عنوان الموضوع : حدثونا عن خبراتكم في زراعة النخل ؟؟ أحدث موضة
مقدم من طرف منتديات الضمير العربي
عندي مساحه كبيره فاضيه في حديقة البيت
وحابه ازرع نخل
محتاره وين اييب الفسايل ؟
ومتى موعد الزراعه ؟
ومتى موعد التلقيح ؟ وهل المزارع يقوم بها والا حد متخصص؟
وما هي المشاكل اللي واجهتكم ؟
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
النخل أسهل شيئ
اشتري انواع غاليه مثل البرحي والخلاص
حلال فيهم التعب والماي
__________________________________________________ __________
>>>> الرد الثاني :
النخيل ماشي اسهل منه والحين الوقت مناسب لزراعته اختاري انواع مختلفه اول شئ النغال لان اول البشرى تكون منه وبعد زرعي خلاص بومعان فرض ولولو وجبري وخنيزي وطبعا المزارع هو بيعرف مته وقت النبات وها السوالف
__________________________________________________ __________
>>>> الرد الثالث :
من تقريبا 8 شهور أشتريت15 نخله وزرعتهن واللي اشتريت منه النخل زرعلي أياهن ومشاء الله تبارك الرحمن طلع عندي بس ماتن ثنتين وساعة ماتزرعين النخل لاتخلين الماء أيي قلب النخله لانه يذبحها ولازم تلفينها بخيش إلين يخضر قلبها وتطلع ولازم تسقينها يوميا مرتين مدة شهر وأنا وايد اسمتع في العصر ساعة ما أطلع الحوش وأيلس أسقيهن وأرتب فيهن
__________________________________________________ __________
>>>> الرد الرابع :
أختي أنا اشتغل إدارة وحدة دراسات وبحوث تنمية النخيل مختبر زراعة الانسجة النباتية تابع لجامعة الامارات
وتقدرين تزرعين الا شتله طول ايام السنة وتقدرين تزورينا وتاخذين الاتبينة وعندنا كتيب ارشادات للزراعة
وأهم الاصناف الا موجودة حالياهيـ ...أبومعان \نبتة سيف/دباس/سلطانة/فحل/نبتة مزروعي /صقعي /زاملي/نادرة/ هلالي صيني/مداين/جدمي/أشهل الاحساء/خضري /شيشي/لولو /هلالي/خنيزي/جش فاطمة/نبتة سيف أشهل ..
وأي أستفسار أنا حاضرة
__________________________________________________ __________
>>>> الرد الخامس :
أختي أنا اشتغل في إدارة وحدة دراسات وبحوث تنمية النخيل مختبر زراعة الانسجة النباتية تابع لجامعة الامارات
وتقدرين تزرعين الشتله طول ايام السنة وتقدرين تزورينا وتاخذين إلاتبينة وعندنا كتيب ارشادات للزراعة
وأهم الاصناف الا موجودة حالياهيـ ...أبومعان \نبتة سيف/دباس/سلطانة/فحل/نبتة مزروعي /صقعي /زاملي/نادرة/ هلالي صيني/مداين/جدمي/أشهل الاحساء/خضري /شيشي/لولو /هلالي/خنيزي/جش فاطمة/نبتة سيف أشهل ..
وأي أستفسار أنا حاضرة
رد مع اقتباس
