عنوان الموضوع : عندج عزيمة ومحد طايع يفصلج عباة... الحل عند أم خليفة أحدث موضة
مقدم من طرف منتديات الضمير العربي
السلام عليكم ورحمة الله وبركاته
طبعا هذا الموضوع دايما يستويلج تكون عندج عزيمة أو مناسبة مهمة وتلفين من محل لين محل ويقولولج زحمة وما نقدر نخلص العباة في يومين .... المهم أنا بالصدفة كنت مسوية عباة سادة بس ما إستلمتها إلا البارحة .... فرحت محل الكلف واشتريت دانتيل فرنسي وكريستال....
إذا ما عندج عباة وشيلة سادة تقدرين تحصلين وحدة جاهزة واطبقين عليها.
الأدوات المستخدمة
أنا قصيت الدانتيل من الوسط بشكل مموج نفس إلي على الدانتيل مثل ما هو موضح في الصورة إلي فوق وحطيته على طرف الشيلة وثبته بالدبابيس...خلي الدانتيل يكون شوي بارز على برع.
أحين ثبتيه بالمكينة وحاولي تكون الخياطة على نهاية طرف الشيلة
بالنسبة للعباة يفضل يكون فيها أسوارة ... وإختاري الدانتيل بحيث يغطي الأسوارة كاملة وثبتي الدانتيل بالدبابيس وبعدين خيطها بالمكينة على الزوايا
نثري عليها الكريستالات بحيث يغطي كل الدانتيل أو إذا عندج وقت رتبيهن على نفس شكل الورود إلي في الدانتيل وحطي عليهن الكواية لين ما تثبت في مكانها
والحين العباة جاهزة... طبعا هذا عقب ما نغسلت وانكوت
وأحين إسمحولي عشان ما تأخر على العزيمة
أشوفكم على خير
>>>>> ردود الأعضـــــــــــــــــــاء على الموضوع <<<<<
==================================
>>>> الرد الأول :
فكرة واااااااايد حلوة
تسلم أيدج يا أم خليفة
__________________________________________________ __________
>>>> الرد الثاني :
واااااااااااااااو موضوعج رهييييب
اموت على المواضيع اللي بهالطريقة
اشوفها مفيدة وتفيدنا جميع
تصدقين اول ما دخلت الموضوع عبالي دعاية
يوم دخلت صراحة فاجأتيني بانج تعلمين البنات احدى افكارج الروعة
__________________________________________________ __________
>>>> الرد الثالث :
ماشالله عليج يعطيج العافية ..
__________________________________________________ __________
>>>> الرد الرابع :
ماشاءالله عليج فكرتج حلوة و بسيطة , و عبايتج كيوووووووووووت
طريقتج فشرح حلوة وسهلة , تسلم أيدج عالموضوع و إذا عندج شغلات ثانية لا تحرمينا منها نزليها وخلينا نستفيد مشكورة يا طيبة
و بالتوفيق
__________________________________________________ __________
>>>> الرد الخامس :
يسلمــــــــــــــــــــــــــــــمو الغالية
ربي يوفقج
رد مع اقتباس
