهر ويشمل الذهب والزهبة والفستان كله ع الحرمه ويبقى ع الريال القاعة وباقي تكاليف الحفل..!!!
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
انا كان مهري مع الزهبة ٣٥٠ الف بس الشبكة و الصالة و كل شئ على ريلي ( طبعا بيزات الزهبة ما صرفت منه وايد لان ادري ان كل فترة و الثانية كوليكشنات اللبس و الأطقم من ذهب او الماس و غيره يتغير فيمكن خليت في البنك ١٥٠ الف و الباجي يعني اشتريت فيها أشياء لي و له )
__________________________________________________ __________
>>>> الرد الثاني :
الفستان كانت هدية من الوالدة الله يطول لي بعمرها
__________________________________________________ __________
>>>> الرد الثالث :
ماشاءلله تبارك الله الله يحفظكم ان شاءلله
اول شي هم كانوا قايلين 130 وعقب غيروا قالوا اللي يقدر عليه 80! سؤالي هل 90 او 80 يكفون ! وطبعا يشمل الذهب و الشبكة و الزهبة والمهر ويبقى الباقي عليه من قاعة وحفلة وكوشة !
__________________________________________________ __________
>>>> الرد الرابع :
صراحة ليست لي خلفية شاملة عن الموضوع بس بحاول اعطيج رايي حاولوا تدورون وتسالون وتشوفون المحلات واهم شيء يكون شيء جميل ومب مبالغ فيه و تكتبون في ورقة شو اللي تبونه باسعار تقريبية لسعر السوق و اهم شيء القناعة و الهناء لانه اذا الريال قام يدين كله عقب بينعكس على حياتكم
ولكم مني اجمل تحية
__________________________________________________ __________
>>>> الرد الخامس :
احين عندج مثلا 80
كله تقديري .. مثلا بنقول
20 للفستان
20 طقم ذهب اصفر
و20 طقم ذهب ابيض
وعندج 20 عسب تتزهبين احس يكفون ^^"
والزهبه لا تكثرين وخليلج جي مبلغ حق عقب
رد مع اقتباس
