عنوان الموضوع : ساعدوني بليز بردودكم ... ابي اعرف جم تكاليف العرس كله .........؟ لتكوني انيقة
مقدم من طرف منتديات الضمير العربي

السالم عليكم ورحمه الله وبركاته ......

مرحبا بنات وحريم ^^

ابي مساعدتكم ما عليكن امر خواتي ........

انا ابي اعرف تكاليف العرس كله تقريبا جم .. يعني محطين ميزانية بسيطه ... ومابي اخسر وايد بس ابي افهم جم يكلف ..

يعني مثلا المهر اللي نعرفه ( الشيخ زايد الله يرحمه يارب ) .... محطي مقدم 20 وموخر 30 هذا جيه صح

طيب الشبكه عبارة عن شنو ...؟ (ذهب يعني ) والذهب بيكون كيف (عبارة عن طقم واحد وساعه ولا كيف ..؟)

الزهبة تكون فلوسها من المهر ولا يكون مبلغ ثاني ...؟ ( الزهبة اللي هي عبارة عن اغراض العروس هذا اوك عرفته)

الملجه والعرس ان شاء الله بيكون نفس اليوم .. بس هالشي كيف يعني نملج في نفس يوم العرس ولا يصير نملج قبل من غير حفله وجيه ....؟ لانه انا مابي اسوي حفلة ملجه .... كفايه حفلة العرس ... ^^

طيب عقب تكاليف القاعه يعني بتكون ( سعر القاعه والكوشه والطاولات والاضاء والتصوير والفرقه ) انا هالشي اعرف شركه قالت لي بنتكلف من زينه البيت لين اغراض القاعه بيكلف 100 حلو السعر ولا غالي ولا كيف ..

يااااااااااريت تردووووووووون عليه عن طريج الرساااااااايل الخااااااصه باقرب فرصه ...

ربي يفتح عليكم دنيا واخرة ويسعدكم يارب .... والسموحه على الاطاله بس ابي حد يفهمني لانه مب فاهمه شي ...

اتريااااااااااااا ردكم عن طريييييج الرساااااااااايل الخاصه ... بدخل يوميا ان شاء الله وبقراهن ... كل وحده تفهمني كيف لانه الميزانية بسيطه ...

وفي مييييزاااان حسناتكم ياااارب ... لا خلا ولا عدم منكم يارب ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
صندوق الرسايل عندج فل


اممم المهر 20،000 هذا لج طبعا انتي تتصرفين فيه
الشبكة ، طقم و دبله و ساعه
الزهبه ، فلوس تجهيزاتج يعني ثياب و نعول و فستان العرس و الذهب و صوالين
الملجه عادي ترومين تملجين فالمحكمه نفس يوم العرس اذا كان من الاحد للخميس و ترومين تملجين فالبيت ولا القاعه عن طريق المليج اذا كانت اجازة ،

تكاليف العرس ع حسب الاماكن اللي بتتعاملين معاها
و عندج اول شي القاعه و الطاولات و الكراسي و الكوشه و الدي جي و الاضاءه و كيكه العرس و المقبلات و العشا و الحلويات و التوزيعات و السنتر بيس و اذا بتيبين فرق استعراظيه و التصوير و جي
يعني كل شي له سعره و لا تعتمدين ع مكان واحد ف كل شي
انا عن نفسي سويت ف وايد اماكن ما خذت بكج من محل واحد
لاني ما اثق فيهم مرات يخونون فينا
و اذا انتي من العين قوليلي و بخبرج عن الاماكن اللي تروحين لها و شغلهم حلو و ما بتلقين ارخص عنها

__________________________________________________ __________

>>>> الرد الثاني :
بالنسبه للي قال لج 100 الف وايد غالي ..
حجز القاعه ( السعر حسب القاعه و العدد )
الكوشه بتلاقينها رخيصه و يا ترتيبات االطاولات يعني تبدا الاسعار من 15 الف ..
من وين انتي عسب نفيدج اكثر

__________________________________________________ __________

>>>> الرد الثالث :
موووووووووووووفقة

__________________________________________________ __________

>>>> الرد الرابع :
المهر كامل 100000 تقريبا عحسب المتعارف عندكم
وهاي تجهزين فيها اغراضج للعرس وجي
اما الشبكه وحجز القاعه هذا عالمعرس
وتكلف عحسب القاعه الي بتسوين بها العرس
والله يسعدج يا رب

__________________________________________________ __________

>>>> الرد الخامس :
انا بخبرك اسعار الحفلة عندك الدي جي 800 درهم - عندك التصوير اذا البوم ديجيتال من 2000 الي 2400 حسب حجم الالبوم - الالبوم العادي 900 درهم - الفديو 1000 درهم الكوش في شي راقي بحدود ال5000 - الصبابات حق الواحده 250 درهم مع المشروبات مع اللفيمات مع كل شي - سنتر بيس بسيط وشيك شي راقي 50 درهم للحبة وبيعطونك مع هدا شاشة عرض هدية اذا تبين خبريني وان شاء الله خير 0551902441