عنوان الموضوع : :31: الضيافه عند الخطبه الحريم :31: عروس الامارات
مقدم من طرف منتديات الضمير العربي

السلام عليكم ..

بنات عرايس شحالكم علومكم ان شاء الله خطبة الحريم قريبه باذن الله والله يرزقك كل بنت تتمنى ها اليوم وتكتمل فرحتها باذن الله والحمد الله صبرت وبها العمر ولله الحمد لاكنها بنسبه لي اول مره

وحبيت اعرف كيف نضيفهم الحريم .. الريايل ضيافتهم معروفه لاكن الحريم يباله رزه يعني الضيافه لها عادات مثلا وقت العصراو وقت المغرب او وقت العشا بغيت اعرف كل وقت شو الضيافه المناسبه

صح الشي معروف عند الاغلبيه مثل القهوه وشاي مع شاي كرك و حلوى عمانيه او كيك ... ممممم وشو غيره

والله يرزقك كل بنت بها الشهر المبارك بالزوج الصالح وحين 10 الاواخر كثروا من الدعاء مع انه صح مقصره لاكن ( ربي اعني على ذكرك وشكرك وحسن عبادتك)

وشو رايكم ألبس بها اليوم وشو اسوي شعري هل اقدر البس عدسه او البس نظاره ومكياج اسويه بروحي او اسويه في صالون مع اني ابي يكون شكلي طبيعي عشان ما يقولون والله كانت غير واحين شكلها غير .,؟

زين الاهم طبعي هادي ما ارمس الا اذا حد رمسني وها طبع مب شي فيني مع اني وايد مزاجيه ونفسيات الله يستر بس ان شاء الله ها اليوم يعدي على خير


فديتكن ساعدوني عشان ما اتوتر وابي ها اليوم يكون كل شي مرتب قبل لا يدشون البيت باذن الله


كَفَّارَةُ المَجْلِسِ
سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
وعليكم السلام

اغلب الناس للخطبه ايون عقب المغرب
يعني حزه عشا، اول شي العصير عقب القهوه ممكن فواله خفيفه عقب العشا او العكس، عشا عقب فواله
لبسي مغربيه افضل شي ونصيحه لا تحطين وايد مكياج والبسي عدسه
لو شعرج قصير خليه مفتوح ولو طويل ارفعيه بطريقه ناعمه

ومب لازم تسولفين وياهم خلج مثل ما انتي لان الواحد ساعات ايي يكحل السالفه ويعميها
الله يسهل امورج

__________________________________________________ __________

>>>> الرد الثاني :
مشكوره فديتج ...حلو ...

امي بعد تقولي اللبس مغربيه مع اني كنت ناويه البس دريس خفيف وحلو وعليه دانتيل وحرير منقش .. ان شاء الله بشوف مغربي حلو عندي بلبسه

مشكوره فديتج

__________________________________________________ __________

>>>> الرد الثالث :
البسي مغربية وتعطري وادخني وحطي ميك اب خفيف
اما بخصوص الفوالة المعروفة (عصاير فرش+ شاي قهوة)
سويتات كب كيك صينية جوكليت وبتي فور
موالح مشكلة + فواكة

__________________________________________________ __________

>>>> الرد الرابع :
مبارك حبوبة

__________________________________________________ __________

>>>> الرد الخامس :

المشاركة الأصلية كتبت بواسطة شما الهاجري
البسي مغربية وتعطري وادخني وحطي ميك اب خفيف
اما بخصوص الفوالة المعروفة (عصاير فرش+ شاي قهوة)
سويتات كب كيك صينية جوكليت وبتي فور
موالح مشكلة + فواكة



ان شاء الله ها اللي بسويه ... بطلب ان شاء الله كاب كيك من الانستقرام اسمها suger talks فنانه الصراحه وقلت باخذ لي صحنين فوق بعض اللي للكاب كيك لقيته في فحل و قلت بطلب بعد بثيثه من بثيث ليشيوس في الانستقرام

قهوه + شاي + كرك+ حلوى عمانيه +وفاله اكلات متعدده .

الحمد الله ارتاح بالي احين دامي خذت رايكم للانه في امور نسيتها وذكرتوني اطلبها

والله الايام مرت مثل مجرى النهر ما حسيت فيها ... بقى على ييتهم كم اسبوع بس .. الله يسهل