عنوان الموضوع : بخصوص بيت العمر لتكوني انيقة
مقدم من طرف منتديات الضمير العربي
السلام عليكم
خواتي بغيت اخذ رايكم بعده اشياء واستفسر عن اشياء بخصوص بيت العمر
اول شى حبيت اقولكم ان شاء الله قريب ببني بيتي وابغي اخذ رايكم بخصوص الشكل الخارجي
لاني ناوية اسوي بيتي على الشكل الحديث ومن داخل نظام فنادق
سؤال ثاني بغيت اعرف كم كلفكم بناء بيت العمر وكيف استايله وكم غرفة وشكرا
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
التكلفة على حسب الامارة .... طبعا البنا في بوظبي اغلى من البنا في عيمان مثلا... أنا من بوظبي كلفنا البيت مليونين ونص... فوق خمس غرف نوم مع الدريسنق روم الحمام طبعا لكل غرفه.... وتحت مجلس الرجال+ غرفة الطعام للمجلس+غرفة نوم خاصة للضيوف الرجال... وأيضا مجلس للحريم + غرفة طعام الحريم + غرفة نوم للحريم... بتقولين ليش غرف النوم للضيوف؟ بالنسبة للرجال مثلا ايون عيال عم عيالي أو أعمامهم أو أصدقائهم يباتون عندنا فهاي الغرفة متوفرة وبالمناسبة باب الغرفة داخل مجلس طعام الرجال يعني ستر وما يكشف على الداخل... وغرفة النوم اللي عند مجلس الحريم طبعا مثلا أمي بتبات عندنا... بناتي يكبرن ان شاءالله ويربن اتكون هاي الغرفه مناسبة لهن.... وعندي صالة تحت وصاله فوق+ ملحق المطبخ والخادمه وغرف الغسيل والكوي... وديزاين البيت تراثي ومن داخل ماخذه أفكار من الفنادق اللي طرازها تراثي...
ياااارب يخلص البنا على خير إن شاءالله ونتهنى في بيتنا مع عيالنا إن شاءالله... إنتي بعد ربي يعينج واييسرلج المهندس الزين والمقاول الامين إن شاءالله...
__________________________________________________ __________
>>>> الرد الثاني :
وعليكم السلام
نصيحة فصلي مجلس الرجال مع ملحقاته (الطعام ونوم الضيوف) عن الفيلا عشان الخصوصية
تحتاجون صالة قعدة لج مع اليهال وابوهم فيها تلفزيون ونت في الدور الاعلى ومطبخ تحضيري
المطبخ الرئيسي اذا داخل الفيلا سوي له باب خارجي
خلى كل غرف النوم ماستر (بحماماتهم والدرسنج) غرفتج الرئيسية خليها جناح (جلوس و نوم و غرفة دريسنج وحمام كبير مقسم للشاور و للبانيو وللمرحاض و مغسلتين على كاونتر واحد
سعر الحديد عالمي يصعد وينزل وهو نفسه في كل مكان
اللي يفرق الاسعار اللي يحطونها الاستشاري والمقاول
بس تقدرين تقارنين السعر لأنهم يحسبونه بالمتر المربع
الحجر والزجاج يقاوم الظروف الجوية لكن الصبغ بسرعة يخترب حتى لو عليه ضمان
يفضل قبل الشروع في تنفيذ الفيلا تشوفين مصمم او مصممة ديكور على 3D
ممكن تغيرين رايج في تصميم الفيلا عشان الديكور وبعد تحتاجين عشان توزيع الكهرباء وبايبات الماي والصرف الصحي
هذي أقتراحاتي ممكن تستفيدين منها اذا حابة
__________________________________________________ __________
>>>> الرد الثالث :
بيور ديزاين شركة وطنية تأسست 2011 تقدم خدمات عالية المستوى في التصميم الداخلي و الديكور لجميع المنشأت السكنية من فلل و قصور و أبراج سكنية وصولا الى المنشأت التجارية من شركات و مكاتب و مجمعات تجارية , حيث يقوم فريق مختص بتنفيذ هذه الأعمال بجودة عالية و دقة متناهية في وقت قياسي .
تستطيع ان تشاهد منزلك كأنه حقيق بجميع الخامات الطبيعية بواسطة تقنية الثري دي .
للأتصال بنا : موبايل : 0553496634ِ ام زين هاتف : 037849300
__________________________________________________ __________
>>>> الرد الرابع :
__________________________________________________ __________
>>>> الرد الخامس :
رد مع اقتباس
