عنوان الموضوع : حديقة بيتي . . . قولوا ما شاء الله ديكور عصري
مقدم من طرف منتديات الضمير العربي
انا من سنه انتقلت بيت فيه حديقه عشان اليهال يلعبون فيها
وانا وايد احب سوالف الزراعه
شوفوا حديقتي انا بروحي صممتها و اشتريت الاغراض
بس كنت اييب عمال للتنفيذ و اكون واقفه على راسه
او شي هذا شكل الحديقه من الخارج انا ركبت الخشب
سويته من عند النجار و انا رسمت له الموديل
و طبعا الاعلام عشان عيد الاتحاد
شفتوا الطياره ؟ اكيد عرفتوا وين ساكنه في دبي ! ! !
المهم
هذا مدخل الحديقه من خارج البيت
وهذا اول ما تدخلون الحديقه
على السور الخشب زرعت متسلق نوعين ( اشتريتهن شتلات صغار من المشتل )
ملكه الليل
و متسلق يطلع ورد بنفسجي ( ما اعرف شو اسمه ) بس بعده صغير اشتريته يديد
وتحت السور يعني تحت الشجر المتسلق زرعت ورد كارنيشن اسمه
لونين وردي
واصفر
على يمين المدخل زرعت فواكه
تين اشتريتها شتله صغير قبل سنه والحين ماشاء الله كبرت بس بعدها ما ثمرت
مانجا
ليمون
و توها بدت تثمر
وشوي جدام زرعت يوسفي
ثمرت قبل فتره و الحين ما فيها شي
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
و شجرتين موز عماني
و شجرتين برتقال صغير
و ما شاء الله طول السنه اتثمر
كركديه
الورده مالته بس بعدها ما فتحت
والحين الجزء الاهم في الحديقه
العاب اليهال
وعلى اطراف الجدار سويت احواض صغيره للزراعه
في الاحواض زرعت
باذنجان
فليفله
__________________________________________________ __________
>>>> الرد الثاني :
طماطم
نعناع
و شجره توت صغيره
و باقي الاحواض ورد مشكل
و شجر داماس عدال الجدار الفاصل بيني و بين الجيران
عشان الخصوصيه يوم نيلس في الحديقه
و على جنب فل ابيض من النوع الكبير
وخلفا الشوايه بس نسيت اصورها
وهذي علقتها عالجدار الفاضي شكلها حلو و صوتها احلى
__________________________________________________ __________
>>>> الرد الثالث :
و اخيرا القعده
وانا جمعتها من كل مكان اشتريت شي
وهذا الشكل النهائي
الاضاءه ( الكبيره بس اللي فيها ليت زجاجه ملون و الصغار زينه )
وهذي قعدة اليهال
خلصت الموضوع و الحين اتريا تعليقاتكم و رايكم بصراحه
__________________________________________________ __________
>>>> الرد الرابع :
الصراحة الحديقة واااااااايد حلوة
الله يسعدج دنيا واخرة ويحفظلج عيالج
__________________________________________________ __________
>>>> الرد الخامس :
ما شاء الله ما شاء الله تبارك الرحمن رووووووووووووووووعه
رد مع اقتباس
