عنوان الموضوع : ميتة قهر من الصبغ دليل العروس
مقدم من طرف منتديات الضمير العربي

شحالكم حبيباتي

من كم يوم نزلت موضوع عن حجرتي اللي بغيرها وقلت بسويها نفس هالصورة




تعبت وانا احوس في موقع جوتن عشان احصل نفس الالوان خاصة درجة الوردي واااايد حلوة

المهم اخترت لونين وكتبت عندي ارقامهم واليوم رحت المحل واقول حق راعي المحل خلني اشوف اللونين في الاول وعقب بحدد

انا كنت ابا هاللون


قلتله طلعلي اللون الثاني اللي هو هذا


بس كنت ابا اشوف الفرق ،، وانا اتشاور مع الوالد راح الاخ مسوي من اللون الثاني الغامج

اهني عاد افجرت اقوله منو قالك ابا هاللون انا ابا الثاني ،، يقولي خلاص ماقدر لازم تاخذينه هاللون

عاد الحين انا متغصصة من الخاطر وكل شوي يالسة اطل على الحجرة بدوا يصبغون فيها وابد مب قادرة اقتنع لاني حاطة في بالي لون فاتح مابا غامج

شو رايكم باللون ،، والله الحين في بالي اخليهم يوقفون الصبغ وارد اشتري اللون اللي اباه ،، بس اخاف ياكلوني اللي في البيت لانه الحجرة خلاص جريب تخلص

شو اسوي ؟؟؟

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حاولي تقنعين نفسج وترضين فيها ^^

او

انج تتحملين كلمتين من الاهل وتصبغينها باللون اللي فخاطرج
وانا لو مكانج بسوي الحل الثاني
وقبل لا اطلب .. احط صبوعي في اذني وارمس
عسب اللي بيعصب ما اسمع منه شي <--- هني بيضحكون عليج وبيمر الموقف على خير (من أسرار تجاربي المنزلية) ^_^


لانه صعب اغير رايي
خاصه لو مقتنعه فشي من الاول وحاطته في بالي من فترة

__________________________________________________ __________

>>>> الرد الثاني :

المشاركة الأصلية كتبت بواسطة Mall.08
حاولي تقنعين نفسج وترضين فيها ^^

او

انج تتحملين كلمتين من الاهل وتصبغينها باللون اللي فخاطرج
وانا لو مكانج بسوي الحل الثاني
وقبل لا اطلب .. احط صبوعي في اذني وارمس
عسب اللي بيعصب ما اسمع منه شي <--- هني بيضحكون عليج وبيمر الموقف على خير (من أسرار تجاربي المنزلية) ^_^


لانه صعب اغير رايي
خاصه لو مقتنعه فشي من الاول وحاطته في بالي من فترة




شكلي جي بسوي ،، توني سويت مناحة ،، قالوا خلاص فكري وباجر بنروح نسوي اللون اللي تبينه

بس قلبي يعورني الحين شو بسوي في الصبغ اللي طاح في جبدي ؟؟؟

__________________________________________________ __________

>>>> الرد الثالث :
ازمجي الونين مع بعض سوي خطوط فاتحه يعني خليه الصبغ بس دخلي فاتح معاه

__________________________________________________ __________

>>>> الرد الرابع :
ترا انا عندي 3 طوف من هاللون ومابا ادخل وياه لون ثاني ،، الا طوفة وحدة مخططة

الحين انا ندمانة ليش ماوقفت على راي في المحل وخذت الصبغ اللي انا ماطلبته بس عاد من غبائي صدقت كلامه انه مايصير يرده ولازم انا اخذه

بشوف باجر شو بيصير وياي

__________________________________________________ __________

>>>> الرد الخامس :
اهم شي نفسيتج فديتج
سوي اللون الي تبينه .. و ان شاء الله الامور سهالات
واللون الي اخترتيه رهيب و الي صبغو به الحجره مو حلو