استعمل مربع البحث في الاسفل لمزيد من المواضيع
سريع للبحث عن مواضيع في المنتدى
-
شو رأيكم ؟
عنوان الموضوع : شو رأيكم ؟
مقدم من طرف منتديات الضمير العربي
هلا ..
انا عياللي صغار و ابا اخليهم كلهم في نفس الغرفة لين يكبرون شوي ..
فالحين عندي 3 طرق ممكن احط السراير
هاي الغرفة .. الباب من اقصى اليمين .. و بعدين الجدار اللي ي في الويه في باب يطلعكم على بلكونه و على اليمين و اليسار درايش طويلة
و مجابل هذا الباب الفتحة اللي اتدخل على الدرسنق و الحمام
1. احط 3 سراير البنات على جدار واحد و اصبغه لون فاتح بنوتي
و احط سرير ولدي و خلفه لون ثاني
2. احطهم كلهم نفس الجدار .. 2 يمين و 2 يسار و في النص الباب اللي يطلع على البلكونه
3. احط البانكر بد اللي هم فوق بعض
بشو تنصحوني ؟
مليت من كثر ما افكر !!! ساعدوني
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
الله يعينك عالتفكير ( مجربة )
انا عجبني اول اختيار .. الولد بجهة والبنات بجهة ثانية ... مااحب سرير بدورين
عشان تتحكمي اكثر في الديكور ولون المفارش وغيره
.
.
.
__________________________________________________ __________
>>>> الرد الثاني :
المشاركة الأصلية كتبت بواسطة جنان**
الله يعينك عالتفكير ( مجربة )
انا عجبني اول اختيار .. الولد بجهة والبنات بجهة ثانية ... مااحب سرير بدورين
عشان تتحكمي اكثر في الديكور ولون المفارش وغيره
.
.
.
مع الاخت .. حلو لو اتسوين الحجرة بلونين محايدين للبنات والاولاد وتخلين سرير الولد في صوب يكون الكورنر له وتسوينه ولادي شوي والبنات في صوب
وبالتوفييييييق اختي
__________________________________________________ __________
>>>> الرد الثالث :
أحس انه الموضوع نوعا ما صعب شوي و خاصة انه الجدران اللي فيها عرض اكثر
ضايعة و بسبب وجود فتحة البلكونة و الدرايش فيها و الجهة المقابلة فيها حمام و باب .
لكن هذا لا يمنع من استغلالها .
سؤالي ؟؟؟ باب البلكونة تستغلينه ؟؟ يعني تفتحينه او لا ؟؟
كم اعمار عيالج ربي يحفظهم لج ؟؟
***********
بالنسبة لي أفضل انج تستغلين الجدار اللي فيه البكونة و الدرايش و يكون هو جدار راس السرير
و الجدار الأخر اللي عاليسار يكون فيه مكتب او كبتات او مكان الجلوس .
اقتراح آخر انج تحطين سرير بطابقين و يكون حق 3 بنات عادة تكون القاعدة كبيرة و السرير العلوي لشخص واحد " المجموع 3 .
و الجهة الاخرى تحطين فيها سرير بطابقين ايضا لكن الطابق اللي تحت ما بيكون سرير بل راح يكون مكتب .او كرسين و تلفزيون .
و هالنوعية من الأسرة موجودة في ايكيا .
و بتجي بيكون عندج تناسب في توزيع الأثاث .
لكن هذا يعتمد على اعمار الاطفال يعني لو الولد هو الاكبر او هو الاصغر حسب ..!!
الى جانب السراير بتحتاجين طبعا مكان للترفيه و خلي مكانه عند الزاوية بالضبط عند فتحة الدريسنغ روم .
اما الجدار و اللي هو مابين الدريسنغ روم و الباب الرئيسي فهذا من الأفضل تكون به ارفف معلقة و حطي عليها بوكسات مرتبة
و ممكن تكون بالإسم ايضا حق كل طفل و فيها اغراضه الشخصية مثلا العابه او مقتنياته اللي يحبها .
في النص ممكن تحطين زولية اكبر و عليها كوشنات متنوعة يستخدمها الكل للراحة و خاصة انهم اطفال .
بالنسبة للالوان افضل اللون البينك و البني . و تحصلينه في ورق الجدران . و النقشة بتكون عادية جدا
يعني مب الوان و لا رسمات يهالوه . لا لا .. تخلينها عادية تناسب الجميع .
تجي بيرتاحون في حجرتهم حتى لو بعد عمر بإذن الله و الله يحفظهم لج يارب .
__________________________________________________ __________
>>>> الرد الرابع :
__________________________________________________ __________
>>>> الرد الخامس :
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى