عنوان الموضوع : حد منكم جرب يصبغ أو يرسم على جدران الغرف؟ دليل العروس
مقدم من طرف منتديات الضمير العربي


مرحبا خواتي

ابصراحة محتارة في هالسالفة .. غرفتي ناوية أصبغها وأستعين بصباغ .. لكن وأنا أنبش في بعض المواقع شفت كذا طريقة لناس يصبغون بيتهم ابروحهم والنتيجة شي فخم وأنيق ورووووعة.

وفيه طرق لتعليم الصبغ والرسم على الجدران خطوة خطوة .. واللي يتابع يحس إنه شي سهل وما يتعبل الواحد فيه.

بغيت أسأل حد منكم جرب يشتري أدوات الصبغ ويصبغ ابروحه أو يرسم؟ .. أعتقد إذا صبغنا ابروحنا فراح نشتغل بضمير ونتقن العمل لنه الجدران هاي جدران بيتنا وما بنتريا مقابل مادي من وراه.. ونسوي أي كلام.

آخر مرة يبنا صباغ كان شغله تعبان وما سوى نفس اللي اتفقنا عليه وضرب ضربته في الفلوس.. وأنا أخاف التجربة تتكرر وياي.

أبغي حد يشجعني لني مترددة ابصراحة.

مثلاً .. شوفوا هالرسمة الحلوة .. وحدة من ربيعات اختي سوته في بيتهم ولا استعانت بصباغ ولا رسام ولا شي:



>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
https://www.videojug.com/film/how-to-paint-a-wall


فيديو يعلم الصبغ ..

__________________________________________________ __________

>>>> الرد الثاني :
هلا اختي شحالج انا صبغت رسمت على جدران الغرفه طلع روعه بس اهم شى انج تكونين ماهره في الرسم عسب يطلع جدااارج كوووووول انصح ترسمين الانه صراحه يغير من نفسيه الشخص وتحسين انج في مكان ثاني

__________________________________________________ __________

>>>> الرد الثالث :

المشاركة الأصلية كتبت بواسطة عيناوية دلوعه
هلا اختي شحالج انا صبغت رسمت على جدران الغرفه طلع روعه بس اهم شى انج تكونين ماهره في الرسم عسب يطلع جدااارج كوووووول انصح ترسمين الانه صراحه يغير من نفسيه الشخص وتحسين انج في مكان ثاني



أنا أرسم بس بالرصاص وما جربت بالألوان رغم إنه ودي في هالشي بس خايفة من فشل التجربة.

وهاي نماذج من رسوماتي






__________________________________________________ __________

>>>> الرد الرابع :
ودي من زمان اصبغ غرفتي بس اخاف ما يطلع حلو و اخاف اسوي نص الغرفه و اترك نصها
بالتوفيق ان شاء الله

__________________________________________________ __________

>>>> الرد الخامس :

المشاركة الأصلية كتبت بواسطة silkywater
ودي من زمان اصبغ غرفتي بس اخاف ما يطلع حلو و اخاف اسوي نص الغرفه و اترك نصها
بالتوفيق ان شاء الله



يعني طلعتي شراتي.

تابعي هالمقطع من الفيديو يمكن تتحمسين .. بس المشكلة في اللغة .. شكلها ترمس بلغة أهل المريخ لوووووول

تعلم الصبغ