عنوان الموضوع : حديقة خالوه احلى وبلمسات يديده حياكم ديكور منزلي
مقدم من طرف منتديات الضمير العربي

السلام عليكم ورحمة الله وبركاته
الموضوع بس ايديد بافكاره وباضافاته اليديده ولا كلكم اتعرفون حديقة خالوه ام سلطان
ربي يعطيها العافيه
في البدايه اقدم اعتذاري لاختي ام شيخه لان ظروفي ما سمحت لي بالمشاركه في المسابقه
لكن استمتاعكم ومشاركتكم في موضوعي هي اكبر جايزه

يا ترى شو اليديد ها السنه صراحه اكبر تغيير هو البير اللي انا شخصيا افتقدته لانه كان
جد متميز واول سنه كان مزروع ووتر ليللي وثاني سنه كان فيه اسماك وكل سنه ام سلطان اتغير فيه ولما ينتهي موسم الحدايق ايكون احلى مكان الاطفال ينخشون داخله
لكن الله يسامحها ما خلتني اشوي داخله قبابه واسويه تنور
المهم بعد سنوات هدم البئر وحلت محله هذه النافوره اتذكرت امي الله يرحمها دوم اتردد بلوعه
استبدلوا غيري وانا خلوني عقب الصداقه خلتي جفوني ايحزن حالك يا بير






ها المعلقات اعيد تجديدها وصنعت محليا من الحديد المشغول بحجم اكبر واثقل ابتعدوا لا توقفون وايد تحتها





من الخلف عند مدخل الجراج




ها الستاند الجميل من اقدم الموجودات اشتريناه من محل يبيع ورد الهندي ما كان حاس بقيمته
شكريا بابو






يمين المدخل لا حظو شجرة السنديان القزمه احبها لكن عمرها اشهر قليله





يسار المدخل
لاحظوا الجذع الاثري شفناه مفرور في الطريج واكبر ريوس وعشر دراهم بايد فاعل خير حصلناه في الطريج وزحلقناه في الدبه



شوفوا كيف اثري ومطحلب بشكل طبيعي




بعدنا واقفين عند المدخل يسار سنديانه قزمه ثانيه هندسه زراعيه درجه اولى





مكاني المفضل انا وام سلطان




شكله طايح مطر




لاحظوا جمال تنسيق حوض الازهار تحت الشباك وشوفوا المتسلقه الواصله لين البلكونه
اشهر من الرعايه والاهتمام كلما احببت الاشجار اكثر اعطتك افضل ما لديها




تابعوني قريبا في زاويه اخرى من زوايا الحديقه
استمتعوا معي بكيكة مس جي في حديقة منزلي اهداء لجروب تجمع حديقتي

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
محجوووز
بس وين الكيكة؟

__________________________________________________ __________

>>>> الرد الثاني :
الكيكه اكيد تسالون هنا شفت النت يرامق والموقع علق حطيت ايدي على قلبي واتذكرت معانات الجروب مع الصور وقلت نفاد بحط لهم الكيكه بعدين





الحمدلله حطيت الصوره

بغا ايطيح قلبي باج بكمل ما فيه على عوار القلب بروحي يتيمه

__________________________________________________ __________

>>>> الرد الثالث :
احلى كيك , كيك مس جي كافيه يــــــــــآلبه

__________________________________________________ __________

>>>> الرد الرابع :
غيري موقع التحميل ام جاسم عشان ما ينمطن الصور يوم نحفظهن
عندج gulfup ممتاز

__________________________________________________ __________

>>>> الرد الخامس :

المشاركة الأصلية كتبت بواسطة shsh.96
احلى كيك , كيك مس جي كافيه يــــــــــآلبه



اقول شوشو ردي مره ثانيه بليز
الموضوع عن الحديقه طال عمرج
مب عن الكيكه