عنوان الموضوع : مخطوبه و محتاره شو آسوي . . لتكوني انيقة
مقدم من طرف منتديات الضمير العربي
السلام عليكم بنات
اسمي مريم ومخطوبة وملجتي بعد العيد وحابة من الحين ابدا اجهز لعرسي يعني قولوا احتمال يكون شهر يناير او فبراير(يعني 3اشهر تقريبا)
فحابة اهتم بشكلي وجسمي من كل النواحي ،، تجهيز عروس كامل،،
اولا: حابه اسألكم اذا تعرفون صالون يجهز العرايس او عندهم خدمة شاملة على شكل جلسات للعناية (البشرة ، الجسم ) ويكون من ضمنه الحمام المغربي طبعا في كلباء او الفجيرة بحكم ما عندي احد يوديني الشارجة ودبي بما اني الكبيرة (البجر)
وببدا ان شاء الله اسوي سكراب الليمون والسكر والزيت الزيتون لانه قريت المواضيع في المنتدى ووايدييييين مدحوه.
ثانيا: حابه اعرف انا مليانه حاليا بس بديت من شهر اخفف من اكلي واكثر من شرب الماء قبل الوجبة بربع ساعة وبعدها بربع ساعة مع شوية رياضة وبستمر على هالشي ان شاء الله لانه نتيجة حلوة ملامح الويه بانت اكثر عن قبل بس الوزن نقص كيلو وقالوا لي الوزن ما ينزل وايد الا بعد 3أ شهر بسبب التغيير في النظام الغذائي ،،
سؤالي شراب الليمون او قشر الرمان او خل التفاح يساعد على التخفيف من الكرشه والأرداف ؟؟
وكيف الطرق الصحيحة لاستخدام هل ع الريق او قبل الاكل ؟؟ ويعطي مفعول سريع او لا ؟؟
لاني ابي نتيجة اسرع شوي ،، (نصيحة بنات من الحين ابدوا الاهتمام بشكلكم لانه وقت ما يدق الخطيب بابج ما تعرفي شو اسوين وتحتارين )
ثالثا: انا اعاني مع شعر الويه والجسم واضطر احف ويهي كل اسبوع وجسمي كل شهر بسبب الهرمونات والدورة مب منتظمة وكذا مرة تعالجت واخر شي قالوا لي وقفي علاج لانه يضر وفعلا الدورة وقفت عني سنه كامله ،، بجد محتاره في امري ،،
قررت اسير اعالج بس ما اعرف عند منو !! ابي دكتورة شاطرة في هالامور ما اضيعني نفس اخر وحدة الله يسامحها،، ؟؟
المهم في بنات نصحوني اسوي ليزر سوفت للويه والليزر العادي للجسم ،،؟؟
فشو تنصحوني شو اسوي في ها الموضوع !!
رابعا:ابي ارقام الماكيرات على( الخاص لو سمحتوا ) اللي يقدروا يوصلون لكلباء ويكون شغلهم حلوا على عروس من ناحية المكياج والتسريحة ،،من الحين حابه احجز لانه ما شاء الله الاعراس اغلبيتها تكون في شهر يناير وفبراير ،،؟؟!!
حاليا انا اركز على العناية بجسمي اما المشتريات حق العرس بخليها بعدين لانه اكيد بكون في تغيير بجسمي ان شاء الله والمقاسات بتختلف ،، وأنا ما افكر اكثر من الأغراض لانه أكيد في شهر العسل الوحدة تشتري بزيادة أغراض على الأغراض اللي شارتنها وغير جيه اكيد الجسم يختلف مقاساته بعد الزواج،،
واي وحدة عندها نصيحة لي لوجه الله لا تبخل علي ؟؟.
و شو الأشياء اللي لازم انتبه ليها وممكن انساها حتى لو كانت صغيرة وتافهه ؟؟
لاني من جد محتاره ما عندي احد ينصحني وامي كبيرة في السن وزمنها غير زمنا ،، وستايلهم يختلف اختلاف مره مره مره عن ستايلنا ،،
فارجوكم ردوا علي ولو بنصيحه ،،
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
أول شي مبروك حبيبتي والله يتمم لج علي خير يارب ..
