عنوان الموضوع : تنورة شيييك لبنتي الحلوة...... مع أم خليفة ...(بالخطوات المصورة) ديكور جديد
مقدم من طرف منتديات الضمير العربي
السلام عليكم ورحمة الله
فصلت حق بنتي فستان للعيد وتم عندي تقريبا وار ونص ... فقلت بسويلها تنورة طويلة ... طبعا رسمت البترون وقصيت ثلاث قطع للجزء الأمامي وثلاث للخلفي
نقص القطع مع مراعاة ترك 2 سم زيادة للخياطة ونعلم على أطراف البترون بالماركار
نشبك الثلاث قطع الأمامية مع بعض بالدبابيس ونخيطهن بالمكينة
بعد ما نخلص خياطة الثلاث قطع شذه بيكون شكلها
وبعدين نخيط من ألأمام على الخياطة عشان تعطينا شكل حلو ( إختياري)
بعد ما نخلص الجزء الخلفي بنفس الطريقة ... نشبكها مع القطعة الخلفية من الجناب ... وخلوا فتحة من أعلى عشان إنركب السحاب.... ندبس السحاب وبعدين نخيطه.
وهذا شكله من برع
لعمل الكمر (حزام التنورة) نقص قطعة بطول دوران التنورة مع زيادة 4 سم على الأطراف ...وبعرض 7 سم تقريبا . ... بعد ما نقصه نحطه على قطعة الفازلين ونكويها عليها عشان تلصق وبعدين نقصها.
نثبتها على داير التنورة بالدبابيس
ونخيطها من داخل بالمكينة
نثني الكمر للخلف ونخيطه عند نهاية السحاب
نقص الزيادات ونرد نشسفها للجهة الصحيحة ونخيطها
تقدرين تخيطين الذيل عادي أو تركبيله وصله من لون مناسب .... أنا أخترت هذا اللون.
نخيط القطعتين من الداخل مع بعض بمكينة الأوفرلوك
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
بعدين نفرد القطعة على الوجه الصحيح وندخلها على داخل ونجسفها وندبسها
ونخيطها من برع
وهذا شكلها النهائي
للبنات الي طلبوا البترون تقدرين تحملين ملف التنانير لساكنة الجبل من هذا الرابط ... إذا ما فتح بروحه إضغطي على كلمة here باللون الأزرق.
https://www.adrive.com/public/0297922...64b912507.html
__________________________________________________ __________
>>>> الرد الثاني :
ما شاء الله عليج مبدعه
وبانتظار يديدج يالغلا ^^
وربي يوفقج حبوبه
__________________________________________________ __________
>>>> الرد الثالث :
اختي ام خليفة ممكن تخبريني من وين تيبين ادوات الخياطة
الكربون وقطعة الفازلين والرولت وغيرها
وتسلمين على الشرح والتنورة روعة تهنى بيها بنتج
وكثري علينا من دروسج الحلوة
__________________________________________________ __________
>>>> الرد الرابع :
المشاركة الأصلية كتبت بواسطة دنياالاسلام
اختي ام خليفة ممكن تخبريني من وين تيبين ادوات الخياطة
الكربون وقطعة الفازلين والرولت وغيرها
وتسلمين على الشرح والتنورة روعة تهنى بيها بنتج
وكثري علينا من دروسج الحلوة
مرحبا الغلا... وتسلمين على ردج.
أشتريهن من محلات أدوات الخياطة.... عندج الخيط الذهبي ... الخيط الأصفر ,,,والوفا ...وناظم ...طبعا هاي المحلات في العين .
__________________________________________________ __________
>>>> الرد الخامس :
حلوووووه التنوره مـآ شا الله
ان شآ الله فالمستقبل البعيد بسوي شرآتها لول
..
تنفع نخليها تنوره قصيره حق البنوتـآت
كيوووت
=)
رد مع اقتباس
