عنوان الموضوع : فستان بنتي لثاني يوم العيد بالتور والدانتيل..... مع أم خليفة (بالصور)
مقدم من طرف منتديات الضمير العربي
السلام عليكم ورحمة الله وبركاته
طبعا خلصت الإجازة وأحين فضيت أحطلكم موضوعي اليديد .... هذا الفستان خيطته حق بنتي ولبسته ثاني يوم من العيد .... وشكله كيوت .... الخامات الي ستخدمتها ( حرير هندي وردي - تور ذهبي - وداتيل ) طبعا بتحتاجين سحاب وجيبون عشان ينفش لفستان وبطانه حرير عادي من نفس اللون . المسألة كلها إبتكار في ابتكار .... يعني أنا رسمت الموديل في مخيلتي وحاولت أطبقه على بترون عادي وأضفتله بعض اللمسات ... أخليكم مع الخطوات....
1. رسمت البترون وقصيت على أساسه الجزء العلوي والتنورة من تحت
وهذي القطعة من التور نطبقها على بعض على شكل مثلث ونقصها بشكل دائري من أسفل
2. نبدا نخيط الدانتيلات على الصدر والأكمام
3. نقص التفتة (البطانة) على الباترون أو قياس قطعة الصدر ونمد خط لين الأسفل (طول الفستان المرغوب فيه ) بحيث يكون نفس وسع الفستان من أسفل.
ولا تنسين تقصين الجيبون( مب شرط يكون نفس طول الفستان)
3. بمكينة الأوفرلوك نخيط بداية قصة حردة اليد بخياطة عادية لمسافة تقريبا 4 سم ، و بعدين نزيد شدة الخيوط (تقريبا على رقم تسعة للثلاث خيوط) عشان نحصل على زم في الوسط ...وقبل ما نوصل للنهاية ب 4 سم نرخي الخيوط نفس ما بدينا
وهذا بيكون الشكل
4. نشبك قطعة الصدر مع القطع الخلفية من عند الأكتاف
بعدين نثبت الأكمام بالدبابيس ونخيطهن
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
وهذا شكله من الامام
5. نثبت الدانتيل على قطعة التور ونخيطهم مع بعض بالمكينة
6. نثبت التور من الأمام
والجيبون من أسفل
ونخيطهن مع بعض بمكينة التنظيف (الأوفرلك)
وهذا شكله من الأمام
6. نخيط الجزء الأمامي مع الخلفي من الجوانب بداية من إسوارة الكم لين نوصل لأسفل الفستان
7. نركب السحاب من الخلف
8. نثبت التور من على الأطراف بشكل زم ونخيطه
9. نركب البطانة من الداخل ونخيطها
10. نركب المطاط على اليد مع مراعاة مط الشريط وإنتي تخيطين عشان يعيطج الزم المطلوب
11.نثبت الدانتيل من الخلف عند خط الخصر بشكل مثني ونقص الزيادات
12. نثني القماش عند الذيل ونخيطه ونزين الحاشي بالدانتيل
وهذا شكل الفستان النهائي
وإنشاء الله يعجبكم
__________________________________________________ __________
>>>> الرد الثاني :
ما شاء الله علييييج
ياليت اتكملي الباقي ابغا اشوف شكل الفستان
مستعجله ما عندي صبر هههههه هههه
__________________________________________________ __________
>>>> الرد الثالث :
متشوقه اشوف شكل الفستان كيف بيكون ...نترياج الغاليه ...
__________________________________________________ __________
>>>> الرد الرابع :
ناطرين الطلة كاملة
وتتنهنى في لبسه
__________________________________________________ __________
>>>> الرد الخامس :
ماشاء الله تبارك الرحمن روووووووعه ،، والأروع إنه من صنع إيدج .... ماشاء الله عليج
تسلم أنااملج ..إبدااااع ..
رد مع اقتباس