ثاني شي سوي لج لسته بكل الأغراض وبتحصلينها فالمنتدي اظن
وقسمي فلوسج ومشترياتج طبعا اسعار توقعيه تحطين
بالنسبه لصوالين والله ما عندي خبره فصوالين الشمال
بس أنتي حاولي تهتمين فجسمج وانصحج بالرياضه علي الرريييق
حتي لو نص ساعه وسوي تمارين من هالحساب xxxبتحصلينه موجود ع الانستقرام .. انا قبل عرسي كنت اسوي رياضه ولما
ملجت كثفت المهم مب من زمان معرسه الا من شهر وفادتني التمارين اللي يحطهن يحط لج للكرش والخواصر والارداف وو بس وانتبهي ع روحج
واكلي اكل صحي ما في احلي عن الحياه الصحيه ولو ترومين امشي مرتين فاليوم نص ساعه
وابتعدي عن هالخرابيط خل ما خل تري يضر هالخل لانه قوي
اذا بتشربين ماي وتعصرين فيه نص ليمونه اوكي ع الريق بس ما انصح
بهالاشياء انا وبعدين استغلي الايام هاي عشر ذي الحجه صومي
منها تاخذين اجر ومنها تضعفيين ولا تفكيرين فالوزن كل همج جسمج
الهيئه يبين فيها الضعف لان العضلات تحل محل الدهون من جي مرات تشوفينه ما ينزل
وبس هاللي في بالي احين اتمني يساعدونج الاخوات ويفيدونج اكثر
__________________________________________________ __________
>>>> الرد الثاني :
هذا موضوع فالاستفسارات منزلتنه وحده من الاخوات الله يوفقها ويسعدها
https://forum.uaewomen.net/showthread.php?t=1198088
هذا موضوع وشي غيره بتلاقيه فالصفحه الثانيه
__________________________________________________ __________
>>>> الرد الثالث :
مبارك أختي , ربي يتمم لج على خير .
مهم جداً جداً: لج أختي ولكل الأخوات , أنتبهن قشر الرمان الجاف يسبب عقم للرجل والمرأة .وإذا أحتجتن تاخذنه لدواعي علاجية يكون بحرص شديد وجرعات محددة ومب لفترات طويلة . هذه المعلومة مب الكل يعرفها مع الأسف . ولكن حقيقية ووحدة من صديقاتي بعد ما جابت أو طفل , كانت تاخذ مطحون قشر الرمان علشان مشاكل في المعدة وبعدها ما حملت أبداً , الحين ولدها عمره خمس سنوات والدكاترة في مكان راحت له ما يعرفوا ليش صار عندها عقم تام وهي جايبة طفل قبل , حمل طبيعي وولادة طبيعية . سبحان الله . الله يعوضها ويرزقها بالذرية الصالحة ويرزق كل محروم .
__________________________________________________ __________
>>>> الرد الرابع :
مبروك اختي
بالنسبة للوزن وترتيب شكل الجسم انصحك بتمارين جوليان , سوي بجث بجوجل وبيطلع معاك 3 فيديو كل فيديو فيه رياضة تمارسينها يوميا نص ساعه و لمدة 10 ايام + شرب عالاقل يوميا 2 ليتر ماء (شرب الماء ايضا يرطب بشرة الجسم ويحس وظائف الجسم الحيوية وينقي الكلى من الأملاح ويخفف عنك التهابات شهر العسل)
واكلك خليه منوع بس سوي تخفيف , في خلال شهر شكل جسمك يترتب وبتدعيلي ان شا الله
بالنسبة للمشتريات انصحك تستغلين الوقت وتبدين تجهزين الأشياء الي ما تحتاج قياس ولا تعتمد على شكل الجسم, مثلا الشنط والأحذية وانتو بكرامه والعطور والكريمات والمكياج و الاكسسوارات ولا تقولين ما في وقت الأيام تمر بسررررعه
كل التوفيق اختي
__________________________________________________ __________
>>>> الرد الخامس :
المشاركة الأصلية كتبت بواسطة تناهيد جرح
أول شي مبروك حبيبتي والله يتمم لج علي خير يارب ..
ثاني شي سوي لج لسته بكل الأغراض وبتحصلينها فالمنتدي اظن
وقسمي فلوسج ومشترياتج طبعا اسعار توقعيه تحطين
بالنسبه لصوالين والله ما عندي خبره فصوالين الشمال
بس أنتي حاولي تهتمين فجسمج وانصحج بالرياضه علي الرريييق
حتي لو نص ساعه وسوي تمارين من هالحساب @walidyari بتحصلينه موجود ع الانستقرام .. انا قبل عرسي كنت اسوي رياضه ولما
ملجت كثفت المهم مب من زمان معرسه الا من شهر وفادتني التمارين اللي يحطهن يحط لج للكرش والخواصر والارداف وو بس وانتبهي ع روحج
واكلي اكل صحي ما في احلي عن الحياه الصحيه ولو ترومين امشي مرتين فاليوم نص ساعه
وابتعدي عن هالخرابيط خل ما خل تري يضر هالخل لانه قوي
اذا بتشربين ماي وتعصرين فيه نص ليمونه اوكي ع الريق بس ما انصح
بهالاشياء انا وبعدين استغلي الايام هاي عشر ذي الحجه صومي
منها تاخذين اجر ومنها تضعفيين ولا تفكيرين فالوزن كل همج جسمج
الهيئه يبين فيها الضعف لان العضلات تحل محل الدهون من جي مرات تشوفينه ما ينزل
وبس هاللي في بالي احين اتمني يساعدونج الاخوات ويفيدونج اكثر
مشكورة أختي على النصايح ..
وشرات ما قلتي بعتمد على التخفيف والليمون و الرياضة لأنه لاحظت تغيير في هيئة جسمي ..
رد مع اقتباس
