عنوان الموضوع : سيراميك ؟؟؟جرانيت ؟؟باركيه؟؟رخام...>>محتاره فيهم ادخلي موضوعي عروس الامارات
مقدم من طرف منتديات الضمير العربي



بما اني شفت الكثيرات غلبت عليهم الحيره في اختيار الارضيات
وهذي المرحله بالطبع كلنا نمر بها لي بغينا نعمر بيت او نسويله صيانه....

وبما اني من شهرين ابحث عن الارضيات بانواعها عشان اختارها لبيتي اليديد

فصارت عندي خلفيه ولله الحمد لابأس بها


وقررت اني احطي موضوع مستقل بهذا الشي
أفيد البناات في هذا المنتدى الراائع اللي ياما افادنا بأشياء متنوعه وكثيره....

((( مع العلم بان المعلومات بتكون منقوله من عدة مواقع ومنتديات ولكن بتصرف وبدخل فيها رايي الشخصي وتجربتي وتجربةاللي اعرفهم))


قبل لا نبدأ هناك قاعده لازم انحطيها ببالنا

(( قبل اي اختيار لاي نوع من الارضيات اسألي ها السؤال :
هذا اي رقم 1 ولا 2 ؟؟؟والجرانيت لازم تسألين : هل هو فل بدي؟؟؟ وبالطبع رقم 1 احسن شي
والفل بدي هو الاقوى


ثاني شي حاولي تاخذين قطعه من الارضيه (سمبل)وتسوين عليها تجارب في البيت
من ضمن التجارب اكتبي عليها بالفلومستر وخليها دقايق عقب امسحي
ان شفتي مايتم ولا أثر للون يعني نجح بتجربة الالوان

وهاتي ملعقه او مفتاح وشخطي ع الارضيه ان شفتي خطوط ظاهره يعني
هذا مب شي واي جرة اثاث عليه بتترك أثر

وصبي عليه عصير وبيبسي >>>لاتخلين شي في المطبخ الا تسوينه مواد تجارب خخخخخخ
وشوفيه يتحمل المواد المنظفه والحمضيات عقب ربع ساعه ع الاقل ولا انه يتغير لونه

واخر اختبار حطي القطعه في سطل ماااي وخليها تاخذ دش طووووووووووويل وهي
غرقانه بالماي ليله كامله وعقب طلعيها وامسحيها وشوفيها زين
فيها بقع ولا لا ؟؟؟؟؟؟انا من خلال التجارب شفت نوع من الجرانيت الصيني بقع

هذا دليل انه مايتحمل الرطوبه ويشرب الماي بالتالي بيبقع وع مر الايام بيتكسر


وبجذي بتختارين وانتي مطمنه ومرتاحة البال

والحين اني للانواع ومزايا كل نوع وعيووبه
وخلونا انسميهم الضيووووووف

1)) الضيف الاول هو ((السيراميك))>>>>>>تصفيق للسيراميك



هذا اللي تعودنا نشووفه باغلب البيوت باشكاااااااااال والواااااااااااااان مختلفه
وفي منه انوااع والنوع اللي عيبني بقوته وجماله هو الاسباني ونجح عندي بالاختباااااار
وخذ الدرحه النهاائيه >>> تأثير التدريس علي انتقل حتى للسيراميك ههههههه
((اخترت منه للصاله بالدور الثاني المتر بشي واربعين ))


مزاياه:
رخيص نوعا ما ،،، الوانه واشكاله متعدده،،، الموزاييك رووعه للحمامات والمطابخ
وهو من انواع السيراميك

عيوووبه:

اهم عيب ان الترويبه اتبين من اطرافه والترويبه هي مادة اللصق اللي يحطونها تحته

والعيب الثاني ان اطرافه تتكسر اذا يا عليها شي ثجيل طبعا مب كل الانواع

وبعد تظهر عليه ثقوب صغيره اذا يا فوقه اثاث ثجيل

واحجامه معظمها صغيره ماتي كبييره ((هو وايد مناسب للحمامات ))

اللي يفرق السيراميك عن الجرانيت هو ان الجرانيت صبه وحده
اما السيراميك عباره عن طبقتين يوم تنكسر اللي فوق وهو القشره
المشكله ان اللون البني اللي تحت يظهر وهو طبقة الطين الفخاري


واترككم مع صور متنوعه للسيراميك










وايد حلو للحمامات وانتو بكرامه







شفتوا شقايل متشحف تحت الكرسي!!!

[IMG]https://www.*****.net/images/Oct08/summer_19908.bmp[/IMG]


[IMG]https://www.*****.net/images/Oct08/summer_EBPyqM.jpg[/IMG]


وهذي القطع الصغار يركبونها مابين السيراميك





الخلااااااااااااااصه نقول للضيف :

تشرفنا بمعرفتك يااخ سيراميك واذا اخترناك في بيتنا لازم نختارك من الدرجه الاولى
واسمحلنا بنسويلك بعض الفحووووصات اللازمه ههههههه


هاااااااااا شو رايكم ؟؟؟؟؟؟ أكمل ؟؟؟؟؟؟؟
ترى مااقدر اكمله كله بيوم واحد الموضوووووع متشعب


يتبـــــــــــــــــــــــــــــــــع


(( تكملة الموضوووع في صفحة 3))

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
حلو موضوعج اختي كملي ونحن من وراءك خخ

__________________________________________________ __________

>>>> الرد الثاني :

المشاركة الأصلية كتبت بواسطة أم_عبدالله
حلو موضوعج اختي كملي ونحن من وراءك خخ




ان شا الله الغاليه

ومشكوره ع التشجيييييييع

>>>>>>أهم الشي التشجييييييييع

__________________________________________________ __________

>>>> الرد الثالث :
مشكوره ويزاج الله خير حبيبتي ....

