عنوان الموضوع : لحاف على شكل سليبنج باج ... مع أم خليفة بالخطوات المصورة تنسيق الحديقة
مقدم من طرف منتديات الضمير العربي

السلام عليكم ورحمة الله وبركاته

طبعا كان في خاطري من زمان إني أسوي لحاف على شكل سليبنج باج .... بس كنت متعايزة ... رحت السوق واشترقيت الأقمشة وبديت أقص وقلت يطلع إلي يطلع .... سليبنج باج .... شنطة ... المهم هذي الخطوات... وشوفو شو طلعلي في النهاية..

1. الأدوات المستخدمة



2. قصي مستطيل من القماشين واحد بيكون اللحاف من داخل والثاني بيكون الكفر الخارجي.... وقصي معاهم اللباد بنفس القياس الي بيكون الحشوة الداخلية



3. بعد ما قصينا .... نحط القماش السادة على المخطط وبعدين نسكرهم على بعض .... بالمسطرة ننزل تقريبا 18 إنش ونحدد المكان الي يفصل الجهة الي فوق عن إلي تحت ونقصه بالمقص.



4. نشسف الطرف إلي قصيناه إلى أسفل( الطرف إلي شسفته بيكون اللحاف من جدام)




5. الجزء الخلفي نرسم عليه بطبشورة التفصيل منحني من الجهتين ونقصه على شكل بيضاوي.



6. إذا عندج شريط دانتيل خيطيه بيدج من اليمين إلي اليسار بعدين شدي الخيط عشان يعطيج شريط مزموم وترتبينه على القطعة الي قصيناها على شكل بيضاوي والي بتكون الجزء السفلي من اللحاف( طبعا يوم تحطين الدانتيل بيكون ظهر القطعة من برع عشان بنخيطها أول بعدين بنجلبها ) بعدين ردي القطعة الملونة على السادة وسكريهن بدبابيس بشكل عرضي عشان نخيطها بالمكينة.



7. نسوي نفس الطريقة للجزء الي شسفناه في الخطوة رقم 4 ونثبت الدانتيل بالدبابيس.



8. نبدأ نخيط بالمكينة على جميع الأطراف ما عدا الأسفل.



9.بعد ما نخيطه بيكون هذا شكله ونقص الحشوة الداخلية بنفس الشكل لكن إنصفر نص إنش من الأطراف.





10. ندخل الحشوة الداخلية وندرزها بالمكينة بالطول أو العرض أو بشكل بيضاوي من أعلى.



11. في النهاية سكري الجهة الأمامية على الخلفية وخيطيهن من الجهة المفتوحة من أسفل بالمكينة من الجهة الداخلية.



وبعد ما تجلبينه بيكون هذا شكل اللحاف النهائي.


ترى ميكي نايمة محد يزعجها

>>>>> ردود الأعضـــــــــــــــــــاء على الموضوع <<<<<
==================================

>>>> الرد الأول :
روووووووووعه

__________________________________________________ __________

>>>> الرد الثاني :
تسلم ايدج الصراحه روعه

__________________________________________________ __________

>>>> الرد الثالث :
تسلم الايادي ما شاء الله عليج

__________________________________________________ __________

>>>> الرد الرابع :
ياربي أستانس يوك أشوف إماراتية اتخيط

قسم بالله روعة...

ماشاء الله

__________________________________________________ __________

>>>> الرد الخامس :
رووووووووووووووعة ما شاء اللع عليج تسلم ايدج حبيبتي والله يكثر من امثالج في الخياطة