عنوان الموضوع : ورق x ورق .. سلحفاة .. دليل العروس
مقدم من طرف منتديات الضمير العربي

السلام عليكم
مره ثانية .. أحط لكم شغل ورق ..
أمس حطينا خنبسانه "خنفساة"
واليوم بنحط احمسه "سلحفاة"

تابعوا الصور .. والخطوات ..
أنا دوم أستخدم الطريقة اللي ماتحتاج أي أدوات خاصة .. المتوفرعند كل حد .. بس عشان تعرفون كيف الطريقة ..
بنحتاج أول شي نقص عدة دوائر .. أنا استخدمت درجتين من اللون الأخضر .. واللون الوردي .. بكل بساطة لأنه هالأوراق كانت باقية عندي من العلب اللي سويتها


دائرة كبيرة قطرها 3 سم باللون الأخضر " جسم السلحفاة"
3 دوائر صغيرة قطرها 1 سم باللون الوردي "أجزاء السلحفاة"
دوائر وايد صغيرة باستخدام خرامة الورق العادية "تشكيل درع السلحفاة"
أنا استخدمت 8 .. تقدرون تنقصون أو تزيدون على راحتكم ..


في البداية لصقوا راس السلحفاة .. بواسطة دائرة وردية .. الدائرتين اللي بقن .. انصفوهن .. بيصيرن 4 .. عشان أطراف السلحفاة


اقلبوا السلحفاة .. ولصقوا الدوائر الصغيرة .. وارسموا العيون .. استخدمت ال glitter حق العيون .. بس تقدرون تحطون فصوص .. كرستال .. أو دائرتين ورق صغار


وهذا الشكل النهائي ..


تقدرون تسوونها بأكثر عن طريقة ..
just give your imagination a chance



... ... ... ... يــتــبــع ... ... ... ...

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
هاذي طريقة ثانية بعد

نفس الأحجام اللي قبل
بس زياده الأطراف عبارة عن قطعتين مستطيلات ورفاع

نركب الراس بنفس الطريقة الأولى
بس الأطراف .. نصفت المستطيلين أو الشريطتين الرفاع .. وصارن 4 .. نركبهن بهالطريقة


من الجهة الثانية
رسمت الدرع باستخدام glitter pen أخضر وعقب ركبت الدوائر


وهذا الشكل النهائي ..
الحمسة وربيعتها .. هههههههههه





إن شاء الله استفدتوا وكانت طريقة سهلة عليكم
وأتمنى أجوف صور من تطبيقاتكم إذا أمكن



وتابعوا معايه كل فترة إن شاء الله متى ماقدر بحط شي يديد

__________________________________________________ __________

>>>> الرد الثاني :
بصراحه روووووووووووووعه....

وبذات الايشدو اللي حاطتلها ....ضحكتيني لولولوللولولولول

مشكورة على الابداع ونتريا اليديد منج دوووووووم...

__________________________________________________ __________

>>>> الرد الثالث :
ما شاء الله عليج كل يوم شي يديد ..

الله يوفقج ان شاء الله

__________________________________________________ __________

>>>> الرد الرابع :
هههههههههههههههههههههههههههههههههههههههه
والله انج طماشه يبالج اتسوين كركتير ^ـــ^
تسلمين يالغلاااا
^.^

__________________________________________________ __________

>>>> الرد الخامس :
رووووووووووووعه