__________________________________________________ __________

>>>> الرد الرابع :
ياحيا الله الضييييف اليديييييييييييييد كششششششخه لكنه مظلوم

2)) البورسلااااااااااااااااااان

(( كشخه لانه يشبه الرخام شكلا ولكنه مظلوم لان كل حد يسميه جرانيت
وهو بعييييييد تماما عن الجرانيت لان الجرانيت هو ماده طبيعيه ماتنحط
داخل البيت هو اللي ييحطونه عند مدخل البيت واللي يحطونه فوق كبت المطابخ اكيد عرفتووه
لكن انتشر عندنا باسم جرانيت والعرب اللي فيالمحلات عادي يعرفونه لكن الهنود
القليل اللي يعرفه بها الاسم

الموهم ماعليكم من الهنود في المحلات قولولهم : شي بورسلان؟؟
ان شفتوهم فجوا عيونهم واستغربوا ،،،قولولهم : جرانيت في؟؟


مزايااااااااااه :

الوانه واحجامه متعدده ،،وشكله مثل الرخام لان مامبينه ترويبه ظاهره
قص ليزر يسمونه يعني اطرافه تتلصق حذال بعض
عسب جي مانشوف مابينه فواصل

وبصراحه بورسلان راس الخيمه ماعليه كلاااام حلو وقوي وينافس البورسلان
العالمي (لكنه اغلى من الصيني تقريبا اسعاره مابين ال60 وال100)

انا باختار منه ان شا الله لكامل الدور الارضي نفس اللون والشكل
وبالطبع البيج الفاتح يناسب كل شي


والبورسلان الاسباني رقم واحد اغلى
ويوجد منه بورسلان اسباني شفته بالشارجه ع شكل باركيه قطه طوال
المتر بستين (بعدين بكلمكم عنه في جزئية الباركيه)



اما الصيني فالناس هاابين فيه رخيص الفل بدي باربعين وشي حتى فكرت اخذه خلاص
اشكاله تقليد للرخام ويي كبار سايزه (60 ×60 ،،، 70 ×70 ،،ومتر × متر بعد) بس يقولون والله اعلم انه عقب يبهت
على فكره احلى سايز انا اشوفه 60×60 للمساحات المتوسطه
اما المراكز شرات اللي تشوفونه في ارضية كارفور هذيلا سايزاتهم كبار
حللوه بس تناسب مساحاتهم الكبيره

وبصراحه وايدين اعرفهم مركبين الصيني منه حتى اختي مركبينه من خمس سنين
وهاكو شزينه ماصار له شي


عيوووووبه :

اللامع منه حلو للصالات والميالس بس يباله تنظيف مستمر اي وصخ يبان عليه
ويزحلق لكن ها العيب مايأثر اذا كان في منطقه ماتنداس وايد شرات الميالس
ومن عيوبه بعد ان طاح ياهل علييه الله يحفظه بس من الكسر


وهذي صوور للبورسلان

هذا مطفي صغار اظني 40×40



هذا 60×60
نصيحه من مهندس (خلو العمال يحطون تحته اسمنت ابيض مب اسود)

[IMG]https://www.*****.net/images/Oct08/summer_banner06.jpg[/IMG]

هذا صيني






الخلااصه كلمه للضيف :

سامحنا يابورسلااان يخلطون مابينك ومابين الجرانيت ولكن ماعليك
قدرك محفوووظ وعقب ماعرفنا عن متانتك وقوتك بنختارك بس
لاتستاانس وااااااايد بنسويلك بعد الفحوصاات اللااازمه خخخخخخخخخ

__________________________________________________ __________

>>>> الرد الخامس :
ههههههههههههههه


والله موضوعج حلوووو و في وقته


تقيربا كل الي ذكرتيه عرفته من خلال جولتي لمحلات الارضيات


بس تصدقين توني انتبه انه البورسلان قصدهم جرانيت .. انا الي اعرفه انه البورسلان هذا نوع من انواع السيراميك الغاليه و تقريبا يكون اسباني ...




و بالنسبة للسيراميك .. صراحة ما احبه للبيت .. ما احسه يعطي فخامة حلوة .. حلو للحامات و المطابخ ..


بس البيت شخصيا افضل احط جرانيت او رخام .. لكل الاسعار غالية فبنحط جرانيبت ان شاء الله ..
وعن نوعية الجرانيت شفنا الصيني اشكال و انواع حلوة و لازم نختار رقم 1 الي هو full body لانه هذا ما يشرب الماي وما يعلم عليه القلم ..

وفبيت اهلي من متى حاطين جرانيت و صيني تقريبا بنكمل 8 سنين بس للحين جنه يديد و لمعته حلوة .. فعسب جيه انا قلت بحط جرانيت صيني فبيتي يعطي فخامة وشكل حلوووو .. و اكيد مثل ما قلتي بحط البيت كامل لون واحد و الي يكون ياي عالبيج الفااااااااتح ..



و نتريا تقريرج الباقي عن الرخام و الباركية