عنوان الموضوع : خواتي المزارعات عندي استفسار
مقدم من طرف منتديات الضمير العربي

السلام عليكم خواتي الغاليات شحالكم
بغيت اسأل بالنسبة للبذور الرويد و البطاط و الشبت و البصل وين أحصل هم و لو شي طريقة ثانية غير الشتلات و البذور لزراعة البصل

بعد عندي استفسار بخصوص الفلفل الحلو زرعت البذور من فترة تقريبا 3 أسابيع بس ما استوى شي ما نبتت موووول مدري شو السالفة

اتمنى من مزارعاتنا الحلوات الرد على استفساراتي
وجزاكم الله خير

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
محد يعرف يا بنات معقول

__________________________________________________ __________

>>>> الرد الثاني :
محد يعرف معقولة ؟

__________________________________________________ __________

>>>> الرد الثالث :
بالنسبه للبصل اتقدرين اتحطين راس البصل كامل وتزرعينه ،،،،
والبذور مادري وين شوفي الاماكن الي يبيعون زراعه يمكن عندهم بذور
وفي دايسو بعد في قسم الزراعه يبيعون بذور لبعض الخضار ،، لكن مادري اذا هي نفس نوعية الي عندنا والا غير

__________________________________________________ __________

>>>> الرد الرابع :
جزاج الله خير أختي عالرد

__________________________________________________ __________

>>>> الرد الخامس :
السلام عليكم.

أختي لزراعة البطاطا، خذي بطاطا عادية وضعيها كم يوم في مكان رطب، ستظهر عليها رؤوس فيها نببت، قسمي حبة البطاطا على حسب الرؤوس بالسكين، يعني بكل قسم يكون في راس واحد، وازرعيه. أو ممكن تزرعي حبة بطاطا صغيرة وبتنبت إن شاء الله طريقة مجربة.
البصل بعد نفس الشي ازرعي الراس كامل، واتجاهه لفوق، أو اشتري بالسوبرماركت كيس بصلات صغيرة لتغيير النوع.
والرويد بعد لأنه من الجذريات.
الشبث، اشتري من السوبرماركت وجربي حطيها بماي فترة، لما تظهر جذور ازرعيها، لما تنمو تطلع لها بذور خذريها وازرعيها تكون لك زراعة من بذور ... شو رأيك ؟

على كل حال لما أنزل قريباً على محل بذور بشوفلك لو حبيتي اكتبيلي عالخاص، وانت بأي إمارة ؟

بعض البذور فعلاً ما تطلع، يا إما هي البذور رديئة، يا إما التربة فيها شي، يا الوقت غير مناسب ..... تحصل ....... أنا عادة بزرع عدة بذور من الكيس بعد ما يطلعوا بزرع الباقي.

بالتوفيق


والسلام عليكم ورحمة الله