عنوان الموضوع : والله محتاجه مساعدتكم عروس الامارات
مقدم من طرف منتديات الضمير العربي

مدري من وين ابدا بس والله مستحيه وبجد مالي غيركم
اول شي انا مو اماراتيه وبالعاده خطابي مش من الامارات
بس هالمره جاييني خطاب من دبي
ف محتااااره شو البس مخوره او جلابيه
انا ساويت مخوره بس خايفه ماتطلع علي باللبس لاني اول مره حلبس
واذا جلابيه بسيطه من وين اخذها
ثاني شغله لما اهل الرجال يجو امي حتناديني ولا انا اكون جالسه ههههه احس مش حلوه اني اكون مرتزه
اخر شغله انا من النوع اللي استحي كثير تتوقعو شو حيسألوني وااااي والله مستحيه منكم

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
فديتج والله ربي يوفقج

بالعكس حلوه المخوره او مغربيه خفيفه ..

بس تاكدي ان مقاسها مضبوط عليج

وعن النظره ..

اذا كنت قاعده مع اهله اهو بيدخل وبيسلم

اما اذا انتي بتروحين له الميلس هذا شي ثاني بتضطرين تمشين جدامه وبتخافين بس قوي قلبج هههه

ممم ماعرف بالعاده ما يسالون عندنا يا دوب نظره ل 5 دقايق الاهل يتكلمون فيها والمعرس يادوب ياخذ اخبار العروس شحالج وشخبارج وبس

لا تفكرين كل شي بيتيسر ان شاء الله

__________________________________________________ __________

>>>> الرد الثاني :
حياتي يا روضه تسلمين على الرد

__________________________________________________ __________

>>>> الرد الثالث :
حبيبتي والله مو قصدي لا تفهمين غلط. انا نصيحتي لج لا تلبسين مخوره ولا جلابيه لأنه ما يناسب على غير الاماراتيه يعني بيطلع شكلج شوي مو حلو. مو قصدي شي طبعا لا تفهمين غلط انا سعوديه و عن نفسي لو حطيت نفسي مكانج ما بلبس المخوره والجلابيه لأني ادري انها ما تناسبني واني ممكن ألبس شي يبرز جمالي أكثر. يعني مثلا الاماراتيات متعودات على هالنوع من اللبس فيطلع حلو و فخم عليهم و يبرزهم, لكن اذا وحده جات من بيئه و لهجه مختلفه و مو متعوده على هاللبس صدقيني يطلع عليها يضحك يعني نفس لما يجي أمريكي والا اوربي لابس (كندوره). ترى والله كلامي نصيحة أخت وأنا حطيت نفسي مكانج فلا تزعلين أو تفهميني غلط. البسي الشي الي انتي متعوده عليه والشي الي تحسينه يناسبج و يخليج كيوت! حاولي تطلعين كيوت بقدر المستطاع وابدا لا تتصنعين ولا تحاولين تغييرين من لهجتج او تصرفاتج. اثبتي نفسج بشخصيتج و لبسج الأساسي

__________________________________________________ __________

>>>> الرد الرابع :

المشاركة الأصلية كتبت بواسطة sarah161
حبيبتي والله مو قصدي لا تفهمين غلط. انا نصيحتي لج لا تلبسين مخوره ولا جلابيه لأنه ما يناسب على غير الاماراتيه يعني بيطلع شكلج شوي مو حلو. مو قصدي شي طبعا لا تفهمين غلط انا سعوديه و عن نفسي لو حطيت نفسي مكانج ما بلبس المخوره والجلابيه لأني ادري انها ما تناسبني واني ممكن ألبس شي يبرز جمالي أكثر. يعني مثلا الاماراتيات متعودات على هالنوع من اللبس فيطلع حلو و فخم عليهم و يبرزهم, لكن اذا وحده جات من بيئه و لهجه مختلفه و مو متعوده على هاللبس صدقيني يطلع عليها يضحك يعني نفس لما يجي أمريكي والا اوربي لابس (كندوره). ترى والله كلامي نصيحة أخت وأنا حطيت نفسي مكانج فلا تزعلين أو تفهميني غلط. البسي الشي الي انتي متعوده عليه والشي الي تحسينه يناسبج و يخليج كيوت! حاولي تطلعين كيوت بقدر المستطاع وابدا لا تتصنعين ولا تحاولين تغييرين من لهجتج او تصرفاتج. اثبتي نفسج بشخصيتج و لبسج الأساسي



أشاطرها الرأي وبقوه

__________________________________________________ __________

>>>> الرد الخامس :
من جد احترت اللي حييجو امو وعمتو ومدري مين
يعني حريم كبار
انتو ايش رايكم
البس لبسي واكون على طبيعتي ولا البس لبس مخوره


ا