عنوان الموضوع : مصافحه اولى (عادة العربان) قصيدة خليجي
مقدم من طرف منتديات الضيافة العربية
عادة العربان
احبك ولو كانت مسارات الزمن ضدي=احبك قلتها ياهيه الا يلعن ابو النسيان
احبك ايه انا قابل لعينك كل متحدي=احبك مثلما حب المفارق عودة الاوطان
كثر مايعشق .عنادك.غرورك, لهفتي صدي=كثر ماصارت افكاري لصفحة دفترك عنوان
وانا جيتك بأشواقي واحساسي على قدي=صحيح اني فقير الحظ ولاكن في النهايه انسان
انا ماجيت اتباهي وعايش في حلم وردي=ولاجيتك بزيف الحلم وعندي خاتم سليمان
انا مثلك بشر واعرف طباعي من زمن جدي=ولمن جيت لك عاشق اجيك بعادة العربان
انا يابنت ماخونك ولا طبعي ولا ودي=اداعب لهفة انفاسك واكون لعالمك خوان
انا كلي فدا قلبك وهاتي يدك بيدي=وخلي حبنا مركب وعشقي يصبح الربان
مدام اني وسط قلبك وعايش بالحشى وحدي=ابيك تلملمي فيني بقايا لهفة الحرمان
وابي روحك تدفيني وابي قلبك يظل عندي=ابي املك مفاتيحك واصير بداخلك سجان
ابي قلبك وابي عشقك ولا غاب الوله عدي=ابي حبك خبر عاجل كأنه معركة الافغان
من اول ماعرفت الكون وهم في وضع متردي=اجل وشلون لا عاشو سلاما في امان اخوان
اخاف اصبح انا وانتي بقايا دمع في خدي=نسابق لهفة انفاس الخدود بلهفة العطشان
لذلك جيت لك عاشق وابيك من الزعل هدي=وخفي ثورة اعصابك قبل لا ينفجر بركان
عرفتي ليه انا جيتك وقابل كل متحدي=لانك ريحة ابلادي وريحى وردها الفتان
لانك دفء اعصابي الامن هزني بردي=لا نك غير في قلبي .. وفي عيني وفي الوجدان
ولني اعشق وجودك واموت فطلتك حدي=حرام الوقت يسرقنى وتتباعد كثير ازمان
تعالي يابعد كل الطوايف وامسكي يدي=تعالي واعلني حبك كثر لينا تحب عدنان
فيصل المريسي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
صح لسانك و لا هنت.
اسمح لي ان اعبر عن اعجابي بقصيدتك
فهي جميلة و رائعة بمعنى الكلمة
كل احترامي و تقديري لك
اتمنى ان تكرمنا بتواصلك الدائم معنا.
تحياتي و تقديري..
__________________________________________________ __________
>>>> الرد الثاني :
المشاركة الأصلية كتبت بواسطة نادر^الوجودصح لسانك اخوي فيصل والحمد لله على السلامه بعد الغيبات الطويله وانشالله نشوف مشاركاتك الجميله دائما
صح قلبك والف الف الف شكر
__________________________________________________ __________
>>>> الرد الثالث :
نتطلع لجديدك اخوي الغالي والحقيقه المشاركه جداا جداا رائعه ..
ودمت في صحه وعافيه ...
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
