عنوان الموضوع : درس : طريقة عمل علب توزيعات على شكل استاند شمعة ( شمعدان ) ؟؟!! لعروسة الامارات
مقدم من طرف منتديات الضمير العربي
السلام عليكم الغاليات
حابة احط لكم درس غريب شوي عن استاند الشمعة او الشمعدان ,, واللي طلع معاي فجأة بدون ما اخطط للموضوع ,, وحاولت اني اصور كل خطوة منه عسب يكون سهل للي حابين يستفيدون منه ,, وممكن تسوون هالاستاند مثلا كتوزيعات لحفلات عيد الميلاد مثلا لو كان البيبي مثلا عمره سنة وحدة حلووو او للي يحبون يحتفلون بذكرى زواجهم الاول يكون مناسب اتوقع ,, وممكن كتوزيعات للاحتفال باول خطوات للبيبي او ممكن تحطونه كزينة للمكان :122:
نبدأ بسم الله بالدرس ان شاء الله ...
نرسم خمس مربعات بنفس هالطريقة الطول في العرض = 1,5 سم *2 سم
************************
هنيه انا اسفة نسيت اصور الخطوات من بدايتها المهم :
1- نرسم خط مستقيم طوله 10سم ونحدد منتصفه عند النقطة 5سم .
2- نرسم خط ثاني عمودي على الخط الاول ويمر في نقطة المنتصف للخط الاول طوله نفس الشي 10 سم
3- نضع الفرجار في المنتصف ونرسم دائرة حول الخطوط المرسومة وفتحت الفرجار يكون طولها 5 سم
4 في نقطة المنتصف السابقة نقيس على احد الخطوط المتقاطعة 3 سم وتحدد بنقاط مثل الصورة ونرس دائرة صغيرة في المنتص وهذه الدائرة التي طول قطرها 3سم تكون هي مركز الدائرة الكبيرة
5- نزيد على الدائرة الصغيرة 1سم من كل جانب ونرس دائرة اخرى اكبر مثل الصورة ,, ونخطط بين الدائرتين الصغيرة والاكبر قليلا مثل ما هو واضح في الصورة ..
******************************
نقص الدائرة الصغيرونة ..
*******************************
نقصقص الدائرة الوسطانية بها الطريقة الموضحة في الصورة ..
************************
نقص مربعات الصندوق بها الطريقة
***********************
نستخدم نقوم بثني المربعات باستخدام الاداة المخصصة لذلك او باستخدام المسطرة حسب المتوفر ,,
********************
ها شكل الاداة المخصصة لثني الاوراق شوفوا طرفها كيف يشبه مشبك الاوراق !!
*******************
هاي طريقة ثني المربعات ..
******************
هنيه نحطي اللزق عسب نلزق كل مربع مع اللي جنبه ( يستحسن استخدام لزق خاص بالاوراق بس انا لان ما عندي استخدم اوهو ومشكلته العويصة انه يوسخ للاسف )
******************
وبهاي الطريقة يتم الصق ( ان شاء الله انه واضح )
******************
وهاي صورة اوضح واللي توضح لكم الصورة النهائية للمربع او الصندوق الصغيرون
************************
*
*
*
يتبع -------->
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
تابع :
نرد للدائرة مرة ثانية ومن على الخطين الرئيسيين في الدائرة الكبيرة نقوم بثني الدائرة عسب يطلع عندي اربع ثنيات فيها ..
*****************
وعند كل ثنية نثني الورق بالشكل اللي مبين في الصور واكيد نلصق عقب عسب ما يتحرك من مكانة وتضيع الثنتية
*****************
وها الشكل النهائي للدائرة بعد ما قمنا بالثني على الخطوط الرئيسية ...
*****************
في هالمكان نحطي الصمغ ..بس نحطي الصمغ عقب ما نخلص الخطوة السابقة بس انا صورة قبل
*********************
ندخل الشكل المخروطي اللي سويناه في الصندوق الصغيرة ونحاول انا نلصق عدال ويثبت ,,
********************
*
*
*
يتبع --------->
__________________________________________________ __________
>>>> الرد الثاني :
نرسم على نفس الورق مال الصندوق او اي لون ثاني انتوا تختارونه براحتكم: نرسم مربع نفس الطولة الطول فيه اللي تبونه طبعا بس انا كنت حاطة 10 سم اما العرض فهو 7سم وها مهم لو سويتوا نفس قياسات الدائرة والصندوق ها انسب قياس للعرض ان شاء الله
ونضيق من 3 جوانب طول وعرضين 1 سم وهالمساحة بتكون الخاصة لوضع اللصق فيها عقب
***********************
نضع اللصق في طرف الطول في المكان المخصص بهاي الطريقة .. ونلف المربع بحيث يكون عندنا شكل اسطواني ونلزق الطرفين ببعض اوكي لان مثل ما تشوفون هالورق قوي ويحتاج لضغط وتثبيت وااايد عسب يتلزق في المكان الصحيح ,,
**********************
نقصقص واحد من جوانب الاسطوانة بهاي الطريقة ونثنينها وعقب نحطي عليها صمغ بس السموحة نسيت اصور هالخطوة ,,
*********************
ندخل الاسطوانة وين سوين الصمغ في الصنطوق ونتأكد انها دخلت عدل ويبتت اوكي ,,
وها بيطلع شكلها النهائي ,,,
************************
ولأني ادري انكم بتقولون لي ليش ما حطيتي الصور بالتزيين فقلت بشتغل عليها شوي بالمرة بغطي الاماكن اللي توصخت من الصمغ ,,
وها الشكل النهائي بعد التزيين ,, ادري انه مب شي بس صدق ما عرفت شو اسوي ,,
****************************
وان شاء الله يكون الدرس نال على استحسانكم ,, وقدرتوا تستفيدون منه ,,
ودائما وابدا اي ملاحظات ,, أسئلة ,, انتقادات ,, انا حاظرة ,, والسموحة على القصور ,,
والله يوفقكم وييسر لكم الخير ان شاء الله دنيا واخره
@ اختكم في الله @
ام ناصر
__________________________________________________ __________
>>>> الرد الثالث :
ما شاءالله
روووووووووووووووووعه
صج فنانه الله يعطيج العافيه
ونتريا يديج يالغاليه
__________________________________________________ __________
>>>> الرد الرابع :
السلام عليكم الغالية
تسلمين والله يالغلا ,, عيونج وتواجدج هو الروووووووووووووووعة ما شاء الله ,, مشكووووووووورة غناتي على التشجيع والله يوفقج وييسر لج الخير ان شاء الله دنيا واخره
@ اختكم في الله @
ام ناصر
__________________________________________________ __________
>>>> الرد الخامس :
ما شاء الله عليج يا ام ناصر
انا الحين ساير اعلم البنات في الدوام كيف يسوون علب حق اليوم الوطني و براويهم رابط موضوعج
عشان يسوون شغلات يديده
رد مع اقتباس
